جميل جنيد

[racan]

جميل جنيد
ولد في قرية سلحب عام(1915-1976) قضاء مصياف منطقة الغاب محافظة حماة
نشأ في تلك البلدة وتعلم القراءة والكتابة على أيدي الكتاب وقت ذاك وأخذ ينتقل بين المحافظات السورية في بواديها وحواضرها مما أسهم في نشأته عارفا بفنون القول الشعبي واسع الإطلاع على معاني ومفردات اللغة العربية
برع في جميع أنواع الشعر واختص بنوع العتابا وفنونها وأنواعها العديدة
______________________________
1-البيت المربع المقصور:
[poem=font="Arial,4,,normal,normal" bkcolor="" bkimage="" border="none,1," type=0 line=0 align=center use=ex num="0,"]
منها ما بتهوى من هو لها=أذاقتني الشدايد من هولها
يا جيت أشكي عليك منها ولها=سبقني الدمع عالوجنات ساب[/poem]

2-البيت المربع البائي:
[poem=font="Arial,4,,normal,normal" bkcolor="" bkimage="" border="none,1," type=0 line=0 align=center use=ex num="0,"]
قمر يا الأنت عالي فوق بسماك=متل بسم الحبيب يا قمر بسمك
يالله يا لتنادي الناس ياسمك=ترجع لي وليفي من الغياب
[/poem]3-البيت المربع المقصور:
[poem=font="Arial,4,,normal,normal" bkcolor="" bkimage="" border="none,1," type=0 line=0 align=center use=ex num="0,"]
يامن متلي بهوى الحلوين منحار=ومن دمعي بحر قزوين منحار
قسم بالله يا اهل الحب من حر=زفيري البحر يتبخر ميا[/poem]

[racan]

من أبياته
سلو سلوى سلتني ما سلتني
سوى سرنا سوية ما سلتني
سبب سري سهادي ما سلتني
على جمر الغضا ونار اللهب


رفاقي أقبلت قوموا استعرضو
البدر من روس وجناتا استعار ضو
أماني ان مت أنا قبلا استعرضو
الشطايح وانقشو اسم الحباب

دربو ليش عن دربي عوجها
سنونا لؤلؤ تفرج عوجها
الهوا نسّم سدل شعرا ع وجها
متل قرص الشمس بالبحر غاب

دموعي حفّروا بالخد رامي
عمنّو قصد جرح القلب رامي
رماني بنبلة من غير رامي
وقتل نفسي البريئة بلا سبب

ونوا معاي يا شبان تنونّ
شايف خلتي عالهجر تنوين
خلقلا الله فوق العين تنوين
ألم نشرح وفاتحة الكتاب

ظلوما وجاي تروي القلب من عين
الغرام وكنت أنا والنفس منعين
غمزتا بعين غرات عين من عين
القلب غار وفتح بالصدر باب

[شفيق]

شكرا كتير يا ركان
هي ثقافة شعرنا الزجلي وفنونو وأعلامو السورية
أمثال: شبّوب بربر جميل جنيد علي زادة غسان زادة يوسف عساف يوسف عبود وأسد فقرو(اللي انشهدلو أنّو سيد من كتب العتابا من 100 سنة)) وغيرهن وطبعا هالشعراء حقهن مهدور كتير لأنو اللي ما بيعرف ينظم قرادية صار شاعر الكون الأول بينما هالشعراء تقريبا ما حدا سامعهن وتراثهن ضايع

عنّا أرضية شعر وزجل وعتابا وخصوصا بالساحل ولازم نستغلها كتير وأكبر دليل كانت حفلة المركز الثقافي اللي جمعت رقم هائل وكبير وجو حلو

العتابا بسوريا جذورها قديمة كتير وأقدم من باقي الألوان وبيكفي صعود شاعر عمنبر ارتجالي وردّ سريع وأجوبة قويّة وبأصعب لون اللي هوي العتابا

هالفن عريق كتير

وكل الشكر عذكر الشاعر يا ركان

[racan]

تحياتي شفيق وشكرا كتير عالمشاركة
معك حق بالنسبة للشعراء الكبار يلي ذكرتن ونشالله بعد جميل جنيد رح اكتب عنن أو بعضن عالأقل لحتى الكل يعرف هالشعراء الكبار وقديش قدمو للشعر
بس أنا بلشت بجميل جنيد لأني بصراحة شفت كتير من مدعين الشعر عم يسرقو أبياتو وينسبوها لإلن لهيك حاولت أذكر بعض منا لحتى الناس تنتبه لهالشي