15-02-08, 10:43 PM
روقي يا دنيا...
واصبري عليّي
خللي الغفا يسرح بعينيّي
خللي الندي يسقسق على الوردة
دبلت حزينة وغلغلت فيّي
روقي ت ارجع أفرح و غنّي
روقي ت خلّي كوخنا جنة
روقي تَ اسرح بالحلم مرة
خللي حبيبي يرتوي مني
روقي ت شوف الحلم عم يكبر
روقي ت انسى اليوم المعكّر
روقي ت ارجع بالعمر طفلة
أحمل معي قضوضة الزعتر
روقي ت أرجع اسمع غناني
وخشخشة أوراق يبسانة
تحت الشجر بالغاب والبستان
زرازير وشحارير عشقانة
روقي ت استرجع صور ستي
تحكي قصص والدنيا بتشتّي
تخبّي الأميرة بحضن شي دغلة
اسرح معا وانا نايمة بتختي
روقي تَ ترجع بسمتي ليّي
ويرجع حبيبي يبوس عينيّي
يحمل معو لهفة عشق أول
تعرّف ع حالو بين ايديّي
واصبري عليّي
خللي الغفا يسرح بعينيّي
خللي الندي يسقسق على الوردة
دبلت حزينة وغلغلت فيّي
روقي ت ارجع أفرح و غنّي
روقي ت خلّي كوخنا جنة
روقي تَ اسرح بالحلم مرة
خللي حبيبي يرتوي مني
روقي ت شوف الحلم عم يكبر
روقي ت انسى اليوم المعكّر
روقي ت ارجع بالعمر طفلة
أحمل معي قضوضة الزعتر
روقي ت أرجع اسمع غناني
وخشخشة أوراق يبسانة
تحت الشجر بالغاب والبستان
زرازير وشحارير عشقانة
روقي ت استرجع صور ستي
تحكي قصص والدنيا بتشتّي
تخبّي الأميرة بحضن شي دغلة
اسرح معا وانا نايمة بتختي
روقي تَ ترجع بسمتي ليّي
ويرجع حبيبي يبوس عينيّي
يحمل معو لهفة عشق أول
تعرّف ع حالو بين ايديّي