المشاركات: 731
المواضيع: 92
تاريخ الانضمام: Jun 2005
السمعة:
0
الأخوة الشعراء ...
أحب أن أجمع صور شعرية عن المشتى
لذلك أتمنى من الأخوة الشعراء
أن يصوروها بأشعارهم كما يعرفونها
أو كما يتمنوها ... وهذه بداية متواضعة مني ...
من جَـنـِّتو
ألله أخد شَـقفة
وقـّلاّ: فـْر ِشي هالأرض
وامتـَدّي ...
وتا يضَـلْ كِتفِك
لاز ِق بْـكِتفي
عِـلـَّيت إسمِك
تا وصِل حدّي ...
مشتى الحلو
خـْلـَقتِك أنا تِحفِة
وعطيت حِسْـنِك
قـَدْ ما عِـندي ...
وان ر ِدِت رَيـِّحْ
مِـ التـَّعَب نِتـْفِة
عا سفوح تلاّتِك
أنا بْهَـدّي ...
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
المشاركات: 731
المواضيع: 92
تاريخ الانضمام: Jun 2005
السمعة:
0
المشتى ...
الله ...
بْـ سِتْ تِـيّامْ
كَوَّن هالدِّني ...
جْبالا ...
وشَمْسَا ...
وكِلْ ما فيها ...
لكن !!!
المشتى ضّـل فيها
شي سِنة ...
يزَوز ِق جَمَالا ...
تا انـْدَهَـشْ فيها !!!
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
المشاركات: 731
المواضيع: 92
تاريخ الانضمام: Jun 2005
السمعة:
0
جَبَـل السَّيدة ...
ما عاد بَدَّك
يا جَبَـلنا شْهُوق ...
صارت سْفوحَـك
تـَخِتْ للنجمة ...
والشمس
ياللي طالعة من شْروق ...
نورا تِعِبْ
ما وَصَّـل القِمِّة ...
ونسمة فـَجـِر
دَحْبـِتْ عْـلـَيك بْشَوق ...
مِنْ شَمِخـتـَك
شو تِعْـبـِتْ النـَّسمِة ...
وكْنيسِة السَّيدِة
الـْ بـِراسَـكْ فوق ...
تـْجَسَّـدْ بـِ هَيكَـلها
القـَدَر كِلمِة ...
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
المشاركات: 731
المواضيع: 92
تاريخ الانضمام: Jun 2005
السمعة:
0
مغارة الضوّايات ...
[size="6"]
شاخ الزمان
وعَم بيطلب عَـون ...
قِدَّام بابـِكْ
راكِع يصَـلـِّي ...
المَرمَر بـِعِـبِّـكْ
ألِفْ لـَون ولـَون ...
ألوان سِحر
الحَـلا بـِتـْحَـلـّي ...
فـَنْ النـَّحِتْ
والزخرَفِة بالكَون ...
مِـ دْموع شَمعاتِـكْ
جَمَعْ غـَـلـِّة ...
وتا يضّـلْ
فِيكِي النـّور
بيلالِي ...
مِن شِغِـل الله
انفـَتـَحْ ضُوّايات ...
وتا يضَـل
إسمِـك فوق
بالعالي ...
ويشمَخ حَلاكي
وعَـنْ حَلاكي صار
التاريخ
يكتـُبْ للدّني
آيــــــــــات ...
[/size]
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
المشاركات: 731
المواضيع: 92
تاريخ الانضمام: Jun 2005
السمعة:
0
مشتى الحلو ...
هَـونيك
عا حدود الأفق ...
لا لا
أبْعَـدْ مِـ الأفق ...
كَمْشِـة تـْراب مْـلـَوَّنِة
انـْجَبْـلِتْ
بـِعِـطـر السَّوسَـنِة ...
نامِتْ
عا نـَغـْمِة مْـدَوزَنِة ...
كِبر ِتْ
عا صِدق الوَلـْدَنِة ...
عا تـْلالها
شِـفتِ الغـَسَـق ...
يكْتـُبْ أسامي عالوَرَق
ويعَـطـِّرا
بْعِـطر الحَبَق ...
بـِدروبها
الله مَرَق ...
قـَلـُّن:
شُو إسْما هالدّني ؟!؟!؟
وبإيد مين مْـكَوَّنِة ؟!؟!؟
مِتـْلا عْـلـَيّي ما مَرَق ...
يا مْـلايكِــــــــــــــــــــــة
روحوا سْـألوا
شُـو إسِـمْها ؟؟؟
ولا تـْطـَوّلوا
يَمَّـــــــا
عْـطوني شِـي إسِـمْ
لـَحْـنـُو حِـلو
يعَـبِّـر عا مَنظرها الحِلو
قالوا إلـُو:
يا رَبْــــــنا
شُـو رأيـكْ
بمشتى الحلو ؟!؟!؟!؟!؟!
