حتّى من الجيران نتوقّى

[عصام يوسف]

حتى من الجيران نتوقـّى

عالباب

مش رح كرر الدقـّه

لاتقولي مين ...

لاتحكي

قومي افتحيلي

حضري الويسكي

ردي البرداي

عتمي الشِقـــّه

****

وبالعتم

دسّي

بقبشي

تهدّي

قعديني وقعدي حدّي

مسحي الحمرا

عن شفافك

فلفشي شعرك

على كتافك

حرنقي الشرشف والمخده

ومن بعد أوّل كاس

والتاني ..جددي

عيدي الأسطوانه

تشخلعي

جـِنّي

ارقصي

هزّي

عربدي

صِبّي

اشربي

مزّي

عيشي بنعمة اول خيانه

****

وهالليل

لما بتخلص حدودو

الغيّاب كلن

يمكن يعودو

وغصب عني

بتخلص السكرا

واسرع من النقزي

بيجي بكرا

تَ يشم فيكي

ريحة وجودو

***

يلي عليكي

كاتب كتابو

نحنا اغتنمنا فرصة غيابو

بكرا وجودو بيفرض غيابي

ومطرح ماكنت معلق تيابي

بدّو بيجي

وبيعلـّق تيابو ...



الشاعر نبيل خوري

[ADROOKH]

ما في أحلى من الشعر يللي بتنقلو...................غير يللي بتكتبو !!!!
شكرا لكلماتك.......و للحرية !!!

[عصام يوسف]

تكرم عينك يا بَيْ الخمر ...
إذا الشعر اللي بنقلو بيعجبك .. رح ضل إنقل
و إذا الشعر اللي بكتبو ما بيعجبك ... رح بطّل إكتب

عصاممعمحبّتي

[راجح]

أولا بفتكر أن ماعناه (ADROOHK) هو أنه معجب بماتنقله ولكنه معجب أكثر بشعرك ياعصام . وهذا شعور طبيعي فأنت شاعر كبير

ثانيا بخصوص قصيدة نبيل , القصيدة كبناء شعري جميلة , تدحرجها كأنه تقاسيم كمان , تصويراتها بتجنن , باختصار تصف حاله أو قصة معينة بدقة وبشاعرية رهيبة .تقراها وتسعد وتدرك بقوة موهبة نبيل ..ولكن ..

الخطيئة لذيذة ..صحيح ..ولكن تبقى خطيئة ..وهنا تم تصويرها بابداع جعل منها فضيلة .
الجنس بدون حب اغتصاب .. فهل يحق لنا تسويق هذه العقلية.. لاأدري

اذا كتب أحدهم قصيدة عن معركته مع الفستان , وظن أنه كتب شعرا , و القصيدة كانت مجرد غرائز هائجة وشهوات ثائرة .. فهل هذا شعر ..الله أعلم
المرأة جسد وروح ..والعلاقة معها جسد وروح

هل يحق للشاعر الحديث عن الجنس بهذا الشكل دون حب وخاصة اذا كان متزوجا ..والشعر هو من صلب الحياة !

أسئلة ..

تنويه : قصيدة كهذه تختلف بظروفها عن قصائد المباريات الزجلية لأن المباراة محاولة لاثبات الشاعرية بالحجة والقوة وهي ايضا لاثارة الحماس في الجمهور وبالتالي قديدافع أحدهم عن الشيطان ..فقط في سياق المباراة ..

الشاعر قد يروج بغير قصد لأشياء تخدش الحقيقة والجمال ..رغم أنه قد يكتب بما يسعد العيون والشفاه ..
ولكن اللذة أقل من السعادة والمتعة لا تصل لدرجة الغبطة

آسف على فلسفة الأمور ..ولكن هل يحق تجميل خيانة الوطن ,اذا كان الجواب لا ..فاذن لايحق تجميل خيانة الحب ..
نبيل خوري كتب قصيدة تصويرية ناجحة جدا ,وهو شاعر قدير , وقوي


شكرا على نقل القصيدة


مجرد أسئلة ..

راجح

[ADROOKH]

شكرا أخ راجح على التوضيح لأنو هادا يللي كنت بعني

[عصام يوسف]

أدروخ .. تسلملي عناقيدك *** وريحة شـتي أيلول و نبيدك
كان إيدي تعصـــرك خمره *** صرت تعصـرني وحي بإيدك

[راجح]

[poem=font="Arial,7,#0000ff,bold,normal" bkcolor="" bkimage="" border="none,1," type=0 line=0 align=center use=ex num="0,"]
أدروخ من غيمو المجد معصور = ناغى بشموخو الكوكب وناجى
متل البحر لماالتقى مع صور = عمّر بعالي الريح قرطاجه


راجح [/poem]

[ADROOKH]

من أحلى لأحلى !!!!
شكرا على الكلمات الحلوة
بس برأيي منشان الصفحة تحافظ على جمالها لازم تنشال التعليقات يللي بعد القصيدة الأولى