لَمَّا مَات العِشِق........ 14 شباط

[mohamad kh]

[poem=font="Traditional Arabic,7,,bold,normal" bkcolor="" bkimage="" border="none,1," type=0 line=0 align=center use=ex num="0,"]
نِزل النِدِي السَهْرَان عَ الكَاسَات = يِسْقِي الزَهِر وِيْنَشِّط حْوَاسِي
وْيَا فَجْر زِيح اللَيْل وِالعَتْمَات = بِكْفِي لَيْل طِلُّو يَا شَمَاسِي
* - - - - - - - - * = * - - - - - - - - *
يَ شْمُوس طِلِّي اليَوْم مِنْ بَدْرِي = خَلِّي النِدِي يِنْشَف عَلَى زْهَارُو
وْفَلاَّح رُوحُو تْرَابِة السِدْرِة = فِيهَا الغُصُن حَاضِن دَفَا طْيَارُو
* - - - - - - - - * = * - - - - - - - - *
بَلَّش نْهَارُو وْزَقْزَق العَصْفُور = بْألحَان نَاي وْعُود مِقْتِسْمِي
وْكِل مَا تِعِب مَيَّات نَهْرُو تْفُور = وِتْرَشْقُو بْرُودِة مَع النَسْمِة
* - - - - - - - - * = * - - - - - - - - *
وْكِل مَا بِهَالكَرْمَات يِتْلاقُو = الفَلاح وِبْرُودِة غَضَب نَهْرُو
يْمُر العِشِق وِتْمُوت أخْلاقُو = وْمِن هَالمَحبِّة يْمُوت مِنْ قَهْرُو
* - - - - - - - - * = * - - - - - - - - *
كَان العِشِق مِتْقَمِّص بْلَيْلَى = مَعْ قَيس بِخْيَام الطُهُر مَرَّة
بَعْدُن إْتْقَمَّص عَنْتَر وْعَبْلاَ = وِسْمِعْت إنُّو مِنْهُن تْبَرَّا
* - - - - - - - - * = * - - - - - - - - *
مَات العِشِق؛ صَار العِشِق هَنِّي = بَيْن النِدِي وِالوَرْد مَوْجُدِينْ
وْصَار الوَرِد يِعْزِف. نِدِي يْغَنِّي = أنْغَام مُوسِيقَى طَرَب تِلْحِينْ
* - - - - - - - - * = * - - - - - - - - *
هِيْك المَحَبِّة بْتِنْسَمَا مْحَبِّة = وَرْد وْنِدِي وْمَيّ وْهَوَا وْفَلاَّح
وْكِل مَ الرِيَاح تْهِب شِي هَبِّة = تْزِيد المَحَبِّة بْهَبْتِك يَ رْيَاح
* - - - - - - - - * = * - - - - - - - - *
أللهّ..... يَا دِنْيَا عَلَى هَالحُبّ = بْهَبِّة الرِيح.. الحُب فَيَّقْنِي
وْمِثل النْبِيذ بْشِفِّة إللِّي بْحِبّ = عَ شْفَافْهَا الإحْسَاس عَتَّقْنِي
* - - - - - - - - * = * - - - - - - - - *
وْكِل مَا شْفَافِي تْذُوب عَ الخَدَّيْن = بِتْغَار مِن خَدَّيْهَا الشِفِّة
شِفِّة أمِيرَةَ عَالْقَة مَا بَيْن = حُبِّي أنَا وِالطُهْر وِالعِفِّة
* - - - - - - - - * = * - - - - - - - - *
وْحَسَّيْتَهَا لَك آآخ شُو حَسَّيْت = مِثِل إلْ كَإنْهَا اليَوْم نَعْسَانِي
وْلَمَّا عْيُونَا مْنِ النَعَس وَعَّيْت = صَار النَعَس دَايِر بْأجْفَانِي
* - - - - - - - - * = * - - - - - - - - *
مْنِ عْيُونْهَا سْكِرْت وصِرِت نَعْسَان = سَكْرَان مِنْ عَيْنَيْن مِش خَمْرَة
وسَجَّلْت إسْمِي شَاعِر النِسْيَان = بْحِضْن العَشِيقَة العَاشِقَة السَّمْرَة
* - - - - - - - - * = * - - - - - - - - *
مَات العِشِق؛ صِرْنَا العِشِق نِحْنَا = سَمْرَة عَشِيقَة وْشَاعِر النِسْيَان
وْلَمَّا بْمُحِيط العَاطِفِة سْبِحْنَا = غَارُو البُحُور... وغَارِت الوِدْيَان
* - - - - - - - - * = * - - - - - - - - *
صِرْنَا العِشِق نِحْنَا؛ أنَا وْهِيِّي = رَعْدِة وْقَبِلْهَا بَرْقَت البَرْقَة
وْمِثل الفَجِر مَجْبُور يَوْمِيِّي = إمْرُق عَلَيْهَا كُل فَجِر مَرْقّة
* - - - - - - - - * = * - - - - - - - - *
كِلّ السِنِة لِلْحُب كَوَّنْهَا = الله؛ وْبَعَثْنَا نِلْتِقِي فِيهَا
وْفِينَا دْرُوب الحُب لَوَّنْهَا = وْشَمْعَات تَ نْضَوِّي لَيَالِيهَا
* - - - - - - - - * = * - - - - - - - - *
مْشِينَا أنَا وْهِيِّي بِذَات الدَرْب = شَمْس وْقَمَر بِالعَاطِفِة مْشِينَا
نْضَوِّي اللَّيَالِي بَيْن شَرْق وْغَرْب = وْهِيكِي اللَّيَالِي تِشْتِعِل فِينَا
* - - - - - - - - * = * - - - - - - - - *
فِينَا اللَّيَالِي تِشْتِعِل بِالنَّار = نَار الهَوَى وِالحُب تِكْوِينَا
وِبْنِص شَهْر شْبَاط قَلْبِي صَار = شَمْعَة نْضَوِّيهَا بْلَيَالِينَا
* - - - - - - - - * = * - - - - - - - - *[/poem]

