الزجل والشعر المحكي في بلاد الشام ( دراسه في عروضه وأوزانه )

[عصام يوسف]

1 / 2 / 3 /4 / 5 / 6 / 7 / 8 / 9 / 10 / 11/12
وَلْ / لَ ل ْ / لِ /مِتْ / لَ كْ / بِ زْ / زَ / جَلْ / بِ يْ / حَ يْ / يِِ / رُوْ
مستفعلن مستفعلن مستفعلن

1 / 2 / 3 /4 / 5 / 6 / 7 / 8 / 9 / 10/ 11/ 12
حَيْ /ثَ كْ / اِ / نِتْ / بَيْ / دَقْ / عَ /شِطْ / رَنْ / جِ زْ / زَ / جَلْ
مستفعلن مستفعلن مستفعلن

1 / 2 / 3 / 4 / 5 / 6 / 7 / 8 / 9 / 10/ 11 / 12
مِشْ / شَطْ /رَ / نِجْ / هَيْ / دِيْ / رِ /مَ اْ / لِمْ / حَرْ / رَ /كِ يْ
مستفعلن مستفعلن مستفعلن

1 / 2 / 3 / 4 / 5 / 6 / 7 / 8 / 9 / 10 / 11 / 12
بِ لْ / اَسْ / وَ /دِبْ / يِسْ / وَدْ / دِ / وِجْ / جِقْ / صَ اْ / يِ / دَكْ
مستفعلن مستفعلن مستفعلن

عصاممعمحبّتي

[شفيق]

و الله اللي متلك بالزجل بيحيّروا
---------------------------------------------
حيثك إنت بيدق عا شطرنج الزجل
--------------------------------------------
مش شَطرنِج هيدي رمال محركي
-------------------------------------------
بالأســــــــود بيســــــوَد وج قصايدك


بعتقد الأخ بيدق قرا والله
وللاه .بدال ...ولّا
وعا شطرنج الزجل بدال عَ شطرنج الزجل

وشطرنِج في حركة عالنون

بالأسود بيسودّ وجّ قصايدك

بعتقد الأبيات مو مكسورين ..ولا غبار عليهم

مع احترامي لبيدق وعصام والجميع

[بيدق]

الأحباء عصام وشفيق وسليمان
خالص محبتي لكم وللجميع

بالنسبه للأبيات رح لون المقاطع التي لا خلاف عليها باللون الأزرق والمقاطع التي فيها الخطأ باللون الأحمر مع الشرح لكل بيت على حده

=======================================
و الله اللي متلك بالزجل بيحيّروا
هون الخطأ بالمقطع الأول




وَلْ / لَ ل ْ / لِ /مِتْ .... لَ كْ / بِ زْ / زَ / جَلْ / بِ يْ / حَ يْ / يِِ / رُوْ
ـــ / ـــ / ب / ـــ ............ـــ / ـــ / ب / ـــ .............ـــ / ـــ / ب / ـــ
مُسْ /تـَفْ / ع ِ / لـُنْ -- مُسْ /تـَفْ / ع ِ / لـُنْ -- مُسْ / تـَفْ / ع ِ / لـُنْ

لفظ الجلالة الله ، تكتب عروضيا هكذا : اللاه متل ما قال الأخ شفيق وتقطيع كالتالي :
وَلْ.....لا......هِـلْ ... لِــي ....مِـتْ
ـــ .... ـــ ..... ـــ .... ــــ ...... ــــ

والمقطع الثالث بتكون من حرفين والأصل يكون حرف واحد متحرك

لاحظ كمان صار طول المقطع خمس حركات بدل أربعه

وبعدين أخي عصام أنت أثتاء كتابتك البيت بالطريقه العروضيه حذفت الياء في ( اللي مِـتلك )
مع العلم إنو الحرف إلي بعدها متحرك ( الميم مشكوله بالكسره ) وهالحكي خطأ

والصحيح :تحذف الألف والواو والياء الساكنتين من أواخر الأسماء والأفعال والحروف إذا كان الحرف الذي بعدها ساكن

