21-07-07, 10:02 PM
ملاحظة: الدكتور ماجد سطاح يتحدث بلسان الحبيبة!!
[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=right use=ex num="0,"]
محمد خطيب:
رْجِعْت وْمَعَايِي الوَحِي مِن بَعِد طُول غْيَابْ = رِجْع وْمَعَايِي كَتَب بِحْرُوف وَهَّاجِي
أحْلَى قَصِيدِة غَزَل لَ أرْوَع الأحْبَابْ = بْلَيْلِة ضَاوِيهَا القَمَر وِالَّليْل شُو دَاجِي
جُوعَان حُب وْوَفَا وْمَا فِي إلِك نُوَّابْ = يِعْطُو المَحَبِّة لَهَب تَ يِشِعْلُو سْرَاجِي
عَنْدِك مَحَبِّة وْوَفَا مِن كِل خَلْقُو جَابْ = الله الصِفَات؛ وْمَعُو جَايِي أنَا لاَجِي
لاجئ عَ مَنْفَى القَلِب لاَبِس دُمُوعِي ثْيَابْ = نَاطِر تَ أُعْدَم أنَا يَا يْتِم إفْرَاجِي
كِنْتِي حَبِيبِة إلِي صِرْتِي يَا عُمْرِي بْ آبْ = إن لَيْل إنْتِي القَمَر وِإْنْ بَحَر أمْوَاجِي
مَرَّة أرُدِّك إلِي وْمَرَّات ظَنِّي خَابْ = أقْعُد بِتَالي السَهَر أتْعَبَّد وْنَاجِي
نَاجِي لَ الله مَعِك مَ يْزَوِّدِلِّي عَذَابْ = وْمَ يْكُون عِنْدِي وَضِع إوْقَع بِإحْرَاجِي
الله يْخَلِّي العِشِق وِالحُب أكْبَر بَابْ = بِبْنَايِة فِيهَا الوَفَا وِالأمَل أدْرَاجِي
د.ماجد سطاح:
دقّيتْ بابْ انقفلْ وِاْنْسدْ صرلوْ سنينْ = حيثو غَريمكْ دَخَلْ وِاْحْتَلْ إحساسيْ
شِفْلكْ شيْ دولهْ عِشقْ, ع حْدّنا جْوارينْ = تِقبلْ بقلبكْ بَطلْ أو لاجئ سْياسيْ
ضَلَِّيتْ أُنطرْ عُمرْ كِلماتكْ الحلوينْ = تضْوي بْروحي أملْ ودموعها تواسيْ
وإنتَ عِشقتْ الزَجلْ بحْروفْ مْقتولينْ = شيخْ الْمراجل كِنتْ وعْهودنا ناسيْ
راجعْ وحُبكْ زَهرْ لمَّا إنتهى تشرينْ = والعمرْ شجرهْ عِرِتْ بردانهْ مَ تقاسيْ
إنسى لأنّو الْزهر من إيدكْ سْكاكينْ = بْتِفْتَحْ جروحْ انشَفِتْ بهْمومها كاسيْ
مكتوبْ إبقى وطنْ وصْحابي مْنفيينْ = والغُربِة تشرب خَمر عَ عْتابْ أقداسيْ
محمد خطيب:
دَمْعِي عَصَرْتُو عَصِر، عَبَّيت مِنُّو كَاسْ = وِإْعْمِلْت مِنُّو وَحِي يِوْصِفْلِي نِيَّاتِي
وْضِلْعِي إْعْمِلْتُو قَلَم بِالطُول مَ بْيِنْقَاسْ = وِالحِبِر دَم القَلِب، وِالَّلُون زَيَّاتِي
بْدِيت بْقصِيدِة غَزَل، لاكِن إجَا الوِسْوَاسْ = مِنْ بَعِد رَدِّك إلِي؛ يِقْعُد بِفَيَّاتِي
حَامِل بِعَيْنُو الغَضَب، وِالإيد مِثْل الفَاسْ = أمْرُو حَرَقْلِي الأمَل، طَفَّالِي ضَيَّاتِي
لاَكِن لَحُبِّي إلِك رَاهِن إلْ خَمْس حْوَاسْ = وْإنْتِي حَبِيِبِة إِلِي، مِشْ مِثِل خَيَّاتِي
بْحِبِّك وْغَيْرِي أنَا.. مَا حَدّ ثِمِّك بَاسْ = إنْتِي هَوَايِي إلِي وْأكْلِي وِمَيَّاتِي