الخميس – 14/02/2008

[حسن بنوت]

[poem=font="Arabic Transparent,6,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
*****
الاحساس يا شاعر حبق مفتوت=من روحك البسحر ملياني
وأجمل تحيه من حسن بنوت=لابن الخطيب الما إلو تاني
ما زال شعرك مرمر وياقوت=وشامخ متل ارزه وسندياني
العشاق لا بتفنا ولا بتموت=وروحك بجسم الحب خلقاني
*****[/poem]

[mohamad kh]

[poem=font="Traditional Arabic,7,,bold,normal" bkcolor="" bkimage="" border="none,1," type=0 line=0 align=center use=ex num="0,"]
آسِف عَ التَأخِير!؛. النُوم = أخَّرْنِي غَصْبِن عَنِّي
إْنْشَالله بْتِبْقَى دَايِم دُوم = هَالشِّعْر الحِلْو تْغَنِّي
*** = ***
يَ بَنُّوت شْوَيّ شْوَيّ = مِنَّك غَارُو وْرَاق الغَار
بِتْشَعِّل نَارَك بِالمَيّ = مْنَيْن بْتِخْلَق هَالأفْكَار
بْهَالمِشْتَاوِي مَكْوِي كَيّ = وَرْدِة شِعْر بْقَلْب النَّار
لَكِن بِوْجُودَك يَا خَيّ = مِثْل إلْ عَايِش بِالجَنِّة[/poem]

شكرا كثير خيي بو علي على هالرد الله يقدرنا ونظل عند حسن ظنك........

تحياتي...... محمد خطيب

[بيدق]

