" وش سحارة الشعر العامي "

[راجح]

طلقة في رأس جعفر / بورشد حاليا من مرهج


**

ضهرك تحت حملي قص قصه = حلقنالك نعيما هيك قصه
أنا هالأكبر من السندياني = مابتعلم أدب من عرق فصه

قصب سكر عطيتك من حناني = مصيتو وصرت مع كل مصه
تتلحمض على سنين الحضاني = الضاعت بين فرصه وبين حصه

وهلق قوم جرب عنفواني = القدح نار وترك بالتلج بصه
ورماك على أرض جمحة حصاني = عمتنازع متل تور المخصى

التحدي خمر هايج بالقناني = وأنت عطشان وبقلبك الغصه
وكبس زندي على الرقبه الملاني = وياويلك لو بعصك بس عصه

زمان الشعر ياجعفر زماني = واله الحرب بسيوفي توصى

واذا بيجن عالمنبر جناني = أنت وكلشي بعدك وقبلك
بتصفو بدنيا الشعر قصه


اختيار راجح

[جهاد علاونة]

هذه "تحويشة" قصائد "غير شكل" سأختارها بنزاهة تامة من قديم وحديث منتدى الزجل في موقع مشتاوي.
الغاية شريفة وهي أن يكون الجمال " وش سحارة الشعر العامي " وأيضا غربلة تنهدات السنين لكي يبقى الصدى
راجح

جاييك بالحكي لنشوف يابو النّزاهة التّامة والغايات الشّريفة ...
متهيّئلك انو بدها تمرق على اللي بيدخلو يقرأو .. حكي بحكي
أنا بما أنو ما بحبّ الحكي الضّبابي رح وفّر كلّ شي لوقته .. وبمحلّه
...

قد أسهو عن قصيدة أو قد أرتكب خطيئة لذا يرجى المعذرة
وقد يكون هناك استثناءات
راجح

طيب بلا لفّ ودوران يا أستاذ راجح ...
قول " أنا يا جماعة الخير ناوي أفشّق عن قصائد معيّنة وأنقّي اللي بيعجب غروري وبيحقّق مآربي
مختبئا خلف ستارة تخليد جمال الشّعر بمشاعري الزّائفة "
وقول إنّك مش لاقي طريقة تزقّ فيها حكي على ناس معيّنين أو تقوم بمحاولة تحجيم بعض شعراء عمالقة
أو نفخ بعض شعراء عاديين ...
جاييك بالحكي ...
...
..

[جهاد علاونة]

يا عيني !!

هذه "تحويشة" قصائد "غير شكل" سأختارها بنزاهة تامة من قديم وحديث منتدى الزجل في موقع مشتاوي.
الغاية شريفة وهي أن يكون الجمال " وش سحارة الشعر العامي " وأيضا غربلة تنهدات السنين لكي يبقى الصدى
راجح

جاييك بالحكي لنشوف يابو النّزاهة التّامة والغايات الشّريفة ...
متهيّئلك انو بدها تمرق على اللي بيدخلو يقرأو .. حكي بحكي
أنا بما أنو ما بحبّ الحكي الضّبابي رح وفّر كلّ شي لوقته .. وبمحلّه
...

قدأسهو عن قصيدة أو قد أرتكب خطيئة لذا يرجى المعذرة
وقد يكون هناك استثناءات
راجح

طيب بلا لفّ ودوران يا أستاذ راجح ...
قول " أنا يا جماعة الخير ناوي أفشّق عن قصائد معيّنة وأنقّي اللي بيعجب غروري وبيحقّق مآربي
مختبئا خلف ستارة تخليد جمال الشّعر بمشاعري الزّائفة "
وقول إنّك مش لاقي طريقة تزقّ فيها حكي على ناس معيّنين أو تقوم بمحاولة تحجيم بعض شعراء عمالقة
أو نفخ بعض شعراء عاديين ...
جاييك بالحكي ...
...
..