وِالقَلِب مَنْفَى إِلِك وِالحَارِس الإحْسَاسْ = وْإنْتِي بْقَلْبِي وْمَعِي بْرُوحِي وِجَيَّاتِي
د.ماجد سطاح:
ما زال عندكْ قلبْ يحكي الغَزل أشعارْ = عجيبهْ كيفْ قدرت تقسى عَ أياميْ
نذرتْ زهرا إلكْ منْ يومْ كانْ زرارْ = وخبّيتها من الشمس بوراقْ أحلاميْ
مَرِّيت زخة بَرَدْ لِمَّن دفيْ آذارْ = خزَّقتْ هاكْ الورقْ ومَ خْجلتْ قداميْ
وتركتْ عين الخليقهْ تراشقا بحْجارْ = بنظراتْ تسكب وجعْ بِ جرحها الداميْ
تاري يَ هاوي الهوى لعبةْ طِفلْ بيغارْ = لولا إمتلكها رميها مالها كْرامهْ
والحبْ بوسة شهيهْ بتنطهى ع النارْ = والميْ نعمهْ بوقتْ يتذكرا الضاميْ
ضيعانْ كلشيْ إنهدرْ حِيرهْ بقلبْ مْحتارْ = غََرق شرود الفكر بِ ألفْ دوَّامهْ
تركت عمري كَفنْ عِبيانْ بالأسرارْ = وراجعْ تتنبشْ زَمنْ حَنّ وكسا عظاميْ
محمد خطيب:
عُمْرِي يَا عُمْرِي إلِك بِمْحَبْتِي مَرْهُونْ = وْرَاهِن لَحُبِّك وَحِي شْعُورِي وْأحَاسِيسِي
وْحُبِّي يَا حُبِّي مَعِك بِدْيَت سِنِينُو تْهُونْ = لَمَّا بْدَيتِي الجَفَا لَ مْحَبْتِي تْقِيسِي
وْقَلْبِي يَا قَلْبِي دَخَل عَ قَلْبِك المَفْتُونْ = لَكِن عَ بُعْدِك رِجِع طَفَّا فَوَانِيسِي
وْرُوحِي يَا رُوحِي مِلِك لَ قَلْبِك المَسْجُونْ = بْقَلْبِي؛ بْتِخْشَع إلِك فِي كُلْ تَقْدِيسِي
وْعِينِي يَا عِينِي مِثِل حَبِّة غِصِن زَيْتُونْ = إْنْعَصْرَت عَ بُعْدِك عَصِر مَوَّت جَوَاسِيسِي
بِإلْكُون لَوْ فِي حَدَاً يَا وَرْدِة الحَنُّونْ = حَبَّك؛ وِعَرْش القَلِب صَفَّا إلُو فْرِيسِي
بِيْكُون قَبْرُو حَفَر هَالجَاهِل المَجْنُونْ = وْبِيكُون ضَافِك مُنَى* لَ نَانْسِي وْسِيسِي
يَلَّلا يَا عُمْرِي إرْجَعِي قَلْبِي بِحَاجِة لْ عُونْ = يَا تْكُون رَدَّة أمَل يَا تْكُون تِقْوِيسِي
د.ماجد سطاح فِي مسك الختام:
يمكنْ ربيعْ الدنيْ ينسى المرجْ يكْسى = ويدومْ ثلجْ الشتيْ والشمس حَرَّاقهْ
ويمكنْ زهور الجِردْ عْلى نحلها تقسى = تخبِّيْ رحيقا وشذاها بشوكها وساقا
لكنْ لَ يُمكنْ غرامَكْ إنكرو ولِسَّى = عْظام الليْ فيِّ إلكْ مَ تصيحْ مْشتاقهْ
إيدكْ عَ إيدي إلمسا ونبضاتها جِسَّا = بتشْعُر عَ نبره كلامكْ عِشقْ دفَّاقهْ
مهما يَ عِمريْ غِبتْ حُضني إلكْ مرسى = باقي بإسمكْ حجزتو لْيومْ نتلاقى
بعدي جزيرة ببحر عْلى حالها بأمسا = ما داسْ فيها بشر مِنْ قِدْرتْ عَ فْراقا
فيها الفواكي إستوِتْ بتهرْ منْ لَمْسا = منْ كل نوعْ وصنفْ منْ فَضلْ خَلاَّقا
إتكي عَ شطِّيْ سفينهْ, بسْ لا تنسى = تمرقْ عَ بَيِّيْ قبلْ مَ تذوقْ درَّاقا[/poem]
