إلى عيسى فضة .....أنا جاهز للتحدّي

[شفيق]

بناء على طلب الأخ سمير عواد
أنا جاهز لفتح صفحة تحدي مع الشاعر عيسى فضّة بكل الاحترام والمودّة

[size="5"]
[COLOR="Red"]
إذا موجود شاعــر يــا جماعـــة....خرج شــوط التحدي بكل ساعة
يجي عامنبري يخوض التحــدّي....ويتأكــــــد إذا عنــــدو براعـــة

أنا فكـري سْتطاعــة شمس حدّي.....بحقول الكهربــــا إلها إشاعـــة
وعقدرة ما عصب خصمي يهدّي.....بضخّلــو بزنـــدو استطاعــــــة

صبــرت كتيــر عا جور التعـدّي.....وخبيـــت الفنـــا ببسمـــة وداعة
ومــن روس العبيــد بنيــت سدّي.....اللي رادو يخرقو حدود الإطاعة

انـــا سيــد الكلمــة المستجـــدّي .... المـن كتابي شطبت اسم الشفاعة
وم بقبل اطرق الشعر المصـــدّي....العتيــق ولو رح بتحصــل مجاعة

أنا كون الزجــل والأرض حـدّي.... فقاعـــة ساكنــة بقلـــب الفقاعــة
وكل ما دخلت قاعة من المــودّي....الفــرح بيصيــر يبكي بغير قاعة

غروري لــــو نبـت فــيي ..بيدّي.....كلختــو بـــْلا تأنـــي أو مراعـا
ولهيكي كـــــل مـــا غنيـــت ردّة.....بشجاعة بزيح ميّة ألف فـــارس
فيهن ألف جنّي من الشجاعة[/size]

[/COLOR]

بانتظار رد الشاعر عيسى فضّة