في إحدى غاراتك الماكرة بتحكي يا حج راجح :

قصف مركز من الشاعر مرهج ضد مواقع السيد جعفر حيدر.
المتعة هنا هي التلوين والعمق والسخرية بشكل مهذب و شاعرية و جمال . أليس هذا هو الشعر ..
وواضح الحب الذي يكنه مرهج للأخ العزيز جعفر
وتحية لروح جعفر الرياضية التي كانت سببا لهكذا قصيدة

الـسـلام علـيـك يامـيـة السـلامـه نعـيـمـا يـنـعـم عـلـيـك ونـعـامــه
يـاعـامـل ابــــن الله بالـمـظـاهـر طلعت شيطـان فـي يـوم القيامـه
راجح

الخ الخ الخ

" الشّاعر مرهج
والسّيّد جعفر حيدر "
!!!!
مممم ... أظنّ أن الألقاب كانت محض مصادفة ..
ألا تعتقد أنّك تقوم بأمور تتعدّى كونها أراء شخصية ونقدية في بعض المقاطع الشّعريّة ؟؟؟؟
بعدين في حالة وجود حوار .. وقصيدة تردّ على قصيدة
يفترض فيك يا أبو النّقد و المشاعر المشرئبّة
تفهّم اللي بيقرأ شو حكيو الطّرفين .. أو على الأقل جزء ولو صغير من الحوار
منشان يعرف القارئ كيف صارت الشغلة
مش تحكي بناء على ...... بلا ما نحكي
احكيلي هلأ انو اللي كتبه جعفر مش خرج القراية
ولا خرج انو ينحطّ في متل هالصّفحة المباركة متلك اللهم صلي عالنبي عنّك وعنها
!!
...
..
" وتحية لروح جعفر الرياضية التي كانت سببا لهكذا قصيدة "
يعني مش عارف كيف تتدلّع وتتفلسف .. جايي تحكي انو بتشكر جعفر .. على انو كان سبب في متل هيك قصيدة ؟
يعني مش انّو تحكي بشكره على حواره الممتع أو شو ما كان مع المرهج تبعك ؟؟
لا ومش بسّ هيك ...
وملحّقها في آخر الموضوع
" مع محبتي التي لاتخون لللأخ السيد جعفر ولعائلته ومنقللو اشتقنالك "
!!!
طيب طيب منيح ... كلّك ذوق وإحترام .. تا نشوف لقدّام
يلا يلا الحق
...
..
.
طبعا حضرة جنابك حطّيت قصيدة لعصام بعد قصيدة مرهج ضد جعفر
منشان لما تعاود مشروعك في القصيدة التانية ما يتمّ التّعليق على تركيزك على هالنّقطة
طيب
هون .. و كتمهيد لعرض قصيدة مرهج ... انت بتكتب كالتالي :

قصيدة لمرهج وقد أصاب بها سفينة جعفر حيدر (ساعر) في عرض البحر وقد شوهدت تحترق . وذلك بعد أن كان يرد جعفر على زجليات مرهج بكلام عادي مليء بالاهانات ويتهم فيها مرهج بأنه لا يتقن غير الشتائم .
راجح

بعتقد انّك كنت بغنى عن التصفيق والنطنطة والضّحك والتّشفّي الظّاهرين بوضوح في نقدك ..
وبغنى عن التّصوير الفنّي والسّفن والبوارج في متل هالحالة يابو النّزاهة والإستقامة
والكلام العادي اللي كلّه إهانات اللي بتحكي عنّه تبع جعفر يا ريت تحطّه للقارئ مباشرة مش تكتفي بغيبيّات
عالأقلّ حطّ رابط لإله منشان القارئ يتمكّن أكثر ويحكم بنفسه
....
منتابع مع حكيك الودود هون

السيد جعفر لأنه كهل طيب فهو دائما بعد أن يهين الآخرين "ينسى" سبب خلافهم معه ويعتقد بأن لا مبرر أبدا لأن يهاجمه أحدهم زجلا . فهل صحيح أنه لايعرف سبب خلافه مع مرهج وتعليقات جعفر لاتزال مدونة هنا ! وهل صحيح أنه لايعرف لماذا ابتعد عنه المئات بعد أن كانوا أصدقاء له ! ربما هو بريء جدا وساذج أكثر مما نعتقد ..!
راجح

