الغيّاب

[عصام يوسف]

شو قولك الغيّاب

رح يرجعو؟

تخمين..

بتغيّرن السنين

بتبدّل الإيّام أحوالن

وبيرجعو

ما بيشبهو حالن



بترسمهن ببالك

عطر و قمار

وورد يحلالك

و بيرجعو ع الدار

يمكن عطر أغلا

يمكن ورد أحلا

بس غير الورد

اللي ببالك



لْ بيروح لازم

ما بقى يرجع

غيابو حدا تاني

بينحب و بيكبر

ما بتقنعو حدودو

متل الخمر .. ينغب

غيابو وحي....

أحلا من وجودو



و غيّابنا و هالعمر

هدرة سيل

لا يرجعو و لا نشد

ع ديهن

عتّقهن ببالك

يا عتم الليل ..

يللي بيصيروا

حلم ليلة خمر

تياب الحقيقة

ضيقة عليهن

شعر زاهر حدّو

[راجح]

الغيّاب
تجعيده بخدّ اللحن ..
لا
بتقدر تقول
الصّول لما تقول لا ..
ولا هي قرار
ولا جواب ..وحامله
سلّم موسيقا
مسافر ..بعرض
ال هلا





راجح

[بسطاطي]

ياريت بتذّكر
من الماضي وفيق
براس النّبع
لمّا عا مصطبة المسا
عن هالقصيدي
شوحكي الشاعر رفيق
كلمات أحلا
من الحلا مابتنتسى
بعدها الشهقات
لليوم بتجي
وبتروح تحكي
للحلا حكاياتها
وعاكل كلمي
حروف شعر بنفسجي
لون السّما
بيزرق من لهتاتها

________________