المشاركات: 53
المواضيع: 6
تاريخ الانضمام: Jun 2007
السمعة:
0
عيونِك
يا بوابة سما
ع حلم....قطف كروم
عيونِك عند ما بتضحكي
شلال
ع الصخر ارتمى
طرطش الليل
نجوم
شلعة ولاد بهالحما
ميضاربو بالضحك بعضون
و الغيوم
دلقة قمر.... ع البحر
ع الورد ....رقصة نحل
نبيد انسكب
ع مهل
شجرة ميلاد مزيني
ضحكة ولد بسرير
فرحة إلاه زغير
عم يخلق
دني
المشاركات: 53
المواضيع: 6
تاريخ الانضمام: Jun 2007
السمعة:
0
راجح , سليمان
ممنونكون ع المداخلة اللطيفة
و التشجيع الحلو
شهادتكون بعتز فيّا
اللي بيشوف ربيع قصايدكون
بيتعلم يقطّف ورد
المشاركات: 1,233
المواضيع: 129
تاريخ الانضمام: Feb 2007
السمعة:
0
عيونك ..!!
إذا بتتنهّدي
بتلبس ندي ..
بتشلح فساتين النظر
تَ ينشفوا عَ الموقدي ..
بترتاح من هم المدى
اللي بيشكلو بشَعرِك حدا
و بْصير أتنهّد ...
بتنهيدي.. بْتَيْجن رموشك
تدمر جديدي
و بْطِل من روما
على صهوة حلم
ما بْتكمشو ايدي
و بِتقطّفي وجّي كرم
و بْتعصري
بْصوتك عناقيدي..
آه يا رسّام تجريدي
شو طيّبين عيونها !!!
بيتنهّدوا ..
و بْيشربوا نبيدي
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE]
[/SIZE][/COLOR]
المشاركات: 116
المواضيع: 2
تاريخ الانضمام: Oct 2007
السمعة:
0
حلو يا رسام تجريدي
[poem=font="Simplified Arabic,5,#ff0000,bold,normal" bkcolor="" bkimage="" border="none,1," type=0 line=0 align=center use=ex num="0,"]
SHEMI5 مع محبتي[/poem]
المشاركات: 53
المواضيع: 6
تاريخ الانضمام: Jun 2007
السمعة:
0
وحتّى عند ما بتحزني
بعيونك الدمعة....
متل زهرة لوز
بللها الندي
متل دمعة ضو
ع الشمعة
متل نجمة...واقعة بالمَي
متل وردة ..مفتحة بالفي
متل ضيعة نايمة تحت الضباب
حزنك متل حزن البحر
عند الغياب
لمّا بيصب الشمس
خمر و وهج
متل السما
لمّا بتبكي
تلج
عيونك عند ما بتحزني
متل الوتر
لمّا يحِن اللَحِن
فيهون شعر
أكتر ما فيهون حزن
المشاركات: 1,233
المواضيع: 129
تاريخ الانضمام: Feb 2007
السمعة:
0
عيونك إذا بيحوّشوا
كل المدى
موسم عجب
شو بتعمل الدهشه
ببستان الندى
بتخلص متل بحّة قصب ؟؟
بْتوقف عَ شبّاك السهر
و بْتنعس بْقَصْرُن
شو بتقدر تعد النجوم ..!!
بِتصير تِخْتصْرُن ..
بِتصب كبّاية غروب
من خابية عَصْرُن
لا تعجبوا .. نجوم السما
طيّب متل
خمرالصلا عَصْرُن
بتخاف ما يبقالها من هالدني
إلا الشِّعر .. هَلْ عَمّدو
جرن الكحل .. ما لو سِني
خلّيه نايم بالسرير
يحلم بلعبه و سَوْسَني
و لاتوسّعي عيونك كتير
بْخاف ما تطير!!
الدني ...
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE]
[/SIZE][/COLOR]
المشاركات: 53
المواضيع: 6
تاريخ الانضمام: Jun 2007
السمعة:
0
يا شاردة صوب المدى
شفت بِـِعْيُونِك
زمن سارح
شفت بِـِعْيُونِك
قمر .. حفيان
حامل ع كتفو
بقجتو
و رايح ....
ريحة شتي
و هبة بكي
من جهّة مبارح
شفت بْعُيُونِك
متل ضيعة و بيت
و سرير ع شباك
نهر نجوم
ويمرق صبي
بين الفرح و الخوف و الياريت
يترك ورد ...و هموم
وتكبري
و يمرق حدا تاني
ع أوّل قطاف الكرز
يفرش طريقك شعر و غناني
عن ليل
أحلام اندرز ...
و تكبري
و يمرقو الأحباب...
يلي مرق لفتة وعد و غياب
و اللي بقي نكهة فرح مجهول
و اللي صفي غصة ندم مخجول
و ترجعي من رحلة الأحلام
و عَ شْرُودِك معلَّق سؤال يقول
كيف مرقت الإيام ؟؟؟؟!!
المشاركات: 693
المواضيع: 87
تاريخ الانضمام: Aug 2007
السمعة:
0
عيني عا قلبي
وعينك عليي
ناطر تا أنسا
الهم
يا نور عينيي
الورد انجرح بالشم
عا ديي
والريح عم بتشكل النسمة
بتياب تينتنا
وعيونك
بتغزل
شتي
عا خدود
ليل وريح
عملتي
الهوى مراجيح
شفنا السما
من قبل ما متنا
تحياتي
المشاركات: 1,233
المواضيع: 129
تاريخ الانضمام: Feb 2007
السمعة:
0
عيونك عند ما بْتقلقي ..
