الفستــــــان.....!

[عمر بن أبي ربيعة]

[frame="1 80"] الفســـــــتان......!

ذوقكْ حلو....
مبروك هالفستـــــــــــــــــــانْ
أخضرْ...
متل حبقات هالبستـــــــــــــانْ
محتاركيف
الزّنبق بيحملْ
تحت الستاير حبـّة الرمـــــانْ....!

الخيطان
مشغولة بحرير قلوب
متل الشـّمع..
من لهفتو بيدوبْ
ضمّ الخصر
تايسرق اللفتات
من عيون عاشق
مستحي و خجــــــــــــــــــلانْ

و جوز الحمام
على سطــــح مرمرْ
عم ينده العروة
والزّر متســـــــــــكـّرْ
افتحلي القفصْ
محبوس بـــدّي طير
بلكي هديلي يفيــّق الغفــــيانْ

و شال الحرير
الغفي عكــتـافِكْ
نيــّال قلبو
بجيرة شفافِـــكْ
الفستان سجادة صلا
والشال محرابي
و القلب ناسك زاهد و ندمـانْ

يا ريت
إيديـّي إلك زنـــّار
يمكن إذا شفتو
من بعدها ما بغـار
جنـّيت
لــمّن شفت
عا خصرك حـــدا
ضحكـْــتي
و قلتي روق يا بو جنـــــــانْ

الدكتور محمود إسماعيل خليل
20\7\2007 [/frame]

[نواف مخائيل]

أهلا وسهلا

أهلاً بك في منتدى المشتاوي
أيّها الصديق العزيز
الدكتور والشاعر محمود اسماعيل خليل
عطرُ كتاباتك سوف يُعرّف عنك
ونحن بانتظارك وبانتظار أشعارك