==============================================
حيثك إنت بيدق عا شطرنج الزجل


حَيْ /ثَ كْ / اِ / نِتْ ...... بَيْ / دَقْ / عَ /. شِط ْ ..... رَنْ / ج ِ زْ / زَ / جَلْ
ـــ / ـــ / ب / ـــ ................ـــ / ـــ / ب ./ ـــ ...............ـــ / ـــ / ب / ـــ
مُسْ /تـَفْ / ع ِ / لـُنْ -- مُسْ /تـَفْ / ع ِ / لـُنْ -- مُسْ / تـَفْ / ع ِ / لـُنْ

هون الخلاف على تشكيل كلمة شـَطـَرَنـْج أنت كتبتها شِطــْرَ نـْـج ِ بتسكين النون و الطاء .... وكسر الجيم
الأصل تحريك الطاء بالفتحه .........مع جواز تحريك الجيم أو تسكينها حسب حركة الحرف إلي بعدها

هاللفظه غير مستساغه ولا بأي لهجه

( تسكين المتحرك وتحريك الساكن ) .في الزجل .... جوازه مقيده بـ ِ ( بقبول الحرف لحالتي التحريك والتسكين بحيث لا يكون هناك شذوذ في اللفظ )




==============================================
وهون كمان الخلاف على تشكيل كلمة شـَطـَرَنـْج أنت كتبتها شِطــْرَ نــِجْ بتسكين الطاء ... وكسر النون ..... وتسكين الجيم
وبتختلف بالتشكيل حتى عن البيت السابق
الأصل تحريك الطاء بالفتحه وتسكين النون ...... مع جواز تحريك الجيم أو تسكينها حسب حركة الحرف إلي بعدها

وكمان هاللفظه غير مستساغه ولا بأي لهجه



مِشْ / شَطْ /رَ / نِجْ ... هَيْ / دِيْ / رِ /مَ اْ .... لِمْ / حَرْ / رَ /كِ يْ
ـــ / ـــ / ب / ـــ ........ـــ / ـــ / ب / ـــ ..........ـــ / ـــ / ب / ـــ
مُسْ /تـَفْ / ع ِ / لـُنْ [/color[color=#0000FF]]-- مُسْ /تـَفْ / ع ِ / لـُنْ -- مُسْ / تـَفْ / ع ِ / لـُنْ

( تسكين المتحرك وتحريك الساكن ) .في الزجل .... جوازه مقيده بـ ِ ( بقبول الحرف لحالتي التحريك والتسكين بحيث لا يكون هناك شذوذ في اللفظ )



=============================================
بالأســــــــود بيســــــوَد وج قصايدك

هالبيت صحيح كات اللبس عندي في كلمة (بيســــــوَد ) قرأتها (بيسوِّ د ) بتشديد الواو ... وبترجاك أخي عصام تقبل إعتذاري

بِ لْ / اَسْ / وَ /دِبْ / يِسْ / وَدْ / دِ / وِجْ / جِقْ / صَ اْ / يِ / دَكْ
ـــ / ـــ / ب / ـــ ........ـــ / ـــ / ب / ـــ ..........ـــ / ـــ / ب / ـــ
مُسْ /تـَفْ / ع ِ / لـُنْ -- مُسْ /تـَفْ / ع ِ / لـُنْ -- مُسْ / تـَفْ / ع ِ / لـُنْ
=========================================
شكراً لسعة صدرك أخي عصام ..... بأتتضار ردك =====================================

[slayman]

والله اللي متلك بالزجل بيحّيرو
والله مش مكسور

وتقطيعو 12
ولا غبار عليه
وكلمة والله الهاء لا تلفظ
تلفظ واللا
وبيت حلو
وبرجع بقول المعنى اذا لا يرد جيدا فهو مكسور وهذا البيت يرد مع الرداد
والا لماذا يلحن المعنى مع الشعراء اوقات يلحن الشاعر بيته هذا دليل على صحة كلامي
ونحا بنقلو بالعامي للزحافات درجة
من أربعين نهار يا شحرور النحيب
هذا مسموح ولكن عرضيا مش قاعدة ويسمى درجي ويستعمل بالرثاء اكثر الأوقات
وطبعا انا بحترم كل الدراسات
تحياتي للأخ بيدق وبعرف انو بيعتمد عا الكتب والمرجعيات بس بتمنى على الكل يعتمدو عا السمع بالزجل اذا الأذن لا تحتمل فهنك خلل ما
وشكرا

[بيدق]

أخي سليمان
الشاعر نـحَّـات ....... وعصام ...... بيتقش بأزميل من ذهب ..... تماثيل من إحساس ....

