كانو وبعدن . . .

[علي عامر]

كانو وبعدن


كانو وبعدن متل شي بركيل * كفر عا بحّة ناية التنكيل

وسمّ الوفا من عرقهن يا قلب * طايف بمرجك بالبطش بالذنب

بشوك الورد وبدمعة الترتيل


كانو وبعدن حقد مالو حدود * والبغض من آياتهن معبود

عواصف فالته لؤم ونجاسه * وأدبهن ناسك بمعبد سياسه

ياما على النجمه بقبح غايات * رفّو جناح وحلّقو خيانات

هيدا جرح قلبي م هو تمثيل


ي قهري آخ شو هـ الألم كلّو * وعليي وحوش العدل طلّو

والله عمري مل من هـ الهم * خسرت الصبر مش بس عزم ودم

بالي على وسادة عبث نايم * والبوم جهر ع العاطفه حايم

هي عجبة الأزمان يا تاريخ * بعد الخراب وموقف التسليخ

وعجقة ضماير جمر وصواريخ * وكل اللي صار بهـ الأرض تدويخ

الصمصام حدّو بتكسرو تماثيل


كانو وبعدن ناكرين الرب * أخلص حبايب بالطّهر والطيب

بعلمي ي ربّي بعالمك في حب * شو هـ المحبّه بمنطق التعذيب

من كم دهر قلبي المضني شاخ * وبيرق ضميري بعب هوّه ناخ

وهلّق ع شطّ الحزن يا قلبي * من بعد نكسة جرح بالغربه

فات الوقت ي ديول العقارب * بعهركن سمعت مشارق مغارب

وغاضب عليكن غفل نهر النيل

24.6.2007