نقر عَ الخفيف ...

[شفيق]

تحيّاتي ....أخ بيدق

وشكرا كتير إلك على الشرح الكافي والوافي اللي تفضّلت فيه ...
وهلّق حضرتك يا اخ بيدق برهنت على الكلام اللي دار أول النقاش ...
بس الفرق انت عم تتكلّم بالعلم وأنا عم اتكلّم باللي اتخذتو كقناعة خلال السمع ...
وبالأخير تطابقوا كلامك وكلامي ...
وهون ما في أي خلاف بين الرأيين ...

من سلاطين الكذب والزّعبرة
وجميع الأشطر اللي بهالنسق ...
هي بالنسبة للمعنّى ...موزونة

أمّا المعنّى القصيد ...
بتتطبّق عليه نفس القاعدة؟؟
متل ما بيقول طليع

علّمِتهن كيف بتصلّي
وخليل روكز::\\جودلي من السحر ومخدّات؟؟؟؟

وبالنسبة للكتابة العروضيّة هي نقطة مهمّة كتير أنت علّمتني ياها من هالمشاركة لأنو كنت ما احسبلها حساب

شكرا كتير لإلك

[بيدق]

أخي شفيق
الحق أحق أن يتبع أنا مو مختلف معاك من البدايه وحبيت خوض هالنقاش معك فقط لتصويب مفاهيم خاطئه بتتعلق بالزجل وعلاقتو بالعروض
بتشكرك كتير لوعيك وثقافتك وسعة صدرك

بالنسبه للمقياس من خلال السمع هوي الأصل وكونك بتمتلك هالخاصيه بهنيك
وعلم العروض فقط للبرهان والتحليل والفهم

بتمنى الجميع يمتلكو هالصفات إلي عندك

تحياتي

[عصام يوسف]

لمّا الجمال بيعزمك
عا سفرتو
و بتلبسي ضو القمر
بْتفتح قصور المملكه
بْواب الصحو
و بْتفرش اللهفه .. بسجّاد العطش
و بْتمرقي متل المطر .
قوس القدح لابس
خيالك هالحلو
حامل قناديل السحر
و بالليل لمّا بتوصلي .. بيرجّع النجمه
متل غيبة شمس
تا تقعدي .. و بيردّها متل السهر
و بيبلّشوا ضيوف القصر ..
من طلّتك يتضيّف نبيدن سَكر ..
من كتر ما بيتضيّفوا
و بيدلق خيالك على كاس الحجر .
قزاز الشمع بالهيكل
بْشوفو انكسر

بتغمّض عيونك على شفّة صبح
بتدوقها شفّة وتر
و بتشرب الكحله
على صوتك صلا
لمّا العتم بيربّع جراس السهر

وكلما السمع يشبع خبر
و رموشك تشك النظر وتضيّف
عيوك صور
قدّيش بتمنّى أنا ..
وواقف عا شبّاك السفر
شوف الدني سهل ..
بسما و صبح انغمر
و متل ما بيجوع
وجّك للحلا
بتجوع للحب البشر