يعني انت مش ملاحظ انّك يا شاعر الألفين وتمانية
إنّك عم بتحاول تتحوّل من شاعر وناقد شعر ومحبّ زجل
لمختصّ نفسي ومصلح اجتماعي ومحلل شخصيّات بدلا من تحليل أشعار ؟؟
يا حول الله يا ربّي .. شو هالبشر ؟
طبعا وأتبعت هالحكي قصيدة صاحبك مرهج
بعدين المفروض إنّك عم تحكي بلسانك وحدك .. ف كلمة " نعتقد " في آخر كلامك .. تظهر .
أمور كثييييييييييرة
والشّاطر بيعرف لحاله ما بدي أتعمّق
وغير هيك بعدين .. بتحكي انت :

طبعا هذه القصيدة أتت في سياق نقاش هادئ ومفيد من قبل مرهج ,
بينما كانت ردود الأخ الحبيب جعفر حيدر تهكمية و استفزازية وخالية من المنطق والمعرفة وكان تعامل جعفر حيدر بهذه الطريقة غير المستحبة سببا رئيسيا لخلافه العميق مع مرهج .
راجح

يا عمّي انت بدّك تقلبها مشروع إنتقام ونفث سموم ولا بدّك تطلع الداخل على هالصّفحة معقّد نفسي متل حالتك ؟
بعدين وينها ردود جعفر الخالية من المنطق والمعرفة ؟؟ وين لهجته التّهكّمية ؟؟ وين اللي بتحكي عنّه كلّه ضباب بضباب
لا حدا شايف ولا سامع
ولنفترض انو حكيك طلع مزبوط بالنسبة لرأيك بشعر جعفر
اكتب شعر حيدر !!
بعدين لازم تعرف انو في ناس بتكون اللهجة التهكّميّة هي التعامل المناسب معهم إذا ما كانت كثيرة عليهم حتّى
وخلّي كل شي بمحلّه أحسن

طيب ... شو قولك لما تنسأل :
شو السّبب في وضعك قصيدتين لعصام و مهرج في موضوع واحد أو سياق واحد أو موضع واحد سميها كيف ما بدّك .. وفهمك كفاية
؟؟؟؟؟؟؟؟
ولا لأنو التنتين بيهاجمن جعفر ؟
سبب كافي بنظرك ؟
إذا إلك نظر ؟
قدّ ما تحاول تخفي مشاعرك الحقيقية خلف قناع الزيف والرياء والدبلوماسيّة
اللي جوا بيبيّن
وإذا ما بيّن مباشرة بيبيّن بموقف
بأسلوب
بنصّ كلمة
..!
المهم بيبيّن
وأي واحد عنده شويّة فطنة
بينتبه للأسلوب اللي بتمهّد فيه بتضرب ضرباتك
أو لتنفش ريشاتك
البقية في العدد القادم طبعا
بعدني ما خلّصت
وراجع المرّة الجاية لأكمّل .. إذا ما انحذف الموضوع من قبلك انت وزبانيتك
لأنو عالوجع متل ما انت عارف
على كلّ حال
شكرا لكلّ من قرأ ما كتبت ...
ونلقاكم في الحلقة القادمة من مسلسل
" بدّي وما بدّي "
مع تحيّات
جهاد علاونة

[راجح]

ياسلام على هذه العذوبة والرقة ..
مروان شاعر جميل وقد طور نفسه بشكل رهيب




ياشعر عَ جناحك أنـا برتـاح =وعَ نصوص قانونك أنا ماضـي
ببقى معك فوق الأرض سـوّاح=وبالعاصفه مْخاضك من مْخاضي
***
كنت بزمانـك تنشـر الأفـراح=وتَّشتش الزعـلان والراضـي
وبخيمتك نعزف رنيـن قـداح=ويتعانـق المتهـوم والقاضـي
***
لكن بإسمك صار عِنّـا سـلاح=يضرب على المليان والفاضـي
ومن ريشك الشعّار عِمْلو رماح=وإنتي عليهن هيـك متغاضـي
***
ياشعر لِمّ مـن لقلـب لجـراح=وضَلَّك معي قاعد عَ رمش الغيم
نبكي أنا وايّاك عالماضي

**
شعر مروان
------------------------------


تعليق راجح

[راجح]

