لأكبر راس بمشتاوي

[أمين القضماني]

[size=5][SIZE="6"]

[COLOR="Green"]شاعر بغرّق كل مشــــتاوي فكـر
--------------------------------------- وما اعتدت انّي يوم اسبح بالعكـر
لكن المرة جاي بين شرّ وجــــكـر
--------------------------------------- فجر تحدي ضد مين أسمي نـــكر
تا تعرفو عا مليح مين هوّي أمين
--------------------------------------- ويصير أسمي بكل ملقى ينذكـــر[/COLOR]

[/size][/size]

[عصام يوسف]

يا أمين شــــو قصّتك .. مالك ؟ حَزين !! *** و هاجم عَ مشتاوي متل "مالك حزين"
شو همّني لو كنت "مأمون " و " أمين " *** لا أنت مأمون و لا تفكــــيرك أمين
و لا أنـت" أوباما " و لا حتّى " ماكين " *** تا إســـــــمك يعلّق بذاكرة السنين
و حتّـى إذا علـّق بمشـــــــتاوي .. بـِكون *** علـّق متل غـَبره بعقد الياســــــمين

[أمين القضماني]

هلا

[SIZE="6"][COLOR="SeaGreen"][COLOR="SeaGreen"][COLOR="Green"]رح قول أسمي كـــيف متل البرق فات
----------------------- أنهل ندهنا وجيـــت تا لمّ الشـــــــــتات
وجايي تأضرب عاصفة برمل الحفات
----------------------- وأمشي وسيب الخــــوف بالدنيا سكات
بالألف جــــــــيت بروح نقم الآلـــهات
----------------------- والميم يلّي وقف ضدّي اعــــــتبر مات
والياء بالياسْــــــــــمين نفحة للحــــــياة
----------------------- وبالنّون نوري مشعشع الأربع جــهات
علّقت اسمي بعقد عـصدور الــــــبنات
----------------------- وما شفــــــت انّو رمز قرآني وتورات
وغبرة اســــــــــتبدلها بــعبرة للوجـود
----------------------- ما دام أســــمي بــــــتذكرو كلّ اللغات[/COLOR][/COLOR][/COLOR]

[/size]

[عصام يوسف]

اللي متلك بْفرد الورق بيخـــرطشوا *** إلاّ بـِجيش من الوهــــم مَ بيبطشوا
و إسمك إذا حرف و حرف بـِتقطّشو *** بيجوز سَمّك عَ السطور يطرطشوا
يا ريتن كفوفي بْحــروفك لطـّشوا *** و لا إســـمك بكل اللغـات يلطـّشوا
بلكي إذا بْتغطس بمحــــــبرة الحلا *** حروفك مَ كانوا للجـمال بْيعطشوا

[شادي75]

ياعيوني عليك...ياعصام..

---------------------------------------


يلا يا أمين...

[أمين القضماني]

[SIZE="6"][COLOR="SeaGreen"][COLOR="Green"]يا مجرم الّي بدم مصــــــــــبوغة أيديـك
----------------------- لنّي طري تا أشفق ولا أنــــــــــــت بـيك
وديت اسمي بامتحان الـــــــــــشعر ليـك
----------------------- عاود يقلّي الأســـــم كلّو كــــــــتير هيـك
ولمّا اصــفرار الخوف صار باين عليـك
----------------------- وعم تشحد الرحـــــمة من كفوفي عيـنيك
قّسّمت أسمي لأحرف خصوصي وبعثت
----------------------- الهمزة الّـــــي فوق الألف تتخلّص عليك[/COLOR] [/COLOR]

[/size]

[عصام يوسف]

حتّى تكـــــــــرر منطـــــقك يا بَـبّغه *** و تحارب بْسيفك بـِســـــــــــاحات الوغى
إبرم على الهمزه و على حروف اللغه *** و إضحــــك على عقول البشر و الأدمغه
بْحيث الملل عا شـعرك الناشف طغى *** متل النواة لْ مِن الطــــــــــــــاقه مفرغه
كلما فتحنا المنتدى عَ قصــــــــايدك *** بيطلع على الشاشه "البحث فيها التغى"

[أمين القضماني]

[SIZE="6"][COLOR="Green"]

قبالي عصام وقاف ممنوع الجلـــــــــوس
----------------------- احسن ما لحمك عا نــيران الخوف حوس
شعر الزجل مرهون مع صـــــغر النفوس
----------------------- مش شخص عايش من قبل دين المجوس
ذرة وعلى تفريـــــــــغها فجّـــــرت روس
----------------------- وقديش أنت بعيد عن منطــــــــق الروس
نْ هتّيت بالتكرار يا وجـــــــــــه العبوس
----------------------- التكرار مبدأ ثابت لحـــــــــــــفظ الدروس
ولا كون عندي لسان حــــدّو بألف موس
----------------------- ومتل شهر شباط يا مْزاجي الطـــــــقوس
بطـــــــــــــــلع بأول يوم مع اهل العريس
----------------------- وتــــــاني نهار بفـــوت مع أهل العروس

