مطبخ مشتاوي

[مشتاوية]

أهلا و سهلا فيكن بمطبخ مشتاوي.............
اللي ما بدو يشارك يا ريت ما يجقجقلنا الأراضي.... و يسمعنا شي تعليق حلو عالقليلة.........

بهالموضوع اذا حدا عم يعمل شي أكلة... يحطلنا طريقة التحضير
و بعدين يصورلنا النتيجة .... مشان نشوف كيف طلعت الأكلة......
هيك منكون فدنا المغتربين و العزابي اللي مشتهيين شي أكلة و ما بيعرفوا يساووها


أنا اليوم بدي أعمل نمورة جوز الهند:
المقادير:
كاسة طحين
كاسة سميد
كاسة جوز الهند
كاسة سكر
كاسة جوز الهند
بيض عدد3
ظرف فانيلا
ظرف بيكنغ باودر

و مشان تحضير القطر بدنا: كاسة و نص سكر + تلت رباع كاسة ماء (مي)


طريقة التحضير:
بخلط الطحين و السميد و جوز الهند و السكر و اللبن مع بعض
بعدين بخفق البيض مع الفانيلا و بضيفه فوقن و بحركن مزبوط

بتركن بالبراد شي نص ساعة

بهالوقت بحضر القطر..... و اللي هو أغلظ شي:
بحط السكر و المي عالنار عشر دقايق تماما بعدين بعصرلن عصرة حامض و بطفي النار تحتن.... هيك بيكون جهز القطر

بس تخلص النص ساعة بضيف للمزيج ظرف البيكنغ باودر و بحركن
و بصبن بصينية الفرن اللي بكون دهنتها سمنة
و بحطن بالفرن شي نص ساعة.... بالأول مافي داعي نشغل الفرن من فوق... بس بعد شي ربع ساعة بشغله

أول ما بتطلع الصينية من الفرن بقطعها و بحط القطر عليها.......... و برش رشة جوز الهند مشان المنظر
و بتنترك لحتى تبرد... بعدين بلتهمها أنا و اللي الن نصيب......

انتظروا الصور مشان تشوفوا النتيجة بعد شي ساعة أو ساعتين
(الله يستر)
:o

[مشتاوية]

و هاي النتيجة:

[مشتاوية]

أنا فقدت الأمل انكن تشاركوا .... بس هالشي ما بيعني اني رح اتوقف عن تزويدكم بأشهى الوصفات.........

الغدا اليوم كان أكلة (الحقيقة ما بعرف شو اسمها) بس تعو نسميها : دجاج بالفطر

المكونات:
مكعبات دجاج
فطر مقطع
طحين
زبدة
ماجي
زيت مازولا
ملح + بهار أبيض

طريقة التحضير:
نقطع الدجاج إلى مكعبات ثم نقليها بزيت المازولا بعد تمليحها و تبهيرها
ثم على البارد و في وعاء آخر نضع:
4 كاسات ماء + 4 ملاعق طعام طحين + 1 ملعقة زبدة +مكعبات ماجي عدد2 + بهار أبيض + القليل من الملح (لأنو الماجي مالح)
نحركهم جيدا ثم نضعهم على النار و نضيف اليهم الدجاج المقلي و الفطر المقطع
نتركهم على نار هادئة حتى يتماسك المزيج.... و بهذا الوقت نحضر الأرز (اللي ما بيعرف يعمل رز يقلّي مشان اكتبلو الطريقة)

بس تخلص الطبخة فيكن تصبوها بأي طريقة, و حتى اذا بدكن فيكن تاكلوها من الطنجرة مباشرة ..... بس أنا صبيتها بطريقة مفزلكة شوي مشان تكون الصور حلوة, و مشان ما نتبهدل ادام العالم .....