لا تفكر أنو انا بقدح بشاعريتو ( والله أنا من أشد معجبيه .... وكل يوم بستفيد منو شي جديد ..... )

وبسبب حبي إلو ...... واجب علي كون صادق معو ..... أنا ما بجامل حدن بالدنيا ..... وخصوصي إلي بحبهن .....
أنا أعطيت رأيي إلي أنا مقتنع فيّو ... وهالرأي مدقق من ثلث أشخاص غيري من المستبحرين بعلوم العروض والشعر المحكي .
===================================================

الأبيات المختلفين عليها .... بالأصل هيي جزء من محاوره إرتجالي بيني وبين عصام على هالموقع ...... وممكن مع سرعة الرد ما إنتبه لهل أخطاء
==================================================

والشاعر لما يتعرض للنقد مو معناتو الحكم عليه بالفشل ..... أعظم شعراء التارخ البشري إنتقِــدو ..... وهالحكي ما عاب عليهن شي .... ضلو قدوه أنا ولغيرتا

==============================================
بالنسبه للزجل والفصيح ..... هني توأم .... وروح وحده .... حلك تقتنع بهالحكي ......... مالنا أبو شربل
جبتلي القولون العصبي
=============================================

[slayman]

الفلاح هوي بالزجل مصدر وحي...وشعر الفصيح القاعدة بتقيّدو
ورأيي صحيح وفيه مش رح أستحي......وبيت البي زحّافات صعبي نرددو


ما كان قصدي الا خير بس ليش نبرم عا القادوميي
بالشعر ما زال نحنا بعصر الأتوسترادات هيدا كل قصدي بالعربي لمشبرح
ومش عم قلك انت غلط وصدقني بحبك اكتر من غيرك
وكل انسان بيدافع عن وجهة نظرو وتحياتي لألك

[عصام يوسف]

يا خيّ بيدق .. كلمة اللّه بسوريا و لبنان بتنلفظ متل ما قطّعتا أنا ..و كمان متل ما قطّعتا إنت ..و لمّا حطّيتها بالشكل الوارد بالشطر تبعي , ما فيك تقلّي لازم تلفظها بالشكل التاني و متل ما قطّعتها إنت .. لأّنو الوزن إيقاع و الإيقاع موسيقا و الموسيقا سمع و متل ما بتسمع بتحط التقطيع الموسيقي للوزن .. فإذا كانت كلمة و الله عم إلفظها وَلْ لَ اْ ما فيك تقلّي بالتقطيع لازم تعملها .. وَلْ لا هِ .

و كمان كلمة شطرنج .. كلمة أعجمية و ما فيك تضبط تحريك هيك كلمات و خصوصي بالعاميّه
اليوم بالأخبار مثلا .. وردبمحطة الجزيره الفضائية كلمة فلوريدا .. اللي ممكن تنقال فلوردا .. و كمان غيرا كتير .. إذا هيك بالفصحى المضبوطه بألوف القواعد من النحو و الصرف .. فكيف باللغه العاميّه .. اللي ما في قواعد ضابطه إلها و بتختلف من منطقه للتانيه ..
و لهالسبب أنا شكّلت كلمة شطرنج وقت كتبتها بالحوار بيني و بينك

و كلمة (اللي ) كتبتها هيك لأنّو معروف .. بتتقطّع سماعي لْ لِ

بالفصحى بتقول: اللي ما بتلفظوا .. يحذف و ما بيدخل بالوزن .. ليش ما بتطّبق هالشي عاللغه العاميّه و بتقطّع متل ما بتلفظ ..

