هب الريح

[هب الريح]

الليله هـــَب الريــح مليح *** عا شــــعار المشــتاوي
يا خوفي من(هَب الريح) *** فيكن شــــو بدّو يساوي

جاي طــــوفان من النار *** حامل عا جــناحو مارد
يخـربط هالكون الختيار *** و يزيـــح الليل البارد
يا بتزيحـــــــوا يا شعّار *** من درب الموت الشارد
يَ عليكن بنزل إعصار *** من برق العتم الضــاوي

[عصام يوسف]

يا جـايي عَ تلال النور *** و عَ جـرود جبال الصوّان
لو كنّك بحر الديجــور *** و خلفك جيش ملوك الجان
بترجع من عنّا مكسور *** و ما بيبقـــــــــى إلاّ دخّان
يحـرق عا ديّي البخوّر *** و عا ديك الصــود الكاوي