[تعي يا مغيّرة الأحســاس فيـي ... فلشيني حلم وردة مستحيـــــي
أنا بالحب في عندي درايـــــي ... حيـاتي ورود عمري مزهـــريي

اختبرتك يا عشق أول صبـايي ... افتكرت الحب نعمة مش خطـيي
وتركت بجعبة سنيني شقــايـي ... وحلا نظرات ليلى العامــــــريي

وسبقني العمر والأيام جــايـي ... وعليي نغّص العيـــشي الهنـيــي
وصباحي بلش يشِّرد مسايــي ... متل مــــا الشمس بتـشّـرد الفيـي

تركيني نام عا صدرك كفـايـي ... ومع الاحلام اتمردغ شويـــــــي
الخطيي فلم والبوسي دعـايي ... وأنا لمحبتـك نفسي شـــهـــــيــي

أنا شيطان نازل من سمـــايي ... ملاك الحب قدّمني هديـــــــــــــي
زرعتك وهم عامخدة غفــايي ... وحصدتك حلم زهرة بنفسجـــيـي

ومتل ما بتكتب المي القنــايي ... كتبتك واقعي وصرتي بلــــيـــي
كتبتك بيت شــــعر وبالدوايي ... سكبت دموع عينـــــيي السخيـي

وسقيتك عاطفة وحب وعنايي ... وصرت بمحبتك واقع ضحيـــي
تركيني ارسم دروب النهــايي ... العمر نفناف عميتلج عليـــــــي

أناالي كنت حـــــبـك بالبدايـي ... محبة صــادقة عن طيب نيـــــي
اكتشفتك ضايعة وعندك هوايي ... عرفت شو ضامرة لغيري اذيي

خدعتي الكل لـكن من عدايي ... ولها الاسباب كاتبلك وصـيـي
الوفا تزكار والكلمة حكايـــي ... وحياتك رايحة ومشوار جايـي
يسأل وين رحتي يا صبيي

تسجيل الدخول
اسم العضو:
كلمة المرور:	نسيت كلمة المرور؟
	تذكرني