من شان هيك نقطة الخلاف بيني و بينك : إنت بتقول التقطيع بالفصحى متل العاميه و أنا ما بوافق هالكلام .. و هالخلاف حول الأبيات بيّن هالشي ..
الإيقاع الموسيقي بالتنين نفس الشي .. بس الكتابه العروضيه بتختلف

أنا بحكي لغة عاميّه .. بلفظ فيها كلمة معيّنه بطريقه معيّنه .. ما فيك تطبّق عليها قواعد لغة تانيه و تلفظها بطريقه تانيه .. حتّى لو كانت هاللغتين من جذر واحد ..
بالفصحى بتقول اثني عشر.. و بالعاميّه بتقول تنعش .. كيف بالتقطيع بتلفظ تنعش متل اثني عشر .. بعتقد ما بتظبط .. و هيك كلمة اللاّ ما فيك تلفظها متل اللّه بالفصحى .. حتّى لو كُتبت متلها عا سبيل الصدفه و إذا شايفا إنت غلط رح إكتبها من يوم و رايح اللاّ ..حتّى ما تخربط بينها و بين كلمة اللّه باللغه الفصحى .. بس نحنا منكتبها هيك لأنّو الناس متعوّدي تقراها هيك ..
و ما في قواعد للنحو و الصرف باللغه العاميّه إلاّ ما هو دارج و سماعي ...
برجع بقلّك .. الوزن بالفصحى و بالعاميّه نفسو لأنّو الوزن موسيقا و الموسيقا هيّ مشتركة بين الشعوب بينما التقطيع العروصي بيختلف لأنّو كل لغه إلها قواعدها بالنحو و الصرف

هاي وجهة نظري و وجهة نظر معظم شعراء الزجل بسوريا و لبنان على أقل تقدير .. و أنا بحترم وجهة نظرك

و شكرا إلك عالجهد اللي عم تبذلو بهالمنتدى و يعطيك العافي

عصاممعمحبّتي

[بيدق]

أخواي الحبيبين عصام وسليمان

الخلاف لا يفسد للود قضيه ....
نحنا إخوان .... وهدفنا واحد ..... الحفاظ على هذا التراث العريق من الضياع والأندثار والتشويه

أنا ممنون سعة صدركن ..... وبحترم وجهات نظركم ...... لا زلت مختلف معكم .... ما فيي خون قناعاتي
ما في عندي شي ضيفو زياده بهالموضوع ..... وجهة نظري إستكملتها .... بتمنى إنها تكون وصلت
بعتذر من الجميع إن أسئت أو تعديت من حيث لا أعلم

ما رح قول
كلامي صواب لا يحتمل الخطْأ ... وكلام غيري خطأ لا يحتمل الصواب

لكن


كلامي صواب يحتمل الخطْأ ... وكلام غيري خطأ يحتمل الصواب
دمتم لي أخوة ً وسنداً

أخوكم بيدق

[slayman]

أياك تزعل هيك طبع الناس
ولو كان كل الحق عا العاطي
وتا تكون شاعر مذوق وحسّاس
تقبّل الرأي الأخر و بتشوف
موقع زجلنا شو دمقراطي

سلام وتحيية مودة

[عدنان]

بيدق...محشور ...بمربع !!! ...

moke:

.عم بيدق ... ياريتك قلت مرحبا ولا ّ سلام عليكم ..ولا ّ بخاطركون ...

حشرت حالك وحشرت الزجل بفن البيدقة ...و بمربع واحد ...ويمكن ب مو أكتر من مربعين ...

يعطيك العوافي....

عدنان...

[بيدق]

بالله شو ..................... وضح أكتر
ما فهمت عليك

[عدنان]

بالله شو ..................... وضح أكتر
ما فهمت عليك

_____________________________________



ولله واللا ، مستفعلن فاعلن والإيقاع واحد ونفس الوحدة التلاويّة..يللي زجلا أول ( زاجل) ، بس ما تقلي : خطأ والصواب أن تقول( زجّـــال) فالزاجل هو حمام المراسلة...والزجّال هو مَن يقول الزجل...والمعذرة منك إذا ما ستوعبنا أثقالك ... وهادا مجرد رأي...

و كـــــــــــــــــش .... مــــــــــــــــلك !!! ...

عدنان