واقع ثانوية المشتى الرسمية المؤلم .........

[Mr. Samo]

أنت طالب في ثانوية مشتى الحلو فعليك مراعاة ما يلي :


1. أن يكون لديك فيتامين ( و ) لدى الإدارة أو أنت تكون احد أعضاء جهازها ألاستخباراتي الفعال .
2. قص شعرك عندما يبلغ طول الشعرة الواحدة 10 سم ( في حال وجود الفيتامين و ) , و 10 مم في حال عدم و جوده .
3. ارتداء الكمامات الواقية داخل المراحيض .
4. عليك التمرن على الألعاب القتالية لكي تتمكن من احتلال موقع متقدم قرب المدفئة , أو ارتداء الأطنان من الملابس .
5. لكي تعيش بسلام عليك تحريض والدك _ في حال انه قادر على الصياح و التهديد _ على الإدارة .
6. التعود على رائحة العرق و الفضلات الغازية السامة داخل قاعات الدراسة .
7. تجاهل الموجهين في حالة ندائهم لك أثناء الفرصة .
8. عدم وضع الجيل أو أية مادة أخرى مثبتة للشعر لأنها تضر بالميزانية العامة للأهل و تشجع البضاعة الأجنبية .
9. ارتداء الهندام الكامل حتى في الظروف الجوية العسيرة ( برد , شوب : ما بهم المهم تلبس البدلة )
10. ارتداء الأحذية السوداء ( لتشجيع صناعة الصباغ و الدهان المحلي ) .
11. عدم ارتداء الأقراط و الخواتم و ما شابه ( توفيرا للميزانية الأبوية ) .
12. عدم وضع العلكة لأنها تسيء للمظهر العام .
13. الاعتياد على أصوات الطلاب المطرودين خارج الحصة _ أثناء تلقيك الدرس .
14. الاعتياد على أن الأستاذ دائما على حق و أنت المخطىء ( الأستاذ نازل بقفة من السما )
15. إذا كنت من المدمنين على التدخين فعليك الذهاب إلى الملعب للقيام بها .
16. أثناء المرور داخل حرم المدرسة يرجى النظر بشكل مستقيم أو إلى الأرض ( كرمال ما ننفهم غلط ) تجنبا للمشاكل بين الطلاب دفاعا عن الشرف القروي .




ملاحظة : سيتم إرفاق ملحق بالتعليمات الواجب تطبيقها لتحظى بحياة هنيئة داخل المدرسة .



و عليك تطبيق هذا المثل : طنش ...... تعش ........ تنتعش

[غير مسجل]

اي و الله يا سمير و هاد شي بسيط من الشي اللي عما يصير بالفعل هههههههههه

[Mr. Samo]

اول شي لازم يهتموا بالعلم مو بالقصص الفاضية ........ جيل و شعر و ما شابه ..... و بيجوز لانو الكل اقرع لهيك بغاروا بس يشوفوا حدا حاطط جيل ....... :eek:

[غير مسجل]

ههههههههههههههههههه هيك أولك لأننون صلعان

[ramroum]

هههههههههههههههههههههههههههههههههههههههههههههههههههههههههههههههههههه
مارح قلك غير انو الله يعينكن ......... بس عندي سؤال شو هالفيتامين هاد :confused:
.
.
.
.
.
.
.
.
.
المهم انو انا هلق مانيبسوريا وبمدرستنا فينا نعمل كل شي ...........بلا معنى :p :p

[Mr. Samo]

له يا ريم على اساس انك ذكية ( كش برة و بعيد ) : هيدا الفيتامين يعني واسطة ( بس منقول هيك للتمويه )









و شو صايرليك انتي و بلا معنى ؟! العمى شو نيتك عاطلي :p

[ramroum]

له يا ريم على اساس انك ذكية ( كش برة و بعيد ) : هيدا الفيتامين يعني واسطة ( بس منقول هيك للتمويه )