:
سافر بو فادي ولوّع الاحباب

وليل الحبر ع كتاب عمرو شاب

وصار الشعر يبكي بوجع مخزون

ومن كل دمعة يسيل الف كتاب

غاب ال سقانا من عيونو عيون

غاب ال بشعرو رجّع الغيّاب

متلك نزيه يكون ...صعبة يكون

قمة تواضع ما وصّلا تراب

قلب الشعر باقي الك مديون

لا الدمع لا الدمّات لا الكلمات

فيهن يسدّوا بغيبتك الحساب

......................
شعر نجيب سجيم **********




تعليق راجح

[راجح]

السيد جعفر حيدر معجب جدا بقصيدة السيد حسن بنوت الختامية ضد راجح , وتكريما له ندرجها هنا في هذه السحارة . تعبر هذه القصيدة عن ميزات الزجل الذي يكتبه بوعلي حسن بنوت , وتعطي فكرة واضحة عن أسلوبه في المباريات , وعن مستواه , وهو له أسلوبه و قد استعمل هنا جل خبرته وأظهر كل عنفوانه وبذل كل مايستطيع من جهد ولم يترك حجرا الا وقلبه بحثا عن شيء يرد به الصاع صاعين . كان بوعلي (حسب مايظنه السيد جعفر على الأقل وقد يخالفه بعضهم الرأي )القلعة الأخيرة والأقوى في سلسلة مباريات أجراها راجح على صفحات مشتاوي بعد أن فتح باب التحدي فتبارز مع الشعراء حرف , وسليمان ونجيب وناوشه خلال نفس الفترة "بو عنتر" و " نجم الليل" وهما شخصيتان لشخصين معروفين.

اذن هنا أدرج قصيدة العصر لبوعلي وفيها ينتشي ويتعملق ويتحدى موسى زغيب ( نتمنى أن نراه يوما في حفلة منبرية ضد موسى زغيب ) , بدأ بوعلي الجولة متحديا راجح بالقصيد والمعنى , ثم طلب من راجح أن يختم أولا فلبى راجح طلبه .
تحية للشاعر بوعلي من القلب مع تمنياتنا له ولصوته بدوام التألق والنجاح .

لكي تستوعب سر غضبة بوعلي في قصيدته على راجح لابد من ادراج قصيدة راجح أولا .



**
**


شرق الشمس داري وخلف داري=سما.. فيها بکفّي نجوم داري
وطقسي لحن بيزنطي بتسهر=عصوتو الريح تايطلع نهاري
**

خلِقت كون وتحجم الكون يكبر=قْبَعِت سقف الخيال بطلْق ناري
وشفت موسى زغيب بقصر مرمر=وضحكلي وقال كيف حالك ياجاري
وعطاني كاس من غيمو المعصّر=عبير متلّتو بصدر الحواري
وعطيتو خبز تجديدي المقمّر=ع صاج ملوهج بلمعة قماري
وصفي يسكر ويوعى وصرت أسكر=وأوعى بانبهارو وانبهاري
**
ويابنّوت: القساوه مابتظهر=اذا ماكان خصمي من الضواري
وأنت قرقور عالمنبر زغيّر=ولولاالصّوف دبحك مش تجاري
**
وقت دفشوك رفقاتك ت تثأر=بعدما تقهقرو من انتصاري
رجعوا فيك شمتوا وقت زمجر=المحيط الأطلسي و غرّق "كناري "
**
وعلى حفلة زجل لُو رفيق فکّر=تيعزمني وجنابك عمتباري
مارح أدفع تأسمع هيك محضر=أنا بعطيك تاسكت مصاري
**
لقب البوعلي للزّين کسّر=سيوف وفزّع وحوش البراري
وعلى دورك صفي مشرشح معتّر=فيه يشلّحو سيفو مكاري
**
واذا الزغلول عاقصرو المقدّر=جابك طقم لسنانو عياري
م جابك قبل مابالعمر ختير=وبقصرو صار لازملو جواري
**
وعلى التجديد ياشاعر مأخّر=تعا ت تدوزنك رنة وتاري
التجدد روح من سجن المسکّر=انطلق عن ثورتو كاتب و قاري
ومش مقيّد بجيل وْلا مسوّر=بوقت .. ومش بأصلو انتحاري
أنا بالعمق بحكي .. بحكّ جوهر=المعْنى بلمّعو بماس ابتكاري
بخيالي منبر الكلمه تشجّر=شجرأشقر شرب مهجة جراري
وبعيني تحمّم الالهام أكتر=من الرّمل ل عشطّ البحر عاري
وبقلبي النور ايقونه مصوّر=بترشح عطر بتوشح شعاري
وصرت زعقة جمال بكل منبر=دهنت الريح لونت الصحاري
کأنّي نهر عاصي بمي دوّر=نواعير التحدي عْلى مداري
**
وهلق ياحسن ضلّك تذکّر=مين ل بلّش ب "ذات الصواري"
أنتي طمعت تتباري الغضنفر=وماكانت هالبدايه باختياري
وبعد "أم المعارك" مابتخسر=وبوكرك تختبي وناري تداري
بدي خبرك تالكل يخبر=البدايه مش قراري بهيك عركه
بس نهايتك كانت قراري
***********

