ليش البشر بتموت
والحلم متعلّق...?
صار العمر تابوت
والواقع مقلّق
وان ضل حظ الأدمي مفلّق
بالحيط بدنا نفوت....!!!
وبنقول من هلق ...?
عا جيشنا الجبار
ما في حدا علّق......!!!!

طابور خامش فات....!!
تا يغيّر القانون
الحسرة على اللي مات
وعا حرقة الأمات
الفتني في ألها قرون.....?
ويا حرق قلبي
ليش يا بيروت.....?
فيكي البشر بتموت

وكرمال مين
وليش ....?
ما بتستلم يا جيش
تا يصر عنا بالوطن
أنسان
يعرف حدود
العيش .....!!!

يسرق حنين
السلم
يا لبنان....?
ويشلح أمل
عا بيدر النسيان
ويلم حبّات الفرح
ويطير .....?
خلف الغيوم
المارقة
مشاوير
عا مفرق
الي حب يلعب نار....!!!
الهيئة ما عندو بعيلتو
قصّار....?
تا صار قلبو
مطعّم من حجار
يرحم قلوب
مجلدي عاالنار
يرجع قبل ما يصير
صيّاد....!!
يعشق موت العصافير
يحكّم ضميرو ....?
ويسمع الأخبار
كيف البشر بتمون
يا حرق قلبي
تحترق بيروت

**عصام يوسف** · 30-01-08, 07:45 AM

slayman, post: 36614 كتب:[size=5]يسرق حنين
السلم
يا لبنان....?
ويشلح أمل
عا بيدر النسيان
ويلم حبّات الفرح
ويطير .....?
خلف الغيوم
المارقة
مشاوير

انشالله بيضل بيدرك معبّى فرح

عصام معمحبّتي[/size]

slayman · 31-01-08, 05:43 PM

بيدر أحلامي مشاوير
طيور الريح بتاكل منو
وبعدو العمر بيسأل عنو
ولوما العيّبي والله كبير
كان الواحد ضيّع سنو

وانت بتعرف كيف خيي عصام معمحبتي

تسجيل الدخول
اسم العضو:
كلمة المرور:	نسيت كلمة المرور؟
	تذكرني