و شو صايرليك انتي و بلا معنى ؟! العمى شو نيتك عاطلي :p

ههههههههههههههههههههههههههههههههههههههههههه
مين كاذب عليك وقايلك اني ذكية ......... بعرفك أذكى م هيك
.
.
.
لانيتي عاطلة ولا شي بس للتأكد مو أكتر من هيك استاذ سمير

[Mr. Samo]

بس شو بدنا بالحكي ..... في بلامدرسي جهاز استخبارات بحط FIB & CIA بجيبتوا لصغيري ... شو ما بيصير بالصف بيكون ع مكتب المدير ..... اذا واحد اخد شهيق زفير بيقولولوا :eek:

[echo]

أوه هالموضوع قوي و الله

بس في كم شغلة بحب علق عليهم بالموضوع بما أني صرلي شي 7 سنين بهالمدرسة:
أولا: بالنسبة لفيتامين (و) فهادا الشي ما بعتقد موجود بالمدرسة إلا من خلال بعض الطلاب اللي أولياء أمورهم أساتذة أو ........ و فهمكون كفاية
ثانياً: بالنسبة للمدفأة فهي الشغلة خلصت و صار الطقس حلو عطول و معد في داعي تقاتل مشان تقعد عند الصوبية مع أني ولا مرة قاتلت مشان أقعد جمب الصوبية دائما بدون معارك بقعد (زعـــــيـــــــم)
رابعاً: هي أهم شغلة بالنسبة ألنا الجيل يعني ما بعرف ليش الأساتذة و الموجهين بيضلو يدورو مين حاطط جيل و هيك شغلات عالشعر مشان يوقفو و يبلشو ليش حاطط جيل و ليش مكتر جيل و هالقد بيحطو جيل و ليك شعرك عم يلمع و شكلك مت البقـــ..... اللي لاحستا أما (شوفو الذوق) يعني مابعرف ليش ممنوع الجيل بالمدارس مع أنو ما بيضر بحدا و يا أخي إذا بدو يضر بيضر بالشخص اللي حاطط جيل مو الأساتذة و الموجهين
خامساً: بالنسبة للعلكة هي ما معك حق فيها العلكة غير ضرورية و خصوصاً للشباب يعني إذا بتشوف شب عم يعلك مدري كيف بتحسو متل الطانتات العلكة للبنات و مو بالمدرسة و إذا الواحد بدو يعلك بيعلك مشان يروّح ريحة تمو بس مو أكتر
سادساً: ^^الاعتياد على أن الأستاذ دائما على حق و أنت المخطىء^^ هي الشغلة أكيدة و بكل المدارس مو بس عنا و عندي متل طلع معي هلق "الحق على الطالب و لو كان الحق معه" شعار مدرستنا
سابعاً: بالنسبة للتدخين هي الشغلة مو لازم تصير بالمدرسة خارج المدرسة ماحدا دخلو بالطلاب بس داخل المدرسة مو لازم حدا يدخن (لا تكونو فكرتوني بدّخن لا يا عمي أنا مابدخن.................................................أنا بأركل)

بس آخر نقطة ما فهمتا بالموضوع يلا على كل حال خلّصت تعليق على الموضوع

و شكرا لصاحب الموضوع

[mounirfarkouh]