بيغيّم اللون النقي
بتخربِط الآيه
بيتجعلك خيالي عالمرايه
بتصهل خيول الضو
بسهول الضباب
و بيضجر الوقت
اللي ناطر عَ البواب ..
لمّا بِ صِبح
بتلتقي .. وبيكون
بدّك تشرقي ..
و ما بتشرقي !!!
...
لا تقـلـّقي عيونك
يا هاك الليلكه
اللي وراقها دفتر صلا
فتّح ببستان الحلا
و عَ سياج كِحله بيتّكي
...
من كتر ما شدِّك
بِ خيط لْ "يا هلا"
كرّت بلوزات الحكي
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE]
[/SIZE][/COLOR]
المشاركات: 247
المواضيع: 52
تاريخ الانضمام: Nov 2004
السمعة:
0
عيونك ..و آخر لون
لوّح و انطفى
و تهدل ليالي سود
عا كون
مالو حدود
و آخر قمر
طبّق جفونو و اختفى
و تهب ريح .. تزوبع
و تفزع دني
من الخوف طرحه
مسودني
ترجف شجر .. ليل و عتم
و يطوف شلاّل المدى
و تغرق الدنيا عَ الهدى
...
و تفتّح عيونك .
يطل الصبح أخضر
و توقع رموش الدهب
من رفّة جفونك !!!
المشاركات: 432
المواضيع: 54
تاريخ الانضمام: Feb 2005
السمعة:
0
عيونك
طقش .. للموج عاشاطي الرحيل
وشاعر صفن .. يتخيّلك
شلال طالع عالسما
و قومع هرم عالنيل
..
وزقّ الوحي
عن سلّم مواويل
رقوة عجوز ..
ومسبحه ..
خرزه وخرزه..
مدحرجه تراتيل
..
حِنّة قصيدة عطر
عالبحر الطويل
قجّة ربيع
مطفَّحه
ورد .. ونخيل
..
..
عيونك
كراسي اعتراف ..
سكوتها
غفران ..
بخور وقناديل
بس تفتحيّون .. عالمدى
بسمّعلك الانجيل
وبس تنعسي ..
مْلايکة الله
بيلبسو مراويل
****
راجح
المشاركات: 92
المواضيع: 10
تاريخ الانضمام: Oct 2005
السمعة:
0
والله حلو هالموضوع
عيونك وقت تتأمـّلي
شردة حلم سهران عا ضو القمر
يبـّس حفيف الريح بوراق الشجر
وبلكم ضجيج الليل بدموع المطر
عيونك وقت تتأمـّلي .... بالمختصر
مفهوم ضد المختصر
حيـّز بدون حدود
بعثر بدون حدود آلاف الصور
غيـّر مفاهيم الزمان .. ولخبط تكاوين المكان .. وقزّم فلاسفة البشر
حتى _ وقت تتأمـّلي _ لمح البصر
بيتبنـّج بلمح البصر
عيونك وقت تتأمـّلي بتصير
كل المسافة الفاصلة ... لحشة حجر
ما بين بحر الصين وجرود المجر
عيونك وقت تتأمـّلي
مركب عمر لطيان ببحور القدر
تايه ما بين اللي انقضى والمنتظر
قلـّص مسافات الزمن
بين الطفولة والكبر
وبين الكهولة والصغر
ولك آآآآآآآآآآآآآآآآآآآآه
يا ريتك بتتأمـّلي
عيونك وقت تتأمـّلي
قدّيش فيها من العبر
اشقلوني يا شباب
المشاركات: 693
المواضيع: 87
تاريخ الانضمام: Aug 2007
السمعة:
0
عيونك بحر أسرار
موجات
مضطربي
يا عايشي بغربي
كفي معي المشوار
فاش الحكي
المفضوح
وتفسروا الأحلام
فرشتك قلق
تا ناام
عا رموش قلب
ورووح
ولو تتركي عيونك
تبرم عا
ليل الضو
كان العتم
بيفوت
من دمعتك
تا يموت
يزحف عا غيم
الجو
يوصل عا شط
الرمل من دونك
ويغفا عا فرشة
نظرة عيونك
لا تعتبو عليي هيدي طلعت بلا تنقيح بس للمشاركة وتسجيل الأعجاب بفراس
المشاركات: 53
المواضيع: 6
تاريخ الانضمام: Jun 2007
السمعة:
0
تتمجد النار البعينيكي
كرمالها طفيت النهار
و عتقت عتم الليل
عَ أسرار
الخمر اللي طايف
مِنِّك عليكي
فراشة الرغبة
البلقلق خِلقِت
ضوّت عقيق عيونك
و مرقت
عملِت اللهفة سراج
و احترقت
عيونك ع وهج النار
باقة ورد جوري
بالشمس تتحدى النظر
تضحك ع لون الياسمين
الما عِرِف طعم الخطر
شمس شلحت ظلّها
و ع البحر نزلت
عارية
خيول الغوى
صوب العواصف جارية
و تفاح
عَ لون الخطايا
كلّها
عيونك ع وهج النار
كاسة نبيد معرَّمة
ليل سكران بجَسَد
ع حدود أرض محرّمة
المشاركات: 17
المواضيع: 1
تاريخ الانضمام: Mar 2007
السمعة:
0
انتوا خوابي الشعر المعتق .....شعركن بيسحر القلوب....قٌصايدكن فيها حلا و رهافة احساس نادرة بهل الايام عمتاخدونا لعالم تاني....عالم فكرت انو موجود بس بالخيال.....الله يعطيكن العافية شعارنا الكبار....
