يلعن إخت هالكهربا رجعو عالفلط والجلة أحسن

[بدران]

توماس بزمانو اخترع لمبا
مسكين فكّر عمل شي معروف
وصلت لعنا احترنا شو ربّا
لانا فلط أو شي شمع مألوف
مقاطيع صرنا ناكول مربّا
مستغربين شو بعد بدنا نشوف

وتوماس عم يخترع موعرفان
لمين عم يخترع مو عرفان

مسكين ضيعان الفكر فينا
مسؤول بدو يعبي بجيابو
بيتزاكى لما بيضحك علينا
وبيقول نحنا الأغلى بحبابو
وعالرايحة وع الجاية كاوينا

منسألو هالكهربا شو حالها
انقطعت بلا مواعيد
دغري بيجاوب مو أنا
هادا أمر من فوق مو بالإيد
وليش القطع من بعد إذنك قلنا
بيتئتئ ونفس الحكي بيعيد

توماس الله يسامحك شو عملت
تركنا عم نشعّل فلط أحسن
عنا كتير الفلط كيف ما درت
جاي وبدك بالدني تحسّن