[/COLOR][/size]

[عصام يوسف]

لمّا ببـــــرواز ..العــقل بتــــحدّدو *** ما عاد فيــــــك تدهّبو ... بتحدّدو
في ناس بالتكـــــرار وقتن بدّدوا *** و في ناس بالإبــداع فكرن جدّدوا
و في ناس بعد القدس مكّه هدّدوا *** و في ناس عم يستنكروا و يندّدوا
و إنت متلن ضل واقف مطــــرحك *** إرفع شــعار" القدس إلنا "و ردّدو

[أمين القضماني]

[SIZE="6"][COLOR="Green"]المحـــتل رح اثــــبت عندفة شاربو
----------------------- مهما بجســـمي يغــــز سم عْقاربو
قبلن اجا بو الترك شـــك مخــــالبو
----------------------- اربع قرون وفـــــــــل كاسر حاجبو
وعا شعب صرلو بالفدى لا تعـــتبو
----------------------- ستين عام وبعد صــــــامد قاربــــو
وأكــــتر من المـــحتل يـلـّــي عذّبو
----------------------- ضعف الثــبات بشعبـــــنا عم ينكبو
وصهيون متل الترك بدّي احـــسبو
----------------------- من القدس قرب وقت جيشو يسحبو
وهي وعد قاطع عالثبات البــقربو
----------------------- بصْمود شعبي القدس يرجع صاحبو
بالكون ما بمـــوت للأنـــــسان حق
----------------------- ظلّو ورى المديون يسعى مْطـــالبو[/COLOR][/SIZE]

[عصام يوسف]

أهل الكهف ناموا و طلع نومن تقيل *** و كل الدني ســبقتهن بْألفين جيل
و إنــــــت متلن عيش بالوهم الجميل *** و مط أحـــلامك على حبال الغسيل
شو قيمة النطـــره عَ باب المستحيل *** نْ ما كان فيك تهد حصن الباستيل
لكـــــن مَ شَ الله إنت ماَ بتفرق معك *** طالع متل كل العــــرب بالك طويل

[هادي]

أهل الكهف ناموا و طلع نومن تقيل *** و كل الدني ســبقتهن بْألفين جيل
و إنــــــت متلن عيش بالوهم الجميل *** و مط أحـــلامك على حبال الغسيل
شو قيمة النطـــره عَ باب المستحيل *** نْ ما كان فيك تهد حصن الباستيل
لكـــــن مَ شَ الله إنت ماَ بتفرق معك *** طالع متل كل العــــرب بالك طويل

بْتـَعرفو ؟؟
متل لْ كإنـّي بَعرفو !
متل لْ كإنّي بَعرفو .. و ما بَعرفو !!
يمكن صبي بالمدرسه ..
دشّر خيالو عالورق تَ يْنـَشـّفو
يمكن شي راعي بالجرد
متعلّم هبوب الهوى .. و عم يعزفو
يمكن شي زر بْنفسجي
خايف تجي بنت الربيع .. تقطـّفو
يمكن .. عْذرني ..بالغلط عم شبّهو
معقول يا شاعر إنت ما بتعرفو؟؟!!
هيدا الوطن يلـّي جروحْ .. بْتـِنزفو
هيدا الوطن يلـّي ربيعْ .. بتقطفو
يلـّي وقفت إنت بوجه كل الدني
حتّى الدني ما تـْوقّفو ....
يا صاحبي ..
لْ بيضيّع الصبح بقلب عتم الشتي
هوّي و نهر عمرو عطر مَيْطوّفو...
...
لا تسألو بالليل عن وجّ القمر
....
ما بيعرفو....
!!!!!!!!!!!!!!

يسلم تمك يا عصام .................... كيف ما رميت سهمك يصيب

[أمين القضماني]

[SIZE="6"][COLOR="Green"]يلّي علـــــيك الصــــــبر نـــبعو ما ورد
----------------------- توعّى لْ قـــصر أعمار زخّات الـــــبرد
نْ عا طول بالي قصـــــر تفكـيرك شرد
----------------------- خدلــــك مـثال يبلـــــكمك مـــــتل الزرد
لمّا الأرض تــــــــثور وتعـــــبّي الجرد
----------------------- بْبركان متل الجـــــمر من تربــة انطرد
شوف الهشاشة بصخر جمّد عالـسريع
----------------------- وشوف الصلابة بصخر عا مــهلو برد[/COLOR]

[/size]

[the jackal]

يا الله قديش الي ما قريت زجل

تابعوا شعركم كتير حلو

[بشرى]

الله الله الله الله الله
شي بيجننننننننننننننننننننننننننننننننن
الله محييكون
والله الي فترا ماقريت تحدي قوي متل هالتحدي
يسلم تمكن

تابعوووووووووووووووووووووووووووووووووووووووووو
يا احلى شعار