[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=right use=ex num="0,"]
محمد خطيب:
رْجِعْت وْمَعَايِي الوَحِي مِن بَعِد طُول غْيَابْ = رِجْع وْمَعَايِي كَتَب بِحْرُوف وَهَّاجِي
أحْلَى قَصِيدِة غَزَل لَ أرْوَع الأحْبَابْ = بْلَيْلِة ضَاوِيهَا القَمَر وِالَّليْل شُو دَاجِي
جُوعَان حُب وْوَفَا وْمَا فِي إلِك نُوَّابْ = يِعْطُو المَحَبِّة لَهَب تَ يِشِعْلُو سْرَاجِي
عَنْدِك مَحَبِّة وْوَفَا مِن كِل خَلْقُو جَابْ = الله الصِفَات؛ وْمَعُو جَايِي أنَا لاَجِي
لاجئ عَ مَنْفَى القَلِب لاَبِس دُمُوعِي ثْيَابْ = نَاطِر تَ أُعْدَم أنَا يَا يْتِم إفْرَاجِي
كِنْتِي حَبِيبِة إلِي صِرْتِي يَا عُمْرِي بْ آبْ = إن لَيْل إنْتِي القَمَر وِإْنْ بَحَر أمْوَاجِي
مَرَّة أرُدِّك إلِي وْمَرَّات ظَنِّي خَابْ = أقْعُد بِتَالي السَهَر أتْعَبَّد وْنَاجِي
نَاجِي لَ الله مَعِك مَ يْزَوِّدِلِّي عَذَابْ = وْمَ يْكُون عِنْدِي وَضِع إوْقَع بِإحْرَاجِي
الله يْخَلِّي العِشِق وِالحُب أكْبَر بَابْ = بِبْنَايِة فِيهَا الوَفَا وِالأمَل أدْرَاجِي
د.ماجد سطاح:
دقّيتْ بابْ انقفلْ وِاْنْسدْ صرلوْ سنينْ = حيثو غَريمكْ دَخَلْ وِاْحْتَلْ إحساسيْ
شِفْلكْ شيْ دولهْ عِشقْ, ع حْدّنا جْوارينْ = تِقبلْ بقلبكْ بَطلْ أو لاجئ سْياسيْ
ضَلَِّيتْ أُنطرْ عُمرْ كِلماتكْ الحلوينْ = تضْوي بْروحي أملْ ودموعها تواسيْ
وإنتَ عِشقتْ الزَجلْ بحْروفْ مْقتولينْ = شيخْ الْمراجل كِنتْ وعْهودنا ناسيْ
راجعْ وحُبكْ زَهرْ لمَّا إنتهى تشرينْ = والعمرْ شجرهْ عِرِتْ بردانهْ مَ تقاسيْ
إنسى لأنّو الْزهر من إيدكْ سْكاكينْ = بْتِفْتَحْ جروحْ انشَفِتْ بهْمومها كاسيْ
مكتوبْ إبقى وطنْ وصْحابي مْنفيينْ = والغُربِة تشرب خَمر عَ عْتابْ أقداسيْ
محمد خطيب:
دَمْعِي عَصَرْتُو عَصِر، عَبَّيت مِنُّو كَاسْ = وِإْعْمِلْت مِنُّو وَحِي يِوْصِفْلِي نِيَّاتِي
وْضِلْعِي إْعْمِلْتُو قَلَم بِالطُول مَ بْيِنْقَاسْ = وِالحِبِر دَم القَلِب، وِالَّلُون زَيَّاتِي
بْدِيت بْقصِيدِة غَزَل، لاكِن إجَا الوِسْوَاسْ = مِنْ بَعِد رَدِّك إلِي؛ يِقْعُد بِفَيَّاتِي
حَامِل بِعَيْنُو الغَضَب، وِالإيد مِثْل الفَاسْ = أمْرُو حَرَقْلِي الأمَل، طَفَّالِي ضَيَّاتِي
لاَكِن لَحُبِّي إلِك رَاهِن إلْ خَمْس حْوَاسْ = وْإنْتِي حَبِيِبِة إِلِي، مِشْ مِثِل خَيَّاتِي
بْحِبِّك وْغَيْرِي أنَا.. مَا حَدّ ثِمِّك بَاسْ = إنْتِي هَوَايِي إلِي وْأكْلِي وِمَيَّاتِي