راجح

**********************************************
يـا مشتـاوي الـزجـل والشاعـريـي=قـبـل مــا تعـجّـل بحكـمـك عـلـيـي
وقبـل مـا تقـول أنـي مـش مـهـذب=تـعــا نـوضّــح هـالامــور الـخـفـيـي
*****
دخــل عــا منـتـدانـا هـــون ثـعـلـب=بـحـيـلـة مــكــر مـتـلــو جهـنـمـيـي
ومشاكـل عـا جميـع النـاس سبـب=بـظـنــي بهالـقـضـيـه عـنـصـريــي
*****
وانــا شـاعـر لـكـل ملـقـى مـــدرب=تــرد الخـصـم عـــا بـيـتـو ضـحـيـي
وإذا عمـل السـمـا للشـعـر ملـعـب=السـمـا بتسـجـد قبـالـي منحنـيـي
*****
لـمــن صـــار عـالـضـربـات مـتـعــب=وطبل راسو انطوش من تحت ديي
عملنـي إجــر كـرسـي ومــا تــأدب =وأنــا مـرّقـت هالكـلـمـه الشـقـيـي
افـتـكـر حـالــو بهـالـحـجـه تـغـلــب=عــــا إســتــاذ الادب والـعـبـقـريـي
ووقف فـي وجـه موهبتـي مطنـب=ونـسـي قــدرة جوابـاتـي الذكـيـي
*****
ووقـت مـا شـاف حـالـو قــد أرنــب=قـبــالــي زت كـلـمـاتــو الـغـبـيــي
وأنـا لهالمستـوى مـا كـنـت بـرغـب=تـا إنــزل مــن سمـاواتـي العلـيـي
وإذا جـوي بـشـي لحـظـه تكـهـرب=وجـاوبـتــو عــلـــى ذات الـمــزيــي
مــش معناتـهـا الاحـمـق الاجـــدب=ربحـنـي ونـــال شـهــره عالـمـيـي
*****
بموسى زغيب مستقـوي ومعجـب=ومـوسـى مــا إلــو عليـنـا وصـيــي
مـوسـى وصّـلـو حـظـو المهـبـهـب=وانـت حظـك معـي عملـك قضيـي
من غير مدرسه ومـن غيـر مشـرب=ولــو مـوسـى بنفـسـو طـهـر نـيـي
مــا قـضّـا العـمـر يـتـفـزع ويـرهــب=مــن الـزيــن ودروبـــو الحربـجـيـي
*****
وانــــت مـتـلــو بـتـتـخـبّـا بـتــهــرب=وما في عندك ثقـه بنفسـك قويـي
بأسـامـي مــش حقيقـيـه محـجـب=جـبــان وعـــم بتـعـمـل عنـجـهـيـي
بـربـيـع ومـرهــج وأعـــور وأحـــدب=وNoor و kelb ورقــيـــه وعـلــيــي
وسميـر وطانـوس ونـجـم المـدنـب=وجحـا وسـقـراط والعـلـه الخفـيـي
وألف موسى عا جنبك لو بتسحـب=عـلــى حـفـلـة تــحــدي مـنـبـريـي
سـويـه بترضـعـو الـرمـح المـكـعـب=وسـويـه بتركـعـو قبـالـي سـويــي
*****
يـــا مـنـشـار الـتـجـدد يـــا مـقـلّــب=برقـصـة خـلـوعـه وفـلـتـة صـبـيـي
لا بعـتـل هـمــك ولا فـيــك بـرغــب=إن كـبــرت اجــــر للتـقـلـيـد فــيــي
أنــا ركـيـزة أســاس بـكـل مـذهـب=اذا قـصـيـتـنـي أكــبـــر خــطــيــي
الحداثـة مـن نبـوغ الأصــل تـشـرب=المـا عنـدو أصـل مـا عـنـدو هـويـي
وعلـى تـوب الـشـرف إيــاك تـقـرب=شــرفــنــا أرز وقــفــاتــو أبـــيــــي
مــا فـيـي غـيـر قـلـك روح تـضــرب=يـــا مـنـشــار الـتـجــدد والـعـمـالـه
يا ريت تحلّ عن اجري شويي
*****
الشاعر بوعلي حسن بنوت


