خلونا انا وانتم نرجع ايام المدرسة

[ملك الغرام]

ماذا كنت تكتب اوترسم على مقعد المدرسة؟؟؟
ياجماعة خطر في بالي هل موضوع انو شوكنا عم نكتب
على المقعد بالمدرسة
أكيد أنكم كنتم تبدعوا وتظهروا مواهبكم
كنا نتشاغب كتير
خلونا انا وانتم نرجع ايام زمان شوي :thumbs:
رح بلش انا
انا كنت ارسم قلوب و ورود على المقعد:p
و كنت احفر اسمي و مرة الموجه مطانيوس:ura: خلصني سكين كنت عم احفر اسمي فيها على المقعد بس ردلي اياها باخر الدوام :cheese:

شو كنتو تعملو انتو

[basharov]

عنجد انك ملك .... يا ملك الغرام

بالفعل موضوع بيرجعنا لاحلى ايام ايام ما بتنتسى طول العمر ايام المدرسة

بالنسبة الي :

متل عادة اغلب الشباب ... الحفر على الخشب

كنت احفر اسماء واحرف الاحبة ايام الصغر وايام المراهقة ( f - m - g - sh )

بتذكر كيف كنا عم نهرب من سور المدرسة اول ايام البكالوريا ... لنلعب طابة بملعب قريب ولقطنا المدير

قام اخر واحد عم ينط من السور زحطت رجلوا وطب .... سقط سهوا على راس المدير

وهات على عقوبات وبهادل تاني نهار ...

[sisi]

شكرا ملك الغرام عهالموضوع ....
مع العلم إنو من غير المسموح الرسم أو الكتابة عالمقاعد إلا أن هالعادة صارت بمثابة تقليد عند كل الطلاب ....
بالنسبة إلي و بما إني اساتني بالمدرسة ... بذكر اني السنة كتبت عالمقعد غنيتين " نحنا و القمر جيران " و " بلا ولا شي " و للغنيتين ذكرياتن .....كمان كتبت su si ti sha : يعني سوسو و سيسي و تيتي و ريشا ....و شوية أجوبة للمذاكرات .....
بكرر شكري ملك الغرام و الموضوع مهضوم و حلو ......