و فيكن تشوفوا الصور:

[echo]

شكراً مشتاوية على الوصفات و أكيد في حدا رح يستفيد منها بس طبعاً مو انا

عكل حال شكرا

[راجح]

من الأكلات التي تعلمتها وأحببتها وطبختها وأكلتها في زماني والى الآن أكلة مهلبية الشوكولا :



4 ملاعق نشا
8 ملاعق سكر
كبايتين حليب ناشف
6كاسات ماء
ملعقتين كاكاو
ملعقتين نسكويك



طريقة التحضير سهله جدا
ضع كل شيء في الطنجرة
وحرك على نار متوسطة لمدة خمسطعشر دقيقة
بعدين صب وكول


وصحة ومية هنا ...يممممممم


شيف راجح

[مشتاوية]

شكراً مشتاوية على الوصفات و أكيد في حدا رح يستفيد منها بس طبعاً مو انا

عكل حال شكرا

أهلا و وسهلا ..... بس معقول ما بتعرف تعمل و لا أكلة!!!!
لكن شو بدك تساوي بكرا بس تتزوج؟ يعني مين بدو يطبخ, معقول تقضوها عالأكل الجاهز؟
رجال آخر زمن..........:mad:

[مشتاوية]

من الأكلات التي تعلمتها وأحببتها وطبختها وأكلتها في زماني والى الآن أكلة مهلبية الشوكولا :

وصحة ومية هنا ...يممممممم

شيف راجح

إي هه .... الله ريتو يسلم هالإيدين يا شيف راجح

بس بمعيتك... اذا بهالقرب عملت هالأكلة , خدلها صورة مشان نشوف كيف طلغت معك......

[ADROOKH]

Thanks

shkran kteer za mshtawya kteer 6abkhat 7elween w shaklon 6aybeen
bas ya reet ykon fi shi men alma6bakh al3arabi
w shokran marra tanie!!!

[مشتاوية]

shkran kteer za mshtawya kteer 6abkhat 7elween w shaklon 6aybeen
bas ya reet ykon fi shi men alma6bakh al3arabi
w shokran marra tanie!!!

ولو تكرم عينك أدروخ (شو هالاسم الحلو؟)

بس انتظر عليي شوي اذا قدرت اقنع وحدة تصير تكتب معنا بهالمنتدى و بهالموضوع تحديدا, تأكد انو كل يوم رح يصير عنا أكلة جديدة شي عربي و شي غربي و شي مدري شو.... لأنو محسوبتك اللي هيي أنا ...الأكلات اللي بعرفن معدودين , أما هيي فكتاب طبخ بحاله.....

[fade antar]

إيــــــــــــــــــــــه يا مشتاوية ذكرتيني بالطبخ.............عمين يجي عالمشتى وياكل شي طبخة
بركي بتعليمينا شي طبخة مشتاويي يكون سهل طبخا
شكرا

[ADROOKH]

معك حق يا أخ فادي
لأنو العزابية ما عندون وقت للطبخ
هادا من ذوقك يا مشتاوية

يلا ناطرين بس لا تجوعونا:eek:

[مشتاوية]

اليوم أكلات سريعة و سهلة و بنفس الوقت طيبة:

1- بطاطا بالفرن.
المقادير:
بطاطا
فرن


أكلة كتير سهلة ما حرزان اكتب المقادير

بتجيبوا البطاطا بتغسلوها و بتقشورها و بتقطعوها أكبر من البطاطا المقلية بشوي
بعدين بتقشروا توم و بتحطولو ملح و بتدقوه

و بتحطوا البطاطا بصينية للفرن و بتتبلوها بالتوم مع زيت زيتون
و بتحطوها بالفرن شي نص ساعة ( لحتى تتحمر شوي)
و شوفوا اديش طيبة (انتبهوا عأصابيعكن مشان ما تاكلوهن وراها)

ملاحظة: يستحسن تعملوا سلطة جنبها.... مشان ما تغصّوا.....



