نوم الهنا

[أمين القضماني]

[size=5][size=4][SIZE="7"]

[COLOR="SeaGreen"]نـــــوم الهـــنا

درويش لكن أنت مــــــش درويش
يلّي عجنح المعرفة فـــرّخت ريش

راية نكنت محسوب عالــــــرّايات
بتكون راية ســـــــحر وتــــُناقيش

ونكنــــــــت دمعة عين ما الدمعات
بتنزل تتمــــــحي من النظر تغبيش

ونكنت قائد عــــزّ بالســــــــّاحات
بتكون ريّـــــــــس انت أو شاويش

وتتعيش وردات الأمل بالـــــــذّات
عوراقـها عم تنزل طُـــــــراطيـش

ويلّــــــــــي وفيت العهد للأبــــيات
أنت الوفــــى وغيرك أنت ما فيـش

********

شـــــــــو بقول عنّك للملا حكايات
الهموم فيك معـــــــرّشــــي تعريش

ياما عدربك سكــــــــــّرت طرقات
وعلقت الكلـــــــــمة بمعبر التفتيش

كوكب النّور بقيـــــــــــت للكلمات
رغم القهر والـــــــــــذّل والتهميش

ظلّيت شعرك تسكب بكــــــــاسات
والناس تاكل شعرك مناقــــــــــيش

******
وتتشوف للأقــدار وشُ السخريـات
ما بيـــــن وشُ الفقر والـــــترييـش

تجّــــــــار ضاعو بزحمة الّلـيرات
وشعّار قضّــــــو العمر عالبقشيش

وبقلب صافي كيف فارقت الحـــياة
وفي ناس من دون قلب عم بتعـيش

وما زال بوم النحس عـــــندك بات
لاتخاف مهما غُفيـــــت يا درويش

ما عرفت عمري باسم شاعر مات
الشّاعر عموتو نمر ميّــــــــة قرن
بقصايـــــــــدو بين البشر بعــــيش

******

أمين يوسف القضماني – مجدل شمس - ‏الاحد‏، 10‏ آب‏، 2008[/COLOR]

[/size][/size][/size]

[بشرى]

الله عليك يا امين
والله حيو شباب الجولان
متل ماعودتنا دائما قصائدك اكثر من رائعة
يسلمهننننننننننننننننننننن

[أمين القضماني]

هلا فيكي

اهلين فيكي بشرى
يا اغلى الناس
نشاله تظل فيكي الحيوية والنشاط ونظل نسمعلك قصايد وشعر

[بشرى]

اي اكيد
ونشلله كمان بنضل نسمع احلى القصائد الك بالاخص يلي بتحكي عالجولان

عمقول ليش المنتدا منور لنو شمعة الجولان هون عمتضوي علينا

موفق يارب
امين نزل قصيدي هون
قصائدك رائعة