قلبك رسول

[علي عامر]

[SIZE="5"][COLOR="DarkGreen"]قلبك رسول

يا ولفتي يا سر بضلوعي دري = حبوب الوفا يا قمر أخضر ع الحنين

بشريان قلبي مع شعر دمّي سري = ومسمر نبوغي بالعيون الساهرين

مسمر جهودي والذكا بشرع الحنان = بعلم المحبّه الصامده بوجه الرياح

وهجو لهـ السّر المعطّر بيلسان = مشحات من أنغام عن كفّ الصداح

فروض اللحن من سحر أشقر بالحياة = إلهن فضل غر شكل خمره مميّزه

من هيك حلم وعلم بحواض النجاة = عايش أنا زنبق همومي مجنّزه

والشوك ليّن خاطرو بدل الحقد = تبسّم لصابيع النسيم بهـ الربى

ع سطيحة الآمال بيضيّف نقد = غنج الندي لو حل ألغازو وحبا

* * *

يا ولفتي من وحي شفتينك = سرقو شياطين الشعر مونه

ومن نبرة براءه بكحل عينك = هديو المزايا بريح مجنونه

يا نبض روحي وعمق هـ الإحساس = لـ صرلو دهر تاعب وحوش الضيم

وصدرك الجنّه ملايكه الأنفاس = قلبك رسول الخير بيتو الغيم

بحياة عمر الوجد يا شقرا = ل دابح سنيني من عمر عشره

قلبي الجفا لو يدقرو دقره = بيترمّد وبتصير آهاتو

والله بمدى المجهول منتشره

عن غيرة المحروق لا تغيبي = ما عاد بدّي برفقة الآلام

خلوة صبا جرحي الحد ذيبي = وإنثر بقاطع غابة الإيّام

أحلام أوراق وصدى أقلام

8.9.2008[/COLOR][/SIZE]

[السهروردي]

[SIZE="5"][COLOR="Green"]علي طالت عنــّـا غيبــاتو....رجع وجايـــــب معـو الغــنايـم
و حامل بـاقة ورد بـدياتو....وتارك اسلوب البهدلة والشتايم
قدّيش زادت عالبعد آهاتو.....تـاري شاعرنا من العشق هايم
بنول الغرام غزل كلمــاتو.....وأنا افتكرتو عالبــــعد نــــــايم
وزّع على النـاس ورداتو.....وجايب معو للمحــــــبة قسـايم
رح فتّش بقراني جيـبــاتو.....بلكي بلاقي قسيــــــمة صداقة
بتكون عربون من صديق دايم

وين هالغيبة يا اخ علي
مع حبي ابو الوفا[/COLOR][/SIZE]

[علي عامر]

[COLOR="Blue"][SIZE="5"]

سلامي ببعت واكبر تحيّه = بروح الشعر والكلمه النديّه

الك يا بو الوفا يا خي باقي = بمشتاوي السحر والشاعريّه

بعد م الذوق أطلق عا وراقي = محبّه من صفا ايمان نيّه

شو فيي قول عا خطّ التلاقي = الاّ الشكر من قلبي وبدّي

الإلفه تضل تقرانا سويّه

مودّتي وتقديري

اخوك علي

[/SIZE][/COLOR]

[السهروردي]

[SIZE="5"][COLOR="Green"]حبيب القلب ما بغـيب ظلــّو.....منهديه الحب والاخلاص كلـّو
يا أصحاب الكــلمة النــديـّة.....مهـــــما غبتو بالقلب بضـلـّـو
بحكــيلك بغيبــــتك يا خيـّي......عن شرطي اكيد انـت مــندلـّو
صادرلي حـروف الأبجـديّة.....وسيف الظـــلم عليـــــنا سـلـّو
عاملـــنا بقـسوة بعنجهـيـّة.....ومن خوفو ما سمـحلـي ردلـّو
افتكر حالو مكــانتو عاليــّة.....بس الجــبان شـــو لازم نقـلـّو
اكيك مانو قد المســؤولـيـّة.....يالله تركــو يمـــــوت من غلـّو
وهات ايدك نعمل مسرحية......ن خلـــّي النـاس فيــــها يندلـّو
ع شعّار اخــلاقهن عــاليـّة......لله للمحـبة بصــــدق بصــلــّو
مؤمنين لما بيدخلو المنتدى....متل خيــطان الشـــــمس بطلــّو
مع حبي ابو الوفا[/COLOR][/SIZE]