19-03-08, 06:15 PM
[poem=font="Arial,7,#ff0000,bold,normal" bkcolor="" bkimage="" border="none,1," type=0 line=0 align=center use=ex num="0,"]
ياشام يامرايات أحلامي=خيّم عَ زهرك نحل إلهامي
ومن كتر ماجوعك إلي مشتاق=صار العسل يدلق من كمامي
ياشام يامرجوحة اللآ فاق=شمسك بتوعى والزمن غامي
بيغفى على حضنك جبل عملاق=لف الأبد عَ جبهتو عمامي
***********
بحبّك ومن يوم لحنيني فاق=بديتي عَ زند العاطفي تنامي
وبقيو إلك قلبي وروحي رفاق=وقطّب حناني جرحك الدامي
بحبّك ولو هالكون فيّي ضاق=وبمشي حفا عَ جمرك الحامي
بحبّك ولو صارو سنيني عتاق=ولو عرّشو بالروح آلامي
***********
حبّك سرق قلبي من الأعماق=وسحرك سرق حبري من قلامي
وأكتر من حرامي النظر سرّاق=لمّا حرامي بيسرق حرامي
شو لذّة الّلهفي بدون عناق=شولذّة الميّي بلا الظامي
وشو الحبّ لوما شفتين رقاق=يدبغ عَ خدّي توتها الشّامي
***********
فلفش بهالغوطة الربيع وراق=إيد تمحي إيد رسّامي
وغروب شمسك قمّر السمّاق=ودمّر الهامي بدمّر الهامي
***********
وصخر معلولا من الأشواق=بيحكو مع التّاريخ آرامي
ويشهق نهر بردى بلقى العشّاق=وبيودّعن في مشهد درامي
وحياة آخر نظرتين غماق=لمنهن سريري ومنهن حرامي
ياشام وحياة الوحي الخلاّق=صار الزمن كرمال عينك خد
وصرتي على خد الزمن شامي
***********
منّي ألك ياشام عيديّي=وردة عشق حمرا نبيديّي
عطرها بالعمر مابيشيخ=أعتق من العملي الرشيديّي
لفتاتها تغازل المرّيخ=وغمزاتها طوابع بريديّي
بورقاتها بيتشمّس التاريخ=عَ مصطبة سوق الحميديّي
***********
ياشام عطرك من عبير الصيف=من الياسمين لعَ المدى تعمشق
جايي الوحي عَ قاسيونك ضيف=استقبليه بقدّك الأمشق
خيوط الشمس عّ الندي ترسم طيف=ملوّن يغازل خصرك الأرشق
والسّيف مابيعرف شو مجد السّيف=" الاّ إزا مابإيدك تدمشق "
***********
قدّيش فيكي تعتّقو الأيّام=وكلس العراقا صار فيكي رخام
وياما نحت تاصارت بساتين=بأرضك أبن " عبد الملك هشام"
ولوعاد عَ دربك " أبن سيرين "=عَ بابك الشرقي بيحني الهام
وكل مانحرج بالفكر "محيي الدين"=بتجاوبي عنّو يابصرى الشّام
***********
ياشام جايبلك شعر شفّاف=قومي اسمعي من وحيك ونَظمي
قبالك جبل حيّك الغيم لحاف=وعَ جريه خلقت تركع العَظمي
روحو سألو "غورو"لحياتو عاف=بيرد عنّو هيكلو العَظمي
وبيقول بعدو بالقبر بيخاف=من "ميسلون "و"يوسف العَظمي"
***********
قدّيش فيكي "عقل" عقلو طار=وبعدها عقولك مخاصمتو
وبالرغم مافيكي سكت " نزار"=عم يسكت النّارنج من صمتو
و"فيروز" لوما تروحن الأشعار=كنتو عن شفاف الحلا صمتو
ولا الأوبرا دولة ثقافي صار=ولا الشّام رح بتكون عاصمتو
***********
ياريت يرجع عزّنا السّوري=و"سلطان باشا" و" قانصو الغوري"
ومن بعد ماتغيّم تشتي رجال=عَ قصر شعب وقصر جمهوري
لولا ماجبلك من بلاد الغال=مشلح صباكي "فارس الخوري"
مالبستي توب إستقلال=ولا ياسمينك عانق الجوري
***********
ومن قبل ماتلبسي البزّي=ياشام قومي بأختك اعتزّي
كترت ما فيها دم صافي انصب="البحر أحمر" صار من غزّي
ياشام غيرك ماسحرني رب=ترابك إلهي وكعبتي "المزّي"
من هيك مابقبل بعد ينغب=كاسي الحلو وكاساتك المزّي
***********
المجد الكرامي العز تاينطال=صوبك طلع درجي ورى درجي
وتَ يشيل من شالك شي وبرة شال=وتَ يمد إيدو ما بيسترجي
لبيرصّع التّاريخ عنّك قال=الصايغ لقضّى العمر جوهرجي
" بالأمس كنتي "مرجة الأبطال "=وليوم صرتي "ساحة المرجي"
***********
قالت الشّام ليوم مدري أمس=مدري قبل أمس التقى فيّي
بدر الليالي لّي بيهمس همس=بحكاية الحبّ الخرافيّي
بوّس البردايّي ولمسها لمس=تا داخ من خمر الشّفافيّي
ولوما ركع حدّي وهداني الشمس=ماصرت عاصمتو الثقافيّي[/poem]
