shiny is here ( ناطر ترحيب)

[shiny]

بيجوز هيي أول مشاركة إلي بهالمنتدى .....
تفاجأت بالعدد الكبير للأعضاء يللي حاطين أساميهن هاون ... بس ما بعرف شو هيي النسبة الفعالة يللي بتشارك بمواضيع جديدة أو ردود بمنتدى مشتاوي.

حاسس حالي لحد هلأ متل الضايع هاون... بعدي ما بعرف من وين رح بلش بالقراءة و خصوصا إنو في كتير مواضيع متشابهة....

يا ريت حدا من المدراء يخبرني إذا بدي فوت بجو المنتدى بسرعة من وين بقرا أول شي.... أو بالأحرى كيف ممكن اتصرف.
خصوصا إني عم فوت عالنت بمقهمى الانترنت و لأسباب مادية ما كتير رح احسن إقرا لفترة كتير طويلة....


منشان لا كون كتير غريب عنكن رح خبركن عن حالي شوي .
ساكن بمدينة طرطوس.... متخرج اقتصاد من جامعة تشرين باللاذقية.... و عم إدرس هلأ ما جيستير إدارة أعمال mba بالأكاديمية العربية للعلوم و التكنولوجيا و النقل البحري باللاذقية....
عمري 26 سنة
كمان بشتغل بمطعم شعبي .....
هواياتي : مشاهدة مباريات كرة القدم و بحب اتفرج على فريق الكرامة و بيجوز إجي معو حتى و لو لعب مع نادي من طرطوس

[shiny]

كأني حاسس إنو هالمنتدى لناس و ناس...
يعني معقولة منتدى فيه كتار أعضاء نشيطين.. و بنفس الوقت و لا حدا رحب فيني لحد هلأ؟
كأني حاسس إنو مش مرغوب فيني هاون...

[amigo]

shiny يا shiny
وعلى ما يبدو انك لا تحتاج إلى نصائح كثير للإنسجدام
فتفاعلك واضح منذ البداية ويبدو لك تجارب ضمن المنتديات الاخرى نتمنى ان نستفيد منها
أهلا وسهلا بك دائماً
على أمل ان نرى منك كل لطيف ومميز ومفيد
تقبل تحياتي

[basharov]

shiny يا shiny ولو الله يسامحك معقول هالحكي هالمنتدى لناس وناس

مانحن هون كلنا عيلة وحدة وباغلب الاوقات بتربط جميع الاعضاء تفاهم ومحبة بالرغم من تباين بعض الاراء

على كل الاحوال من الممكن بنحط الحق كلوا على system المنتدى لانوا صارلوا فترة منيحة ملخبط ولسى الادارة ما لقت حل مناسب للخربطة هاي

بالنسبة الي ممكن انا اول مرة بشوف مشاركتك هاي ومع انها صارلها اكثر من اسبوع حسب ما فهمت

بس على كل الاحوال اهلا وسهلا فيك مش كضيف اهلا وسهلا فيك فانت صرت من اهل البيت ....