[COLOR="magenta"]الى عاشقة متعبّدة / شعر وتقديم : جرجس وديع الموراني
===========
طلبت منها موعد لقاء .... فقالت : نحن في زمن صوم مبارك ... ولايمكنني ذلك الآن .............111111 فكتبت لها قصيدتي هذه :
**

صلّي وصومي .. واعبدي الرحمن
وخلّي الشقى كلّو لابن مـــــــوران
ولو كان ربّوا خالقو متلــــــــــــــو
لمن كبر عاشر ملوك الجـــــــان
**
ولو كان متلو خالقو ربّو
وهو زغير تعبّد وحبّو
من يوم شاف عيونك الحلوين
تغيّر طريقو ... وضيّعو لدربو
**
من العدم خلقو الرب طفل زغير
وع محبّتو .. تربّى وصار كبير
ولمّن عيونك شاف .. غيّر مبدأو
وما عاد عرف الدين .. كيف بيصير
**
ولمّن عيونك شاف .. غيّر منطقو
بدربك مشي قلبو .. وع دربك لاحقو
وضيّع الايمان ودروب الصلا
من وقت ما عيونو بعيونك علّقو
**
وضيّع الايمان .. ودروب الصلا
بدال الصلا .. بلّش يغنّي للحلا
وصورة جمالك .. صامدا على مذبحو
ومزمور تسبيحك .. يردد ع الملا
**
وانت ما بين الحب والايمان
لا تضيّعي حالك ما بين اتنين
يا بتلحقي قلبك على دروب الهوى
يا ترجّعيه ... وتعبدي الرحمن
******
المهيري ..... / 2010 /

جرجس وديع الموراني[/COLOR]

[/COLOR][/SIZE]

تسجيل الدخول
اسم العضو:
كلمة المرور:	نسيت كلمة المرور؟
	تذكرني

منتديات مشتاوي

روابط سريعة

تابعنا