وين شعرا المنتدى

[racan]

[poem=font="Arabic Transparent,6,,bold,normal" bkcolor="" bkimage="" border="none,1," type=0 line=0 align=center use=ex num="0,"]
يا متندى ل بالشعر كنت بتبجل=وشعر الحلا يكرج معك كرج الحجل
هلق صفي شعرك متل كلمة خجل=ما بتنحكى إلا بعد خوف ووجل
كرمال ما حسّك دنا ليك الأجل=ويوم النهاية مقرب عليك بعجل
قلو يجي يا منتدى ع ساحتي= لوكان باقي فيك شي شاعر زجل[/poem]

[رمّاح]

راكان جايي تحوصْ وتخربشْ كلامْ........وترميْ على الأسيادْ بحجاركْ سهامْ

هالمنتدى الليْ خادلو غفوهْ ونامْ.............منْ بعد ما الشُعَّار فرْشولو الخُزامْ

حاجهْ عْلى صوتْ النواحْ تفيـِّقِو..............وعا حـَد ْ راسو هِفْ بِ ريشهْ نعامْ

------------------------------------------------------------------------

[racan]

[poem=font="Arial,6,,bold,normal" bkcolor="" bkimage="" border="none,1," type=0 line=0 align=center use=ex num="0,"]
يا منتدى ل بالشعر كنت بتنشدا=كلمات حب ومرجلة وفن وحدا
لما ندهت في ساحتك وين العدا=ما كنت اسمع غير صوتي والصدا
إلا صوت مبحوح من أبعد مدا=متل الوهم عا مسمعي مر وبدا
ليش هربت يا منتدى من مطلبي=وما كنت تبعت عا منازلتي حدا[/poem]

[رمّاح]

[poem=font="Times New Roman,6,#800080,bold,normal" bkcolor="" bkimage="" border="none,1," type=0 line=0 align=center use=ex num="0,"]
عنْ منتدانا بجاوبكْ تا ريِّحو=بصيحة معنـّى بخشْ ذينـَكْ تفتحو

حَيثكْ صَبيِّ شرشَحتْ هـَيبة مسرحو=وزغـِّرتْ سيفْ المرجله ومَ تلوِّحو

قـَلـّيْ يَ شاعر جايْ قلبيْ فـَرفـَحو=نهور الزجلْ جوَّاتْ عَينو بيسبحو

منْ غير ما ترفعْ حسامَكْ عا صبيْ=إيدكْ بظهرو , وعنْ سمايي إكشحو

===================================[/poem]

[رمّاح]

مابعرف ليش ردّيت منْ حوالي 3 ساعات ومع إنو ردّي نزل داخل الصفحة
بس ضل الإعلان عن وجود الرد على صفحة منتدى الزجل غير موجود ...لهالسبب ضفت هالتعليق الزغير ...

[racan]

[poem=font="Arial,6,,bold,normal" bkcolor="" bkimage="" border="none,1," type=0 line=0 align=center use=ex num="0,"]
حيثي صبي وقدري على الزرقا صبي=بقبال كلمة للرجولة معصبي
عيسى صبي رد الجناة الغاصبي=لكانت على مريم أذاها ناصبي
موسى صبي ومتلو أنا في منصبي=عا نتف دقنك يا مفرعن منصبي
ودين النبي كان انتهى قبل البدء= لوما غفي بتخت النبي أطهر صبي[/poem]

[رمّاح]

تعَرْبَشتْ عَ الزرقا ونِسيتْ لجامْها......وحَيثكْ صبي مَ بتقـَشَعكْ أقدامْها

كلمة اللهْ اللي سَعى لإتمامها...............نِسِيتْ صِباها تَ ابتدِتْ أحْكامْها

وآياتْ موسى ما نِزلْ إلهامها...............إلا ّ بطريقْ الـْ شَابْ بِ أعوامها

وتا نازلكْ تخمينْ لازمْ أنطـُرَكْ........شيْ ألفْ عامْ , بكهفْ قَـَحْفـَكْ نامها

==================================

[racan]

