طل يا رمّاح

[عصام يوسف]

طل يا رمّـــــــاح من بين الرماح *** و هات فرجينا شو في عندك سلاح
بالإنتخاب نجحت عَ سليمان بيك *** بــــــس معنا لا تفكّــــــــــر بالنجاح

[راجح]

ياعصام:


رمّاح رمحو 'وبحسب ناسا' = قلب الأرض من ضربتو قاسى
لولا بيشكّو بصدر روسيّا = بيطيلعو من ضهر كنشاسا

يلا يارمّـــــــاح .. اللعب مع عصام كتير حلو لأنو بيفتح بواب وبيعطي مساحات ..

امتعونا..



راجح

[رمّاح]

بيشرفني لا قيك أستاذنا ..

طل يا رمّـــــــاح من بين الرماح *** و هات فرجينا شو في عندك سلاح
بالإنتخاب نجحت عَ سليمان بيك *** بــــــس معنا لا تفكّــــــــــر بالنجاح

شو صرتْ بوشْ وناوي تحتل العراقْ..؟..........حتـّى سْـلاحي سَلـِّمِكْ يا بو قـْراقْ

ديموقرَطيهْ غربكنْ عا شرقنا ...............من الباب مَ بتمرق ْ , تَ تيجي من الطواقْ

===========================================

[رمّاح]

ياعصام:



رمّاح رمحو 'وبحسب ناسا' = قلب الأرض من ضربتو قاسى
لولا بيشكّو بصدر روسيّا = بيطيلعو من ضهر كنشاسا


يلا يارمّـــــــاح .. اللعب مع عصام كتير حلو لأنو بيفتح بواب وبيعطي مساحات ..

امتعونا..



راجح

هالرمح لولا بشلفو بيدِّيْ=مْأكـَّد بعين الشمس بيعدِّي

لكن إذا عا صدر فاتح راح=وردهْ ...بيقلـُبْ قبل مَ يهدِّي

================================

[عصام يوسف]

[size=5]شو صرتْ بوشْ وناوي تحتل العراقْ..؟..........حتـّى سْـلاحي سَلـِّمِكْ يا بو قـْراقْ

ديموقرَطيهْ غربكنْ عا شرقنا ...............من الباب مَ بتمرق ْ , تَ تيجي من الطواقْ

===========================================

بمرق من طواق الجــرح و العاطفه *** و بفتــــح بواب من العلم و المعرفه
و لا تخاف يا رمّاح ما بِفـْسُد عليك *** ان ْ ضلـّيت تشرب ما ربورو بالخِفي[/size]

[رمّاح]

من جْراحي لولا مرقت عِشق بيسرحوا.............وبالعلم لولا دقرتْ فكري بتقدحو

وإفسد عليي لكل آلهة الشعر .......................هودي بسِجارة لكل ردّة بيسمحوا

====================================================

[عصام يوسف]

شعّلت سيـــجاره تترضي الآلها ؟!! *** ما عْـتبت عالكــلمه .. عْتبت عَ لْ قالها
يا ريت لو بتكون شـــمس بهالدني *** كل ما بتضــوي الكون .. تحرق حالها

[رمّاح]

يللي كـْفرتْ بالشعر و بـْلوَمَكْ إليْ =من الآلهاتْ اسماعْ آيهْ مْنزَّلهْ
الفكرهْ إذا بتغط ّ بغيوم الهمومْ =دخـِّن عليها بفرد نفخهْ تنجـَلي

===============================

[عصام يوسف]

خلّي موسيقا النار تخدش مسمعك *** بلكي عا وهج دراجها بتطلّعك
لكن لأنّك عود رطّـــــب عالشتي *** إلاّ نغم دخّان ما بيطلــــع معك

[رمّاح]

من مبخرة إلهامْ طرِّي خَنـِّتـَكْ =تا مملكة هالليلْ تسمعْ عـَنـِّتـَكْ

عيف الجسد يفنى وروحك ْرفـَّها =عَا صفحة القصدان وإقشعْ جَنـِّتـَكْ

==================================== *

[عصام يوسف]

بالمبخره روتش خيال الذكريات *** تَ يصير عمرك لون عَ وراق الحياة
لكــن إذا دخّن خـــيالك عالحريق *** بخـــــاف تطلع ريحتك بعد المَمات

[رمّاح]

عِفني زهر ملفوحْ إحلمْ بالندي = وعمْ شوفْ حالي بكِل شـَفـِّه سرمدي

وشو الهَم بكرى نْ غاب , ..عمرو ما حَضرْ=عا ذكريـاتْ بْلا حياة مْدَّدهْ

=====================================================

[عصام يوسف]

لو كان عا روحـك وهم حلمك سطا *** كـَـفْ الخطيّه ما بيبخل بالعطا
بدّك جسد عا خشاب حلمك تصلبو *** من شان تتحرر بموتو من الخَطا

[رمّاح]

كرمال قلبي اللي شِقِي وتا إسعدو=ببعتْ جسد يحمل صليبو بموعدو

وبْحِنّ ْ كلما قال وقتْ بينصـَلــَبْ :=هالكاسْ يا ( آبتاهْ ) دَخـْلـَكْ تبعدو

===================================