[poem=font="Traditional Arabic,7,,bold,normal" bkcolor="" bkimage="" border="none,1," type=0 line=0 align=center use=ex num="0,"]
نِزل النِدِي السَهْرَان عَ الكَاسَات = يِسْقِي الزَهِر وِيْنَشِّط حْوَاسِي
وْيَا فَجْر زِيح اللَيْل وِالعَتْمَات = بِكْفِي لَيْل طِلُّو يَا شَمَاسِي
* - - - - - - - - * = * - - - - - - - - *
يَ شْمُوس طِلِّي اليَوْم مِنْ بَدْرِي = خَلِّي النِدِي يِنْشَف عَلَى زْهَارُو
وْفَلاَّح رُوحُو تْرَابِة السِدْرِة = فِيهَا الغُصُن حَاضِن دَفَا طْيَارُو
* - - - - - - - - * = * - - - - - - - - *
بَلَّش نْهَارُو وْزَقْزَق العَصْفُور = بْألحَان نَاي وْعُود مِقْتِسْمِي
وْكِل مَا تِعِب مَيَّات نَهْرُو تْفُور = وِتْرَشْقُو بْرُودِة مَع النَسْمِة
* - - - - - - - - * = * - - - - - - - - *
وْكِل مَا بِهَالكَرْمَات يِتْلاقُو = الفَلاح وِبْرُودِة غَضَب نَهْرُو
يْمُر العِشِق وِتْمُوت أخْلاقُو = وْمِن هَالمَحبِّة يْمُوت مِنْ قَهْرُو
* - - - - - - - - * = * - - - - - - - - *
كَان العِشِق مِتْقَمِّص بْلَيْلَى = مَعْ قَيس بِخْيَام الطُهُر مَرَّة
بَعْدُن إْتْقَمَّص عَنْتَر وْعَبْلاَ = وِسْمِعْت إنُّو مِنْهُن تْبَرَّا
* - - - - - - - - * = * - - - - - - - - *
مَات العِشِق؛ صَار العِشِق هَنِّي = بَيْن النِدِي وِالوَرْد مَوْجُدِينْ
وْصَار الوَرِد يِعْزِف. نِدِي يْغَنِّي = أنْغَام مُوسِيقَى طَرَب تِلْحِينْ
* - - - - - - - - * = * - - - - - - - - *
هِيْك المَحَبِّة بْتِنْسَمَا مْحَبِّة = وَرْد وْنِدِي وْمَيّ وْهَوَا وْفَلاَّح
وْكِل مَ الرِيَاح تْهِب شِي هَبِّة = تْزِيد المَحَبِّة بْهَبْتِك يَ رْيَاح
* - - - - - - - - * = * - - - - - - - - *
أللهّ..... يَا دِنْيَا عَلَى هَالحُبّ = بْهَبِّة الرِيح.. الحُب فَيَّقْنِي
وْمِثل النْبِيذ بْشِفِّة إللِّي بْحِبّ = عَ شْفَافْهَا الإحْسَاس عَتَّقْنِي
* - - - - - - - - * = * - - - - - - - - *
وْكِل مَا شْفَافِي تْذُوب عَ الخَدَّيْن = بِتْغَار مِن خَدَّيْهَا الشِفِّة
شِفِّة أمِيرَةَ عَالْقَة مَا بَيْن = حُبِّي أنَا وِالطُهْر وِالعِفِّة
* - - - - - - - - * = * - - - - - - - - *
وْحَسَّيْتَهَا لَك آآخ شُو حَسَّيْت = مِثِل إلْ كَإنْهَا اليَوْم نَعْسَانِي
وْلَمَّا عْيُونَا مْنِ النَعَس وَعَّيْت = صَار النَعَس دَايِر بْأجْفَانِي
* - - - - - - - - * = * - - - - - - - - *
مْنِ عْيُونْهَا سْكِرْت وصِرِت نَعْسَان = سَكْرَان مِنْ عَيْنَيْن مِش خَمْرَة
وسَجَّلْت إسْمِي شَاعِر النِسْيَان = بْحِضْن العَشِيقَة العَاشِقَة السَّمْرَة
* - - - - - - - - * = * - - - - - - - - *
مَات العِشِق؛ صِرْنَا العِشِق نِحْنَا = سَمْرَة عَشِيقَة وْشَاعِر النِسْيَان
وْلَمَّا بْمُحِيط العَاطِفِة سْبِحْنَا = غَارُو البُحُور... وغَارِت الوِدْيَان
* - - - - - - - - * = * - - - - - - - - *
صِرْنَا العِشِق نِحْنَا؛ أنَا وْهِيِّي = رَعْدِة وْقَبِلْهَا بَرْقَت البَرْقَة
وْمِثل الفَجِر مَجْبُور يَوْمِيِّي = إمْرُق عَلَيْهَا كُل فَجِر مَرْقّة
* - - - - - - - - * = * - - - - - - - - *
كِلّ السِنِة لِلْحُب كَوَّنْهَا = الله؛ وْبَعَثْنَا نِلْتِقِي فِيهَا
وْفِينَا دْرُوب الحُب لَوَّنْهَا = وْشَمْعَات تَ نْضَوِّي لَيَالِيهَا
* - - - - - - - - * = * - - - - - - - - *
مْشِينَا أنَا وْهِيِّي بِذَات الدَرْب = شَمْس وْقَمَر بِالعَاطِفِة مْشِينَا
نْضَوِّي اللَّيَالِي بَيْن شَرْق وْغَرْب = وْهِيكِي اللَّيَالِي تِشْتِعِل فِينَا
* - - - - - - - - * = * - - - - - - - - *
فِينَا اللَّيَالِي تِشْتِعِل بِالنَّار = نَار الهَوَى وِالحُب تِكْوِينَا
وِبْنِص شَهْر شْبَاط قَلْبِي صَار = شَمْعَة نْضَوِّيهَا بْلَيَالِينَا
* - - - - - - - - * = * - - - - - - - - *[/poem]

الخميس – 14/02/2008

شو هالأحساس الدافق ........ محمد إنت عم ترتقي بمستواك بسرعة البرق ...... رغم طول القصيده ............... ألا إنها ممتعه ................. وبعد شهادة سلطان الغزل حسن بنوت .... ما ضل حكي .................... لك روح الله يوفقك من كل قلبي .................