[poem=font="Arial,6,,bold,normal" bkcolor="" bkimage="" border="none,1," type=0 line=0 align=center use=ex num="0,"]
جهل الجواب لّي بكلامك بهدلك=وضعفك جبرني في حوارك جاملك
نور الإله النوّر بعالي الفلك=مالو عمر تا تحسبو بمعدلك
حيثي صبي مهدي بسردابو سلك=وزاد بغيابي بالدني عتم الحلك
مش ألف لازم تنتظر ألفين عام=كرمال طل من الكهف مهدي إلك[/poem]

[رمّاح]

[poem=font="Times New Roman,6,#4169e1,bold,normal" bkcolor="" bkimage="" border="none,1," type=0 line=0 align=center use=ex num="0,"]
خلّيكْ بالسردابْ ضايعْ , لا تجيْ =يا أعوَر ودجَّالْ هَيكْ بنرتجيْ

ونور الدني ماغاب بِ قلبيْ الْ نِجـِيْ =منْ عتمة الحُبْ اللذيذهْ المُزعجهْ

وقـَلا ّ لقوافي الشِعر نسماتْ اسرجيْ=وكرمال كِل الناسْ بالضحكهْ اغنجيْ

وحاجهْ تـْدور وكهفْ عَقلكْ ياخدَكْ=بفكار شِبعتْ منْ طَـَرِِقـها طعوجهْ

=================================[/poem]

[racan]

[poem=font="Arial,6,,bold,normal" bkcolor="" bkimage="" border="none,1," type=0 line=0 align=center use=ex num="0,"]
بدّك تيبقى النور خافي وما يبان=كرمال تبقى في ظلامك في أمان
ومهما غزلت بحروف فنك والبيان=واسرجت نسمات الهوا تحتك حصان
وسحبت سيف مجلّخ بغدر الزمان=وجررت خلفك جيش أنس وجيش جان
ومهما كنت رمّاح في ساح الشعر=ما عاش يلي بيرمح بساحة ركان[/poem]

[رمّاح]

[poem=font="Times New Roman,6,#4b0082,bold,normal" bkcolor="" bkimage="" border="none,1," type=0 line=0 align=center use=ex num="0,"]
بدّي المحبهْ تدومْ لوْ دمَّكْ جرى=وروحَكْ تبوسْ السيف يلليْ حَرَّرا

منْ بعدْ مَ تخلـِّصْ كلامْ وثرثرهْ=مَ بيلـْبَقْ لـْ رجَّالْ بيليقْ بمرا

بأقوالْ عَ رفوفْ الزمانْ مْغبَّرهْ=لـْ بُو زيدْ والزيرْ وعياضْ وعنتره

ومشْ هَمْ إرمحْ يَ عزيزي بساحتكْ =المهمْ ترمحْ خـَفقـتي بقلبْ الورى[/poem]

[racan]

[poem=font="Arial,6,,bold,normal" bkcolor="" bkimage="" border="none,1," type=0 line=0 align=center use=ex num="0,"]
كلمات شعري ل بالمعاني مفعمي=مش ثرثرة لكن ثريا منجمي
وجبلة ثرى بقطرة مياه مكرمي=منها انخلق كل آدمي يا آدمي
ونفسي ل على فقد الحبيبة مألمي=ونوارها ع غيابها متعتمي
بتبوّس نصال السيوف لأنها=((لمعت كبارق ثغرها المتبسم ))[/poem]

[رمّاح]

[poem=font="Times New Roman,6,#800080,bold,normal" bkcolor="" bkimage="" border="none,1," type=0 line=0 align=center use=ex num="0,"]
شو جابْ ثرثرة الحريمْ عْلى الترابْ ..؟=وشوجاب بيتْ لعنترهْ لـْ ردَّكْ , شو جابْ..؟
ولاّ إنتْ معتاد تهبشْ كلشيْ طابْ=منْ الجاهليه وغلـّهْ فكار الشبابْ..؟
وحَيثْ فقـَدتْ معشوقتـَكْ والقلبْ لابْ =عا فراقها ت َنـَعَقتْ عا شكلْ الغـُرابْ
رحْ أعذركْ بِردتَّكْ الـْمشرشحهْ=لنَّو أنا وياكْ بِ ذاتْ المُصابْ[/poem]

[racan]