وِالقَلِب مَنْفَى إِلِك وِالحَارِس الإحْسَاسْ = وْإنْتِي بْقَلْبِي وْمَعِي بْرُوحِي وِجَيَّاتِي
د.ماجد سطاح:
ما زال عندكْ قلبْ يحكي الغَزل أشعارْ = عجيبهْ كيفْ قدرت تقسى عَ أياميْ
نذرتْ زهرا إلكْ منْ يومْ كانْ زرارْ = وخبّيتها من الشمس بوراقْ أحلاميْ
مَرِّيت زخة بَرَدْ لِمَّن دفيْ آذارْ = خزَّقتْ هاكْ الورقْ ومَ خْجلتْ قداميْ
وتركتْ عين الخليقهْ تراشقا بحْجارْ = بنظراتْ تسكب وجعْ بِ جرحها الداميْ
تاري يَ هاوي الهوى لعبةْ طِفلْ بيغارْ = لولا إمتلكها رميها مالها كْرامهْ
والحبْ بوسة شهيهْ بتنطهى ع النارْ = والميْ نعمهْ بوقتْ يتذكرا الضاميْ
ضيعانْ كلشيْ إنهدرْ حِيرهْ بقلبْ مْحتارْ = غََرق شرود الفكر بِ ألفْ دوَّامهْ
تركت عمري كَفنْ عِبيانْ بالأسرارْ = وراجعْ تتنبشْ زَمنْ حَنّ وكسا عظاميْ
محمد خطيب:
عُمْرِي يَا عُمْرِي إلِك بِمْحَبْتِي مَرْهُونْ = وْرَاهِن لَحُبِّك وَحِي شْعُورِي وْأحَاسِيسِي
وْحُبِّي يَا حُبِّي مَعِك بِدْيَت سِنِينُو تْهُونْ = لَمَّا بْدَيتِي الجَفَا لَ مْحَبْتِي تْقِيسِي
وْقَلْبِي يَا قَلْبِي دَخَل عَ قَلْبِك المَفْتُونْ = لَكِن عَ بُعْدِك رِجِع طَفَّا فَوَانِيسِي
وْرُوحِي يَا رُوحِي مِلِك لَ قَلْبِك المَسْجُونْ = بْقَلْبِي؛ بْتِخْشَع إلِك فِي كُلْ تَقْدِيسِي
وْعِينِي يَا عِينِي مِثِل حَبِّة غِصِن زَيْتُونْ = إْنْعَصْرَت عَ بُعْدِك عَصِر مَوَّت جَوَاسِيسِي
بِإلْكُون لَوْ فِي حَدَاً يَا وَرْدِة الحَنُّونْ = حَبَّك؛ وِعَرْش القَلِب صَفَّا إلُو فْرِيسِي
بِيْكُون قَبْرُو حَفَر هَالجَاهِل المَجْنُونْ = وْبِيكُون ضَافِك مُنَى* لَ نَانْسِي وْسِيسِي
يَلَّلا يَا عُمْرِي إرْجَعِي قَلْبِي بِحَاجِة لْ عُونْ = يَا تْكُون رَدَّة أمَل يَا تْكُون تِقْوِيسِي
د.ماجد سطاح فِي مسك الختام:
يمكنْ ربيعْ الدنيْ ينسى المرجْ يكْسى = ويدومْ ثلجْ الشتيْ والشمس حَرَّاقهْ
ويمكنْ زهور الجِردْ عْلى نحلها تقسى = تخبِّيْ رحيقا وشذاها بشوكها وساقا
لكنْ لَ يُمكنْ غرامَكْ إنكرو ولِسَّى = عْظام الليْ فيِّ إلكْ مَ تصيحْ مْشتاقهْ
إيدكْ عَ إيدي إلمسا ونبضاتها جِسَّا = بتشْعُر عَ نبره كلامكْ عِشقْ دفَّاقهْ
مهما يَ عِمريْ غِبتْ حُضني إلكْ مرسى = باقي بإسمكْ حجزتو لْيومْ نتلاقى
بعدي جزيرة ببحر عْلى حالها بأمسا = ما داسْ فيها بشر مِنْ قِدْرتْ عَ فْراقا
فيها الفواكي إستوِتْ بتهرْ منْ لَمْسا = منْ كل نوعْ وصنفْ منْ فَضلْ خَلاَّقا
إتكي عَ شطِّيْ سفينهْ, بسْ لا تنسى = تمرقْ عَ بَيِّيْ قبلْ مَ تذوقْ درَّاقا[/poem]