السبعلي :
ســبعل عروس مكلّلي بزهورهــا **** وناشـــرا فــــوق الكتــــاف شعورها
وفارشي الطرقـات فــل وياســمين **** ونـــاطرا شــــاكر لحتّـــى يزورهـــا

شــــاكر :
ياما وليفك عَ الهجر عانا وصــبر ***** ودمعات عينو حفرت بخـــــدّو حفر
وحيات عينك ســـبعلك تازورهـــا ***** لوكانت الطرقـــات مفـــــروشي أبر

السبعلي :
متلك وليفك عَ الهجر عانا وصبر **** ومتلك دموعو حفرت بخـــدّو حفـــــر
هالأبر يلّي شــفتها فوق الطـــريق **** (هيدي رموش عيون خمنّتا أبــر؟؟؟ )

[صورة: normal_2%7E1.jpg]

السبعلي :
ياليلة الدايـــم مابعــــرف شوبني **** عا مفـــرق الســنتين عزتني الدّني
وقبال عيني دَور من عمري أنتهى **** والدهـــر بالسّرقة أخـد منّي سني

شـــــاكر :
بتبكي على الأيّام يا شاعر ضني **** وسحنتك من غير داعي مسودني
مالو بدايي ولا نهايي هالزمـــــان **** ولا روزنــــاما تقيّدت فيهـــا الدني

____________________________ عيون الوادي 1947 ـــــــــــــــــــــــــ

بخــط أيـــدو
[صورة: as3ad-al-sab3ly.jpg]

شــو قولك يا بيت بــــيّ *** بعـدك بتحــن علـــيّ
القرني لفيها شفت الــنور*** لفيهــا بغمّض عينــيّ
***
القرنـي لفيها شفت النـور*** قلبـــي بمدبحها بخّور
ولو دشّر عشّو العصفور*** مــا بـتمـوت الحــنيي
***
رزق الـله لم كنّا صـغـار*** نعقـد حلقة حول النار
ونبـكي ع جـدّي الختيـار*** تـا يخـبرنا خبـريـّــي
***
الـلـه يرحــــــم ديــــاتــو*** شو كـان طيّب بحياتو
بــذكــر مــن خــبرياتـــو***عـا عنـزة الـعنـوزيــة
***
بيت بيّ قنـاطر وعــيون *** بحبّو شو ما كان يكون
وحــد الكانـون بكــانـون*** يا عـيني عـالشتـويـــّي

شاكر سليمان ــــــ مجلة السلوى 1942ـــــ

[صورة: 1%7E1.jpg]

بخــط أيــدو
لعيون الوادي حنيت ...... وطلتكون اسعد شاكر
دخلك بوسلي هل بيت ...... الربّى بفياتو شاكر
****

شاكر يسلمي ربو ...... عصافير بجنحو تربو
شاكر ع قلبي غالي ...... ومزروع بقلبي حبو
4/4/1998 - اسعد السبعلي

اعداد حسان بسطاطي

تسجيل الدخول
اسم العضو:
كلمة المرور:	نسيت كلمة المرور؟
	تذكرني

منتديات مشتاوي

روابط سريعة

تابعنا