[poem=font="Arial,6,,bold,normal" bkcolor="" bkimage="" border="none,1," type=0 line=0 align=center use=ex num="0,"]
شو شبهتني للغراب بهالجواب=وبررتها بتنينا بذات المصاب
لالا يا شاعر صحح أصول الحساب=غرابين لكن عن بعض نحنا غراب
أنت غراب البين في ملقى الحباب=دور الكرم بوجودك بتصفى خراب
لكن أنا غراب الهداية لقابيل=تا علمو عا دفن خيو بالتراب[/poem]

[رمّاح]

اقتباس عن راكان

شـو شبهتـنـي للـغـراب بهالـجـواب......وبررتـهـا بتنـيـنـا بـــذات الـمـصـاب
لالا يا شاعر صحح أصول الحساب..........غرابين لكن عن بعض نحنا غراب
أنت غراب البين في ملقـى الحبـاب.......دور الكرم بوجودك بتصفـى خـراب
لـكـن أنــا غــراب الهـدايـة لقـابـيل......تـا علمـو عــا دفــن خـيـو بالـتـراب

[poem=font="Times New Roman,6,#4b0082,bold,normal" bkcolor="" bkimage="" border="none,1," type=0 line=0 align=center use=ex num="0,"]
مشْ كلْ عاشقْ هَجْر محْبو شِكِيْ.......بيسوَّدْ وجّو مثلْ وجَّكْ يا ذكيْ

ولولا سْمِعِتْ هالقلبْ عا ولفو بـِكِيْ...بآههْ بصدر الشعر بنيـِتْ مملكهْ

بتقشعْ حمام الكونْ عَ براجْ الحكيْ.....حَلـَّقْ يوَّدي شوقْ دمعهْ ملبَّكهْ

بتقول يا ناي الزمان قـتــَلـْتِنـِيْ......منْ قَـَبْلْ مَ تدخلْ عَ ساحي بمعركهْ[/poem]

[racan]

[poem=font="Arial,6,,bold,normal" bkcolor="" bkimage="" border="none,1," type=0 line=0 align=center use=ex num="0,"]
بعلمي كنت بغراب عم ترفع لوا=ضاع اللوا وعا جانح حمامي التوا
وان كان قلبك بالمرارات انكوا=قوس القزح من حنية همومي استوا
خلي الهوا للي هوى بهبة هوا=ومشي معي تا نكشف الجوهر سوا
شايف قبس في قمة الطور انضوا=وعا تنينا وادي طوا الليلة انطوا
يابتقدر تساير مسيري عالجبل=يابنجبر خليك في وادي طوا[/poem]

[N.B.L]

بعتذر لدخولي , لكن حبيت هنّيكم على هالتميّز..

يعطيكم العافية..

[رمّاح]

[poem=font="Times New Roman,6,#4169e1,bold,normal" bkcolor="" bkimage="" border="none,1," type=0 line=0 align=center use=ex num="0,"]
شوَّهتْ كلشيْ بالسما إسمو جمالْ=بأفكار عار يسمِّها جناحْ الخيالْ

قوس القزحْ لولا اكتوى بعشقْ التلالْ=ما كانْ زوزَقْ طـَلـِّتو ولا كانْ مَالْ

وهيدا فؤاديْ رايتي كانْ ولَ زالْ=أبيضْ بعشقو وأسودْ بساحْ القِتالْ

وتا كمِّلْ المشوار بصعود الجبالْ=بليِّا زَعَلْ يا صاحبيْ عِنديْ سؤالْ :

جينا نصلـّيْ عا نهجْ رُسْـل السما.؟=يمَّا نصلـِّيْ شِعر بِ هيدا النزالْ..؟[/poem]

[racan]

[poem=font="Arial,6,,bold,normal" bkcolor="" bkimage="" border="none,1," type=0 line=0 align=center use=ex num="0,"]
أبيض وأسود قلبك ؟الحق انجلا=جايي أنا أسرار لونو عللا
بالحرب أبيض هارب بدرب الفلا=وعالناس أسود بالكراهية أنملا
ويلي بخاف يوصّل جبال العلا=يسكن حفر أحسنلو من حمل البلا
وكرمال حسّك بالشعر عندك صلا=اسقي معي الأشعار من فكرك حلا
يمّا نبي بهالشعر رح عدّك معي=يا كافر بأول صلا وتاني صلا[/poem]