ألى طالبي العلم والمعرفة
للمدرسة حرمتها وكيانها فهي مكان علم وليست سينما للتدخين
والمدرسة مكان للمستقبل وليست صالة ديسكو للجل وتلوين الشعر وتطويله
ليس هناك واسطة في المدرسة ألا للمتفوق دراسيا فالجميع يحبه ويناقشه أما الكسول والجاهل فاالبعد عنه وعن مناقشته أرحم للجميع
عدم أحترام الطلاب للمدرسين وبتشجيع من الأهل ( أذا ضربك المعلم خبرني بخرب بيتو)
هذا غلط المعلم ليس مصارعا ولا لاعب كارتيه المعلم يحضر الدرس ويعطيه فمن يفهم يفهم وأذا كان ؟؟؟؟؟؟؟؟ عمروا مايفهم لأن المعروف في المدرسة الجميع هنا للعلم وليس لطق الحنك ومضغ العلكة ووضع الجل لأنه يعشق صديقته في المدرسة هذه مسخرة
الطلاب وكنا طلاب نخاف من المعلم أذا رآنا في الطريق لأننا نلعب ولأسنا ندرس وهذا واجبنا
اليوم نرى المعلم ونهزأ به وليس لدينا أقل أحترام له هل هذا جيل علم
وأذا أردنا مناقشة المعلم ننا قشه بأمور لاعلاقة لها بالعلم يغضب المعلم معه حق لأن له هدف معين وللأهل هدف معين آخر
المهم أحترام المعلم وأطاعته في حصصه والمثابرة في العلم فلن ينفعكم والله سواه
أما أن تكون طبيبا أو مهندسا أو محاسبا أو صيدليا أو سائقا وصايعا وعديم الفائدة وعندها الندم لايفيد فترى أصدقائك قد سبقوك في أشواط وأنت تتذكر ما فعلته بالأستاذ فلان والأستاذ فلان
وكل قصصك لن تنفعك
يا أبنائنا أنتبهوا لدرسكم وعلمكم
وكما قال الشاعر
العلم يرفع بيوتا لاعماد لها والجهل يهدم بيوت العز والكرم

[Sezar]

شكرا سامو لانك فتحت هالموضوع ..... ذو انت ما قلت شي كتير بسيط و بالنسبة لمنير انت منك عايش بهالمدرسة و بعدين اذا الواحد حط جيل ما عاد في يفهم الدرس :confused:
و سامو ما حكى عن الاساتذة : مثلا في انسة ما بتخلي الشباب يقعدو جنب البنات , و لما سالوها ليش قالت انو اشيا غير اخلاقية متصير بهالمدرسة ....فاذا المعلمة عم تحكي هيك شو خليت للطلاب

[Mr. Samo]

و الله يا منير هيدي القيم اللي عم تحكي عنا ما عادت هلأ لانا ما بتنفع ...... و في متل بيقول اذا لم تكن ذئبا اكلتك الذئاب ,يعني نحنا عم طبقوا هلق ...... و الجيل ما رح يخليك ما عاد تفهم و هوي بيظبط الشكل ..... يعني بدل ما الواحد يطلع شعروا منكوش و مخبص , بيطلع مظبط حالو .... و اللي انو كمان العطر ممنوع ؟ّّّّّّّّّّّّّّّّّّّ!!!!!!!!!!!!!!ّ على كل حال ما في مشكل اسالنا هل كم سني و منخلص

[طالب مشتاوي]

و من الانتهاكات الجديدة للمدير الكريم انه قام بفصل 8 طلاب لانهم كما يدعي ( شعرون طويل ) و اتى في قرار الفصل ان الحجة هي اهمال الواجبات المدرسية رغم التنبيه المستمر .......... فاي واجبات تلك التي يتكلم عنها في حال ان المقصرين لم يقم باي اجراء تجاههم . و المضحك المبكي ان ذلك المدير الكريم عندما علم ان شمير كتب عن الواقع المؤلم للثانوية . انهال عليه بالصياح و التهديد و الاستنكار , و كأن الطلاب ليس لهم حق التعبير . كما انهال على الطلاب بالتهديد بنقلهم من المدرسة . و قال لهم اذا كانوا قد اتفقوا على اخلال الامن في المدرسة سيقوم بتربية القمل في رأسهم : فعن اي قمل يتحدث اذا لا يمكن له اي يحيا من غير الشعر الذي ما برح يقوم باجبارهم على قصه . فالى اين سنتجه ؟ و الى متى سنظل على تلك التخلف ؟