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
المشاركات: 731
المواضيع: 92
تاريخ الانضمام: Jun 2005
السمعة:
0
تلاتي ( القنطرة والدلبة والأنبوب ) ...
هِـنـِّي تـْلاتي ...
مين بيعرف
شو أعمارُن
مين لْ مِنـُّنْ
قبل الدَّهر ...
مين لْ مِنـُّنْ
بَعـد الدَّهر ...
ومين لْ مِنـُّنْ
شِـقْ التـَّومْ
بعِمر الدَّهر ...
يمكِنْ كِلـُّنْ
قبل الدَّهر ...
ويمكِنْ كِلـُّنْ
بَعـد الدَّهر ...
ويمكِنْ كِلـُّن
شِـقْ التـَّوم
بعِمر الدَّهر ...
مِنـُّن آخِد
عِطرو الزَّهر ...
ومِنـُّن آخِد
لـَونو السِّـحر ...
ومنـُّن آخِد
نـُورُو الفـَجـِر ...
ومِنـُّن آخِد
حِلـْوُو القـَطِر ...
حْجَار
بْتِضْحَـك عالتـّاريخ ...
وغـْصُون
تـْطالْ المَرّيخ ...
ومَيْ قـْراح
مِن كِتـْر ِ السَّـقـْعَـة اللي فيها
بـيشِـقْ
بْقـَلـْبا البَطـّيخْ ...
هِـنـِّي تـْلاتي ...
وبـِذ ْكُر جـِدّي
كِلما مَـرْ
بْرَقم تـْلاتي ...
يقِـلـّي: انشالله
انشالله انشالله
بْـعِمْرَك
ما بـِتـْشُوف شْـماتِة ...
حْـز ِرْتـُوا هَـلـَّقْ
أيـَّا تـْلاتي ؟؟؟ ...
انشالله
ما بـتـْشوفوا شْـماتِة !!!
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
المشاركات: 731
المواضيع: 92
تاريخ الانضمام: Jun 2005
السمعة:
0
الأنبوب والقـنطرة ...
الأنبوب والقـنطرة
يا جارتي ...
قولي بْصِدِقْ
قـَدَّيش عِمر ِكْ صار ...
لا تِسْـتِحِي
مِنْ جار ِكْ الأنبوب ...
بَعْـدِكْ صَبيِّة
بْعِـمِر هالأزهار ...
يا قـَنطـَرَة
مالِكْ عِـمِرْ مَحْسُوب ...
قبل الزَّمَن ؟؟؟
بَعْـد الزَّمَن ؟؟؟
يمكِن سَوا
خـْلِقـْتـُو سَوا ...
إنتي وقِفـْتِي
والزَّمَنْ خـَتـْيَر ...
لـَيْكِي حجار ِكْ
ما بْتِتـْغـَيَّر ...
يا ما مْخـَبَّى
بـِ قلبها سْرار ...
بْـتـَعْـر ِف
حَكايا ضَيعتي كِلاّ
وما بْتِـنـْقـُل الأخبار ...
مِنْ تـَحِتْ مِنـِّك
مَرْ مار الياس ...
قـْبالِكْ وقِـفْ
صَلاَّ وعِـمِلْ قِدّاس
تا يحْفـَظِـكْ اللـَّــــــــــــــــه !!!
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
المشاركات: 76
المواضيع: 23
تاريخ الانضمام: Sep 2008
السمعة:
0
عشيقة البدر مشتى الحلو .