ياشام يامرايات أحلامي=خيّم عَ زهرك نحل إلهامي
ومن كتر ماجوعك إلي مشتاق=صار العسل يدلق من كمامي
ياشام يامرجوحة اللآ فاق=شمسك بتوعى والزمن غامي
بيغفى على حضنك جبل عملاق=لف الأبد عَ جبهتو عمامي
***********
بحبّك ومن يوم لحنيني فاق=بديتي عَ زند العاطفي تنامي
وبقيو إلك قلبي وروحي رفاق=وقطّب حناني جرحك الدامي
بحبّك ولو هالكون فيّي ضاق=وبمشي حفا عَ جمرك الحامي
بحبّك ولو صارو سنيني عتاق=ولو عرّشو بالروح آلامي
***********
حبّك سرق قلبي من الأعماق=وسحرك سرق حبري من قلامي
وأكتر من حرامي النظر سرّاق=لمّا حرامي بيسرق حرامي
شو لذّة الّلهفي بدون عناق=شولذّة الميّي بلا الظامي
وشو الحبّ لوما شفتين رقاق=يدبغ عَ خدّي توتها الشّامي
***********
فلفش بهالغوطة الربيع وراق=إيد تمحي إيد رسّامي
وغروب شمسك قمّر السمّاق=ودمّر الهامي بدمّر الهامي
***********
وصخر معلولا من الأشواق=بيحكو مع التّاريخ آرامي
ويشهق نهر بردى بلقى العشّاق=وبيودّعن في مشهد درامي
وحياة آخر نظرتين غماق=لمنهن سريري ومنهن حرامي
ياشام وحياة الوحي الخلاّق=صار الزمن كرمال عينك خد
وصرتي على خد الزمن شامي
***********
منّي ألك ياشام عيديّي=وردة عشق حمرا نبيديّي
عطرها بالعمر مابيشيخ=أعتق من العملي الرشيديّي
لفتاتها تغازل المرّيخ=وغمزاتها طوابع بريديّي
بورقاتها بيتشمّس التاريخ=عَ مصطبة سوق الحميديّي
***********
ياشام عطرك من عبير الصيف=من الياسمين لعَ المدى تعمشق
جايي الوحي عَ قاسيونك ضيف=استقبليه بقدّك الأمشق
خيوط الشمس عّ الندي ترسم طيف=ملوّن يغازل خصرك الأرشق
والسّيف مابيعرف شو مجد السّيف=" الاّ إزا مابإيدك تدمشق "
***********
قدّيش فيكي تعتّقو الأيّام=وكلس العراقا صار فيكي رخام
وياما نحت تاصارت بساتين=بأرضك أبن " عبد الملك هشام"
ولوعاد عَ دربك " أبن سيرين "=عَ بابك الشرقي بيحني الهام
وكل مانحرج بالفكر "محيي الدين"=بتجاوبي عنّو يابصرى الشّام
***********
ياشام جايبلك شعر شفّاف=قومي اسمعي من وحيك ونَظمي
قبالك جبل حيّك الغيم لحاف=وعَ جريه خلقت تركع العَظمي
روحو سألو "غورو"لحياتو عاف=بيرد عنّو هيكلو العَظمي
وبيقول بعدو بالقبر بيخاف=من "ميسلون "و"يوسف العَظمي"
***********
قدّيش فيكي "عقل" عقلو طار=وبعدها عقولك مخاصمتو
وبالرغم مافيكي سكت " نزار"=عم يسكت النّارنج من صمتو
و"فيروز" لوما تروحن الأشعار=كنتو عن شفاف الحلا صمتو
ولا الأوبرا دولة ثقافي صار=ولا الشّام رح بتكون عاصمتو
***********
ياريت يرجع عزّنا السّوري=و"سلطان باشا" و" قانصو الغوري"
ومن بعد ماتغيّم تشتي رجال=عَ قصر شعب وقصر جمهوري
لولا ماجبلك من بلاد الغال=مشلح صباكي "فارس الخوري"
مالبستي توب إستقلال=ولا ياسمينك عانق الجوري
***********
ومن قبل ماتلبسي البزّي=ياشام قومي بأختك اعتزّي
كترت ما فيها دم صافي انصب="البحر أحمر" صار من غزّي
ياشام غيرك ماسحرني رب=ترابك إلهي وكعبتي "المزّي"
من هيك مابقبل بعد ينغب=كاسي الحلو وكاساتك المزّي
***********
المجد الكرامي العز تاينطال=صوبك طلع درجي ورى درجي
وتَ يشيل من شالك شي وبرة شال=وتَ يمد إيدو ما بيسترجي
لبيرصّع التّاريخ عنّك قال=الصايغ لقضّى العمر جوهرجي
" بالأمس كنتي "مرجة الأبطال "=وليوم صرتي "ساحة المرجي"
***********
قالت الشّام ليوم مدري أمس=مدري قبل أمس التقى فيّي
بدر الليالي لّي بيهمس همس=بحكاية الحبّ الخرافيّي
بوّس البردايّي ولمسها لمس=تا داخ من خمر الشّفافيّي
ولوما ركع حدّي وهداني الشمس=ماصرت عاصمتو الثقافيّي[/poem]
حسّـــــان بســـــطاطي
قاعة المحاضرات ـ المركز الثقافي العربي
دمشق ـ كفر سوسة ـ مقابل مخفر الشرطة
قاعة المحاضرات ـ المركز الثقافي العربي
دمشق ـ كفر سوسة ـ مقابل مخفر الشرطة