[mohamad kh]

[poem=font="Traditional Arabic,7,,bold,normal" bkcolor="" bkimage="" border="none,1," type=0 line=0 align=center use=ex num="0,"]
يَا بَيْدَق وَرْد الأشْعَار = عْلَيْنَا بْحَكْيَك بِتْرَاشِق
عَاشِق مَعْشُوقَاتِي كْثَار = وْكِل بَيْت بْشِعْرَك عَاشِق
ثْنَيْن تْسَاوُو بْهَالمِضْمَار = البَيْدَق وِالطَيْر البَاشِق*
ثْنَيْن مْنِ كْبَار الشُعَّار = شِعْرُن بِلْمَع مِثْل المَاس
ضَاوِي وْعَاكِس عَ فَنِّي[/poem]

*= البيدق هوي طير بيشبه الطير الباشق!؛. والبيدق والطير الباشق هني الشاعر بيدق والشاعر حسن بنوت........[poem=font="Traditional Arabic,7,,bold,normal" bkcolor="" bkimage="" border="none,1," type=0 line=0 align=center use=ex num="0,"]
*/*/*/*/*/*/*/*/*/* = *\*\*\*\*\*\*\*\*\*[/poem]
بيدق............... "كنت بدي قللك استاذ بيدق بس شفتك قبل بمرة اتضايقت منها لما قاللك اياها واحد من الاعضاء"
على كل حال........
شكرا كثير ع.التعليق.. كلامك كثييييير مهم بالنسبة الي.... ووسام بعلقو ع جبيني وبفتخر فيو كثييييييييييييييير

عنجد خجلتني وما عاد فيي احكي...
تحياتي...... محمد خطيب

[mohamad kh]

هالقصيدة هاي نزلتها رد على شاعر رد عليي بشكل اعتراض على عيد العشاق وتابعة لنفس الموضوع.....[poem=font="Traditional Arabic,7,,bold,normal" bkcolor="" bkimage="" border="none,1," type=0 line=0 align=center use=ex num="0,"]
عِيد العِشِق يَا عِيد مِيلادِي = بْكِل السِنِة هِجْرِي وِمِيلادِي
حَطُّو المَحِبّة وِالدِّنِي بْمِيزَان = زَان المَحَبِّة عَ الدِّنِي زْيَادِة...
بِأسَف عَ كِل شَاعِر بِهَالمِيدَان = دَان المَحَبِّة بْيَوم مِش عَادِي
قِللِي شُو بِتْقِللُو لَكِل جُوعَان = عَان مِن جُوع العِشِق بَادِي...
لَوْ مَا بِهَالدّنيَا إنْفَجَر بُرْكَان = كَان العِشِق مِنْ وَهْجِتُو بَادِي
كِنَّا عَ نَجْم التَفْرِقَة دِخَّان = خَان الأحِبّة بْنَار وَقَّادِي...
كَان الهَوَى بِالأرْض يَامَا كَان = عُذْرِي.. يْمَرْجِح ضِفّة الوَادِي
هْيَام الشّحَارِير بْثَرَا الوِدْيَان = وِهْيَام قَلْبِي عَ ثَرَا بْلادِي...
وْهَيك المَحَبِّة تْسَجَّلِت دِيوَان = عَ صَفْحِتُو بُلبُل عِشِق شَادِي
وْتَ يِنْحِفِظ حَقُّو مَدَا الأزْمَان = يُوم الهَوَى تْسَجَّل لَحِن هَادِي...
تْسَجَّل تَ يِتْخَلَّد حَلا وْألْوَان = تِتْعَلَّق بْصَدر السَّمَا قْلادِة
وْذِكْرَى أمَلْهَا مِش أمَل حَزْنَان = ذِكْرَى بِيَوم الحُبّ صَارِت عِيد
بَتْذَكَّرُو مَع شُوفِةْ وْلادِي...[/poem]