بكره الموتى

[slayman]

بكره الموتى العايشي بقبور
وبضحك على اللي مات حتى يعيش
برقص عا قبرالحاكم المأجور
وبطير فوق الخوف بنفش ريش
وأحلام قمرّجي تا يربح فيش

شاعر يا قلبي بس قاسي كتير
ما تركت ميّت يختلي بقبرو
الموتى ورود وعطر وتنانير
واللي انتهو بالموت وانجبروا
اوجود الحياة التاني اعتبروا

وهيك العمر كذاب
بنعيش بالسرساب
وكل الحقيقة غش
ما في قلب بتفش
دنيا متل دولاب
وتراب عم ينرش
فوق تراب

[جهاد علاونة]

[poem=font="Traditional Arabic,7,,bold,normal" bkcolor="" bkimage="" border="none,1," type=0 line=0 align=center use=ex num="0,"]
ما بكره اللي عالقبر بيفوت=
وبيترك البارود مع إبنه=
لما ع أيّا حال رح بيموت=
مَ يموت وحجاره قصر يبنو ؟!=
ويركب مصايب قبل يركبنه=
*****=
واللي اختفوا من حولنا وفلّوا=
ما زال طيفن زاير السّهرات=
عا كلّ سهرة بالضّحك طلّوا=
وما زالت عيونن لها همسات=
كنّا منسمعها عالمخدّات=
*****=
وتنلوم حاكم ... أو زمن مقلوب=
هيدا تهرّب مو رجوليّة=
هيدا عمى ضارب جميع قلوب=
اللي بزمان الإتّكالية=
اتّكلوا على شْعارات وهميّة=
*****=
هيك الحياة ... جنينة شجر تفّاح=
والآخرة صارت متل بكره=
وعابر تحت شجرة بهدف ترتاح=
عبرة بتحصد ... والصّبح بتقوم=
وبالآخرة مالك سوى العِبْرة=
*****[/poem]