التعليقات على حوار الشاعرين ( سليمان وحسن ) ...

[انهل دبس]

الأخوة الشعراء والنقاد الكرام ...

أرجو من كل من يرغب بكتابة نقد أو تعليق على محاورة الشاعرين سليمان وحسن بنوت
أن يكتبه هنا على هذه الصفحة ويترك صفحة الحوار للشعراء وشكراً للجميع .

بكل الحب
أنهل دبس

[زياد]

واليوم مش رح طوّل المشـوار = وتـا الكبـر بينلـك براهيـنـو
رح قـول للمتلـك ولاد زغـار = جسمي احرقوه كرامة المشتـى
عا شرط ترجعلو محبينو
*****

سلامة روحك
هذا و الله هو الكبر بعينه !!
جميل ما قرأنا لكما أيها الشاعرين .

[انهل دبس]

سلامة روحك
هذا و الله هو الكبر بعينه !!
جميل ما قرأنا لكما أيها الشاعرين .

الشاعر العذب الجميل زياد ...

شكراً لمشاركتك ...
شكراً لمتابعتك ما يكتب في مشتاوي بيتك الثاني ...
شكراً من القلب ...

بكل الحب
أنهل دبس

[انهل دبس]

إلى الشعراء سليمان وحسن الغوالي ...

بَينْ الكِـبـِرْ والزِّغِـرْ جادوا وأبْـدَعــوا
حتى ما خَـلـُّوا بْها الدِّني شي مَضعـو
رَفعـوا الزغـير ... وكَـبَّروه بْمَقـْلـَعـو
تا حَسَّـسونا , الونِشْ عاجـِزْ يرفـَعـو
أمّا الكْبير ... لْ فـَجَّـرولوا مَـنْـبَعــــو
طوفان صَفـَّى .. وما مْـنِقـْدُر نِردَعـو
أو مِتِـل ماردْ ... آخْـرو ما مْـنِقـْشَعـو
وشو ما ردِتْ مِنُّـو بْدَقـيقة بيجْـمَعــو
سليمان , بـِرْهَانُو قـَوي وما أرْوَعُـو
أعْطى الزِّغِـرْ قِـيمِة وكِبـِرْ تا شَـبَّعـو
وبَنّوت أعطى الكِبـِرْ حَقـّو ومَوضَعو
بأفكار حِلوة ووَحي شِـعْـرو طاوَعـو
بَنّـوت وسليمان ضَـوُّو وشَـعْـشَعُـوا
ومِن فـَرحْتي , يمكن عْـيوني دَمَّعـو
يالله يا شِـعـَّار المعَـنَّى ... تْطـَلـَّعــوا
وشوفوا سليمان وعاشِعْرو تْسَمَّعوا
وشوفوا حسن بَنّوت ... حِبُّو دافِعـو
تا يعود عا الكَرم .. لْ بإيدو زارعـو
يا طيورنا اللي هاجَـرونا , تْجَمَّعـوا
ولِمُّو بَعِـضْكُـنْ رَفْ واحِدْ وارْجَعـوا