2- مجدرة

لا حدا يقلي انو ما بيحب المجدرة... بزعل منو.......
المقادير
كاسة عدس
كاستين برغل خشن ( يستحسن يكون أبيض... لأنو أطيب)
ملح
زيت زيتون و بصل للتقلاية

طريقة التحضير:
نغسل العدس و منحطه بالطنجرة مع خمس كاسات ماء + ملح
بس يغلي منحط كاسة ماء باردة ( مشان نقفطو) لأنو بس يقفط بيستوي (لا تفكروها مزحة) :o
مندوق العدس كل شوي و لما نحسه استوى منضيف البرغل ( المغسول)
و منتركن عالنار لحتى تنشف المي... بنطفي تحتن

بعدين منقطع البصل جوانح و منقليه بالزيت.... بعدين منشيله على جنب... و الزيت اللي بقي بالمقلاية بنكبه فوق المجدرة .... و اذا بدكن بعد ما تصبوها بالصحن فيكن ترشوا البصل المحمر فوقها
يممممممممممممممممممممممم
أنا كتير بحترم المجدرة

فيكن تاكلوا جنبها مخلل أو لبن أو سلطة
و صحة و هنا

[مشتاوية]

و مشان تنفتح قابليتكن على أكل البطاطا و المجدرة.... بهديكن هالصورتين

[ADROOKH]

الله يسلم دياتك يا مشتاوية
هلق رايح دور على برغل و عدس و بدي اعمل طنجرة مجدرة ما صارت
شووووووووووووووووو هادا؟؟؟؟؟؟؟؟؟
هلق هيك ؟؟؟؟؟؟؟؟
بعد ما شفت الكبة و الفراريج..............اللي نفس اعمول مجدرة بقاااااااااااا

[مشتاوية]

الله يسلم دياتك يا مشتاوية
هلق رايح دور على برغل و عدس و بدي اعمل طنجرة مجدرة ما صارت
شووووووووووووووووو هادا؟؟؟؟؟؟؟؟؟
هلق هيك ؟؟؟؟؟؟؟؟
بعد ما شفت الكبة و الفراريج..............اللي نفس اعمول مجدرة بقاااااااااااا

بعرف اني وجه فقر..... بس و الله المجدرة أطيب من الكبة.....
:o
يلا قوم طبخلنا طنجرة مجدرة و صورلنا ياها, مشان نشوفا و نعرف اذا كنت عم تستفيد من دروس الطبخ أو لأ.....

[fade antar]

شكرا كتير يا مشتاوية عالطبخات كلن طيبين وأكيد الطعمة اطيب بكتير من المبين بالصورة
بس بدي اسألك سؤال
أنا جربت اعمل مجدرة وخبصت معي ...............ليش؟

[مشتاوية]

شكرا كتير يا مشتاوية عالطبخات كلن طيبين وأكيد الطعمة اطيب بكتير من المبين بالصورة
بس بدي اسألك سؤال
أنا جربت اعمل مجدرة وخبصت معي ...............ليش؟

له يا فادي... و الله اني زعلت

هو الحق عليي.... أنا كان لازم قلكن انوعيارات المي هدول هني بس للبرغل الأبيض..... أما اذا كان البرغل أحمر فكان لازم تقلل كاسة مي....
انت البرغل اللي استعملته كان أحمر ما هيك؟؟:o

بعدين المجدرة مخبوصة صحي شكلها بشع بس طعمتها طيبة .....
لا تقلي انك ما أكلتا!!!

بس يلا انشالله بكرا بحطلك أكلة سهلة وطيبة و مضمون انها بتزبط ....
و حاليا جرب البطاطا بالفرن (نصيحة)

[fade antar]

بعدين المجدرة مخبوصة صحي شكلها بشع بس طعمتها طيبة .....
لا تقلي انك ما أكلتا!!!

بتعرفي يا مشتاوية انا من لما تعلمت اطبخ المجدرة ع كتر ما بحباوأنا عم آكلها مخبوصة
ولما المجدرة تبردبتصير أطيب بس لما تكون مخبوصة ...............شوفي كيف بتصير
شكرا

[عصام يوسف]

يا مشـــتاويه ..تخمين **** قالوا كـلمه موثــــوقه
كل ما كتروا الطبّاخين **** الطبخه بتطلع محروقه

عصاممعمحبّتي

[مشتاوية]

يا عصام تأكد...............أكلي طيب مو مالح
بس أنا بدي اتأكد..........ان كنّك انت راجح


مشتاويهمعمحبتي