(( بنت أخت البدر )) =
لمّا عَ درب العشق لاقيتا = قلبي قبل منّي عليها طار
ولحقت قلبي ورحت حاكيتا = حالاً حسدني وصار منّي يغار
قلتلّها يا بنت أخت البدر = يا ناسكة عَ جبال سحريّة
يا عالية بعزّ وجلال وقدر = يا غاوية بنسمات بحريّة
لمّا إلهي خلَّق الأكوان = خَصّك بإبداعو بْرسوماتو
صوَّر عَ خدّك أجمل الألوان = أغدق عليكِ جُلّ نعماتو
حيّك لكِ خيوط الشّمس إكليل = وثوب المزركش لبَّسك إنعام
وخلاّ النّجوم تقابلك تهليل = بحيثك عروس الفكر والإلهام
أنتِ يامشتى الحلو يا قيثار = أغنى الموسيقا بلحن ربّاني
من جوهرك حنَّت معو الأوتار = وزفِّك مع الألحان رحباني
عَ جبالك اشتعلت مشاعل نور = تقوى وهدى من نعمة الدّيان
وبجرودك الغزلان معها نمور = ومن نبع كوثر غامر الوديان
وساحة ودلبة وقنطرة وشحرور = بسرور غنَّى أعذب الألحان
وبيوت مبروكة بخبز تنّور = بالخير ربّ المجد كافيكِ
فيكِ يا مشتانا القلب هيمان =
* * * =
(( حرَّاس وشفعاء المشتى )) =
في يوم شفت البدر مَ يغازل حدا = تْمشَّيت إسمع للغزل والمغرمين
قرَّبت صوب البدر خطوات بهدى = طلع البدر مش بدر ! , رب العالمين
خَصَّص ثلاثة يسهروا يردُّوا الرَّدى = يحموا حماها من العبث والمجرمين
البدر الملاك الحارس وطول المدى = يسهر عَ مشتى الحلو حارسها الأمين
وعذرا بْعُلاها بالجبل نور وهُدى = تبقى شفيعتنا نصارى ومسلمين
والثالث الحلو الجبل قاهر عِدا = ومغارتو شوكة , بعيون النَّاقمين
وثبَّت ثلاثة بْوسطها زهر وندى = مع قوس , مدخل جنّتو للمنعمين
قوس بحجارة مقنطرة منها ابتدا = الفكر الثَّري يهدي عقول السَّالمين
ودلبة على أغصانها البلبل شدا = ومن نبعها غطّ ارتوى كوثر ثمين
وعا مورد الدّلبة الفكر دنُّو اهتدى = ومع بنت كرمتها سمير الشِّعر صار
ينهل قوافي يسكبوها الملهمين =
* * * =
(( مشتى الحلو )) =
يا مشتى الحلو ياأحلى المشاتي=ياأجمل مصيف عرفتو بحياتي
يا جامع في الرُّبوع الطّبيعيّــــــــة = مزايــا عصر ماضي وعصر آتِ
بذرى جبالك مغارة ســــرمديّــــة =ضــاويــّات فيها ســــرّ ذاتــي
بتحكي للخلف عن صــدق نيّــــة = قصص أســـلافنـا الغـرّ الأُبـاةِ
عند ماقاوموا الهجمــة البغيّـــــة = جيوش الخصم ما عرفت نجاةِ
ودلبـي صـامـدة وشــلاّل ميّـــي = وســــنديانة رمز مجد العتـاةِ
وبنبع الشّــــير والكبـــة النيّـــــة = وتـبــولــة وكبـب أذوق طهـاةِ
وعلى النّبعين ملقى الأشبهيّـة = طيور الحبّ لَ حبابن ســـــعاةِ
وحداثة علا الطّريقة المشتاويّـة = تحاكي المنتجع ملفى الزَّواةِ
وجبل للسَّيدة العذرا النَّقيّــــــة = بدير السَّـــيدة يانفس باتــــي
بشفاعتها شفى نفوس البريّـة = من الأدران والــذلّ الإماتـــــي
بترانيــم المــزاميــر الغنيّــــــة = وتسـابيح الصّلاة طهر التّقـــاةِ
ويا أغلى احباب في ضيعة هنيّة = بمحبتهم انطبعت ذكريـاتــــي
بحـريـــر القــزّ إيـديــن الصّبيّـــة = حاكو الشّال والشَّملة وعباتي
وعطوني ســحر أمّ الشَّـاعريّـة = تغـزل بالقصـائــد أغنيــاتـــــي
وعطوني حروف كلمة جوهريـة = منحوتــة بســفر كائـن ممجــد
محبة بعضنا تكلّل سماتي =
* * * =
(( مـوقـع مشــتاوي )) =
موقع مشـتاوي المشـهود = منـوّع كلّ النّاس شـهود
فنّ و فكـر و طـرفـة و نور = بـأخلاق وحـكـمـة معـهود
* * * =
فنّ و فكـر و طـرفـة و نور = الأصـالـة فـيـهـا مشــهور
فرسـانو بالمشـتى نمـور = المشـتى فيهم روض فهود
* * * =
بهـالموقع للشِّعر اصحاب = بـتـاريـخ المشـتـى تغنّـوا
فـرســـان بحـقـل الآداب = عـطـيـوا للـعـالـــم مـنّـــو
و فـتـحـوا للـفـنّ الأبـواب= الـفـنّـان بـيـطـلـق فـنّــــو
ودعيوا للمشـتى الأحباب = يزوروا الرّوض الكلّو ورود
* * * =
بموقع مشـتاوي تمنَّيـت= أكـتـبـلـو أحـلـى الأشـعار
رتـب شـعري بيت و بيـت = تَ يـلـيـق بـمـوقـع أقـمار
يـامـا تـمـنّـيـت و يـاريـت = نفسـي زهـرة بهيك مزار
عَ الـبـعـد بـحـبّـو تغنّيت = قطـعـتـلّـو عن روحي وعود
* * * =
يـا إخـوان بـمـوقـعـكــم = إنفوا كل شي بيمشي ورب
قـلـوب الـكل تشـجِّـعكـم = تحدُّوا الظّّلم تحدّوا الحرب
إسـعـوا بـعـفّـة مرجعكم = جنود الكلمة شرق وغرب
ألله بي وقّـف مـعـكـــم = بنشـر الحـبّ المالـو حدود
* * * =[/poem]
ـــ المشاركة الكريمة من الأخ الشَّاعر حسَّان بسطاطي المحترم .