ملاحظة لفهم بعض النقاط في قصيدة بوعلي:
بوعلي نوه في قصيدته لكلمات استعملها في ردات المعنى ولم تكن برأيه لائقة , فحاول في قصيدته الأخيرة الاعتذار من موقع مشتاوي .

- قام البعض لشدة الاعجاب بشعر بوعلي بقراءة رداته فقط و تجاوز ردات راجح وعدم قراءتها .
-يفتخر بوعلي كثيرا بهذه القصيدة وبهذا الحوار وبناء على طلبه كما أسلف البعض تم نقل الحوار لموقع آخر .

شكرا


تحية لبوعلي ولجعفر ولسليمان وشامخ ونجيب مع حفظ الألقاب


تعليق راجح

[رمّاح]

عذراً للمقاطعة

بدّك تسمحلي أستاذ راجح مدّ إيدي و وضيف هالحبّة المقطوفة من أمها تازة لوش السحارة....

(من تهنئة للشاعر زاهر حدّو بأول قصيدة بتمشي )


كلمة يابيي كتير حلوي كتير
--------------------------------------------------------------------------------


مـبـروك, صــار البـيـت عــشّ كبـيـر=نــــشالله يــزيــدو فــيــه العـصـافـيـر
ويـصــيــر جــنــبــو بـــعـــد بــبــيّــي=ينامـوا سـوى أخـوي ع فـرد سـريـر
وتـلـعــب مــعــو وتــقـــول يـاخــيــيي=االـيـاس خـدنـي بحضـنـك مشـاويـر
ويــركــد ع خـيــتــو مــتـــل غـنــيّــه=ب "يسعد صباحك" أو "أناوهالبير"
**
بــكـــرا بـيـطــلــب مـــنـــك هـــديّـــي=وبـتـلـفّ قـلـبـك بـالــورق ت يـصـيـر
يــلاقـــي حــنـــان الــبـــي عــيــديّــي=ويـعــرف بــأنــو عـيـونــك نـواطـيــر
ابـــنــــك حـيـاتـك,دحـكـتــو لــقــيّـــي=صــوتــو ِشــلــل تدلـيـعـتـو سـنـانـيـر
بــتــنــام حــــــدو بـــكــــل حــنــيّـــي=ب يــغــلّ فــيــك بتـحـمـلـو وبـتـطـيـر
بــتــفــيــق بـتـجــبــلــو الــنــونــيّــي=بـالـلــيــل أو وجّ الــصــبــح بــكّــيــر
وبــكـــرا وقـــــت بـيــقــول يــابــيــي=مـــافـــيـــك الا تــــقـــــول يـــــــــاألله
كلمة يابيي كتير حلوي كتير
_______

راجـــــــــــــــــــــــــــــــــــــح

أبيات تمتاز بالبساطة والعفوية بالمعاني والصور والألفاظ ولكنها تنتمي (للسهل الممتنعْ ) فهيَ مليئة بالروح وتنبض بالحياة ..وتفوح فيها أنفاس راجح كعادتها بعطر لا تضاهيه ورود....
وبتستاهل كلمة .....يا أللهْ..
أعذرني خيي راجح ..ما قدرت أسكت وما قول كلمة بحق هالجمال ....