المشاركات: 731
المواضيع: 92
تاريخ الانضمام: Jun 2005
السمعة:
0
الأخ الكريم أبو الوفا المحترم ...
الأخ الكريم علي عامر المحترم ...
سألت عن موضوع التحدي وكتبت تعليقك في نهايته والمشرف الأساسي الشاعر عصام وجد القصيدة دون المستوى وحذفها وهذا يعود لتقديراته وخبرته , أما بشأن حذف الموضوع الرئيسي الذي تم من قبلي أنا فأقول لك بأني فعلاً أشجع المواهب الشابة والجديدة ولا أطلب شعراء ينافسون موسى زغيب أو زغلول الدامور وكذلك أنا واثق من أنه سيكون في شعرهم أخطاء في الوزن وأحياناً في القوافي . ولكن ما حصل بينك وبين الأخ علي عامر هو التلفظ بكلمات غير لائقة وسارعتُ أنا إلى تنبيهكم عن ذلك ولكنك كتبت ردك إلى علي عامر مع التلفظ ببعض الكلمات الغير مناسبة أو غير لائقة , لذلك سارعت أنا إلى حذف الموضوع
لأنني لا أقبل بأن يُكتب على صفحات مشتاوي الذي أعتبره بيتي الثاني أيَّ لفظ غير لائق .
لذلك اعذرني يا سيد أبو الوفا ويا سيد علي عامر .
بكل الحب
أنهل دبس
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
المشاركات: 137
المواضيع: 11
تاريخ الانضمام: Jun 2008
السمعة:
0
إذا القصيدة دون المستوى.....عيب نكتب مع أهل الـهوى
ون كنــّي مخـــربط بالكـلام.....حدّني البلي وشعري سـوى
أنا للناس عندي احــــــترام.....ما بدّعي ومبحب الــغــوى
آسف قلـّك ي ســـيـّد عصام.....عملي الأخير ظــلم انطوى
أنا بعطـيك بالســبـب أرقـام....وظاهر المشكلة والمحـتـوى
انهــل خلـّــيك صاحب مقام.....اسم الحــق بالحـق اسـتوي
موطالب منـّك بالزجل وسام....ولا شهادة براءة ولا أختام
هات شعّارالمنتدى والأعـلام....يحكموا ع شعري إذ التوى
اولا اصدقائي الاعزاء
بتمنى تتركوا هالرد ما تشطبوه
لانو من حقي دافع عن نفسي
والشاعر الشجاع برد بنفس الطريقة
انا ضيف وما رح طول عندكن بس مبحب روح وحدى مني زعلان
انتوا اصدقاء حلوين وحقوق الصداقة محفوظة
حتى الاخ علي عامر بيبقى صديق ولا بزعل منو وبتمنى اعرفو عن قريب
مع حبي ابو الوفا
المشاركات: 293
المواضيع: 27
تاريخ الانضمام: May 2007
السمعة:
0
االأخ الشاعر المحترم أنهل دبس
انا تقبلت رسالتك برحابة صدر وممنونك كتير
والحقيقه ما كنت حابب التحدّي يوصل لهـ الكلمات القاسيه
وابو الوفا بيضل صديق
وان شاء الله من ناحيتي رح ساهم بموضوع تحدّي نقي بعيد عن التجريح
لكم ودّي وتقديري
المشاركات: 137
المواضيع: 11
تاريخ الانضمام: Jun 2008
السمعة:
0
هيدا موقع مشـــتاوي......متل القنديل الضّــاوي
ع بوابو مزروع الغار......عم يحكي عنـّوالرّاوي
يا محلا ملفى الشعّــار......العم يتغـنــّوا بالأزهار
رح يبقى عمران الدار......عنــّا الكاتب والهاوي
عنّا الأعضاء الحلوين......عالمحبـــــّة مجتمعين
دار التســـامح والدّين......للمسلم والعــــيسـاوي
دار بيعمر بصـــحابـو......ياللي رفعوا أعــــتابــو
أيامي معكن طــــابوا......زعلان شـوي و نــاوي
ناوي اترك جوقـتـكن......وما رح انسى محبتـكن
صفحة بيضا سيرتكن......يا أهالي مشــــــتــاوي
إذا كنتوا ارتحـــتولي......اتصلوا فيني وقولولـي
إذا الرّدة مقــــــبولـي.....شو بدكن منــّي بساوي
تحية حب وتقدير لأصدقاء
الأخ الغالي انهل وللشاعرعصام وللأخ علي عامر
وردت كلمة (عيساوي) محبتا اقصد اخواني المسيحين نسبة لسيدنا
المسيح علينا من ذكره السجود والرحمة
مع حبي ابو الوفا
المشاركات: 731
المواضيع: 92
تاريخ الانضمام: Jun 2005
السمعة:
0
تحية حب وتقدير وشكر ...
السهروردي, post: 38502 كتب:هيدا موقع مشـــتاوي......متل القنديل الضّــاوي
ع بوابو مزروع الغار......عم يحكي عنـّوالرّاوي
يا محلا ملفى الشعّــار......العم يتغـنــّوا بالأزهار
رح يبقى عمران الدار......عنــّا الكاتب والهاوي
عنّا الأعضاء الحلوين......عالمحبـــــّة مجتمعين
دار التســـامح والدّين......للمسلم والعــــيسـاوي
دار بيعمر بصـــحابـو......ياللي رفعوا أعــــتابــو
أيامي معكن طــــابوا......زعلان شـوي و نــاوي
ناوي اترك جوقـتـكن......وما رح انسى محبتـكن
صفحة بيضا سيرتكن......يا أهالي مشــــــتــاوي
إذا كنتوا ارتحـــتولي......اتصلوا فيني وقولولـي
إذا الرّدة مقــــــبولـي.....شو بدكن منــّي بساوي
تحية حب وتقدير لأصدقاء
الأخ الغالي انهل وللشاعرعصام وللأخ علي عامر
وردت كلمة (عيساوي) محبتا اقصد اخواني المسيحين نسبة لسيدنا
المسيح علينا من ذكره السجود والرحمة
مع حبي ابو الوفا
الأخ العزيز أبو الوفا ...
شكراً لمشاعرك ومحبتك للمنتدى ولأعضاء المنتدى ...
نريدك معنا وبيننا أخاً وصديقاً على المدى ...
بكل الحب
أنهل دبس
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