موقــع مشـــتاوي المشهود = منّــوع كل النّاس شهود
فـــنّ وفكـــر وطـــــرفي ونور = بأخلاق وحكمي معهود
* * * =
هالدّلبي المصلوبي صلب = عَ خصـــر الغيــــم الميّاس
صـــورا بتعشـعش بالقلب = وبتعــيش بذاكــرة النّاس
ونبــــع الدّلب بيقلب قلـب = وكل ماتلاقى بمار الياس
تاترقصـــلو غصـــون الدلب = بيغنّـــي مخـمّس مردود
* * * =[/poem]ـــ ردّ الشاعر سلوم الياس سلوم على المشاركة السابقة :
مشتاوي المشهود = منوّع كلّ الناس شهود
فـن و فكر وطرفـة ونـور = بأخلاق وحكمـة معهود
* * * =
بهـالدّلبـة القلـب تعـلّق = أغصانـا بتملّي العيـن
النّسر علا اغصانا حلّق = وحـوريّـات بحـدّ العيـن
الشِّـعـر بفيّتـها تخلّق = بْشعَّـار يجوبو الكونيـن
وربـي بتـكـوينـو غلّق = بنبع الدّلبة يروي جرود
* * * =
من غصن الدّلبة عْرَبْنَا = شعنينة حْضرنا قـدّاس
ومن نبع الدّلبة شـربنا= ميّ بتغلي بالإحساس
بجودين وْورّاد وطـاس = مْلِيْنا الجرّة شربنا كاس
شربنا وعطَّرنا الأنفاس = بطـاسين وجود وْورّاد
وْورّاديـن وطـاس وجـود =
* * * * * =
المشاركات: 76
المواضيع: 23
تاريخ الانضمام: Sep 2008
السمعة:
0
((( حداء لمشتى الحلو )))
((( حداء لمشتى الحلو )))=
حملت صليب بجيدها = العذرا هدتها عيدها
مشتى الحلو بنت السَّما = أنعام ربِّي يزيدها
* * * * *=
مشتى الحلو بنت السَّما = عا إسمها الشَّهد انسما
منها الفكر علاَّ وسما = والمجد رافع إيدها
* * *=
منها الفكر علاَّ ارتفع = لولا شذاها ما انتفع
طلِّتها فوق المرتفع = لبوة ولها صْناديدها
* * *=
بمغارتا رمز الأزل = دهر اختزل عمر انعزل
صخرا بزل لولو نزل = حكيت غزل عن صِيْدِها
* * *=
ودلبة على أغصانها = حكاية ملاك الصانها
عن مركبة وحصانها = الياس الغيور يسيدها
* * *=
والقنطرة هيكل قِوَى =القنديل ساحتها ضوى
هبّ الهوى عليها دوى = قلبو انكوى بتأبيدها
* * *=
ودمعات نبعة ساكبة = بحبّ وحنان الرَّاهبة
لحباب قلبا واهبة = رغم الأسى بتنهيدها
* * *=
يا قاصد المشتى تعا = بأجمل روابي مّمتّعا
أشبال تحمي مرتعا = وأحلى جمال بْغيدها
* * *=
كل من على المشتى إجا = من قيظ هالدّنيا لجا
ثبَّت بقلبو مرتجى = زْيارات يبقى يعيدها
* * *=
مشتى الحلو درَّة أجل = ملقى البلابل والحجل
مجمع لشعَّار الزَّجل = ملفى البدر قرميدها
* * *=
مصيف حلو مشتى الحلو = الله بهباتو مكلَّلو
كل من إلو فيها خلو = اهتم وسعى بتشييدها
* * *=
يا ساكن المشتى عسى = ما تشوف أحزان وأسى
الجّلسة معك ما بتنتسى = تعيش بسعادة تريدها
* * * * *=
المشاركات: 6
المواضيع: 4
تاريخ الانضمام: Nov 2010
السمعة:
0
مشتى الحلوياروضةالأكوان مولودفيكي الحلامن يوم تكوينك يالوحةسماويةخطهاالرحمن وكتب عنوان المحبةعلى جبينك الانجيل فيكي صادق القرآن وصار الوفا والاخلاص دينك
