الدلبة الي بتبكي و البلدية الي عم تتفرج

[ملك الغرام]

ارجو من كل من تهمه الدلبة ان يضم صوته النا و يطالب البلدية الكريمة ان تقوم بفعل الازم الها

من رش بالأدوية الازمة لأنو ورقها غير لونو فصار اصفر بدل الأخضر و المصابيح المربوطة فيها بسيخ حديد /6/ مم صار عم يغرز بالجدع فحلون ان يشيلون او يركبوهن على الجدران و فيه اسا شي مهم كتير و يؤثر على النمو بشكل كبير هوي الاطار الي عم يخنقهابشال كبير بتمنى انو يشيلوه و يركبو محلو مقاعد من الخشب و الحديد و ها الشي ما بيكلف كتير بس بدو بلدية صاحية مو عم تشرب قهوة و تتفرج عليها

[شفيق]

منطالب الجهات المعنية بالمحافظة على شجرة الدلبة لأنو هي مو بس من تاريخ المشتى هي من تاريخ سوريا كلها يعني لا تساووا بهالشجرة اللي ساويتوه بمغارة الضوايات ,,,وشجرة الدلبة لازم المحافظة عليها من قبل الجميع ,,,,

وشجرة الدلبة اللي بالمشتى من أجمل الشجرات اللي بسوريا والعالم ,, فحافظوا عليها...

شفيق

[wwwww]

الدلبة في القلب

يا شباب كل طفولتنا قضيناها تحت الدلبة وشبابنا ما استطاع ان يمر من دونها واما عن الذكريات مع هذه الدلبة فحدث ولا حرج. ولذلك يا شباب وكما تبين لي ان نقص المادة يسبب الوفاة لهذا الكائن البرئ وكما تعلمون بلديتنا جزء من نظام كامل ولا حول ولا قوة لها الا عند تنظيم المسيرات. لذلك اقترح عليكم جمع تبرعات لحماية الدلبة وانا اول من يتبرع بس خبروا من المسؤول عن الصندوق وما هي الطريقة التي يمكننا ايصال التبرعات بها ان كان ذلك رقم حساب او اي طريقة اخرى . اتمنى عليكم ان تدرسوا قيمة الكلفة حتى نتبرع انطلاقا من ذلك حتى لا يقال في النهاية المصاري ما كفت والمشروع فشل وان على يقين بأنني لست وحيدا في طرحي هذا وشكرا.
م:طلبت معرفة المسؤول فقط لامر واحد وهو ان الكثيرين يستطيعون التبرع نقدا ومباشرة وهذا ما يهم في الموضوع فقط .

[شفيق]

منشارك معك ومنوافق ,,,, عالتبرع

[wwwww]

ما بشك بالموضوع

لا يساورني الشك بشهامة الشباب وكلهم خير وبركة واولهم انت يا شفيق الرجاء منكم وانتم الموجودين على ارض الواقع ان تعينوا الشخص المناسب لهذه المهمة ولنبدأ بهذه الحملة التى قد تعيد ظل هذه الدلبة ظهرا وتحفظ لنا هرج ومرج العصافير في المساء المشتاوي الرائع .
نيالكن على هالامسيات

[ملك الغرام]

و انا اول واحد بيتبرع مو بس بالصاري و بالشغل كمان بس حددو الشخص المناسب و نحنا جاهزين لأنو البلدية موخرج انو تعمل شي

[fade antar]

مرحبا يا جماعة........ هالموضوع كتير مهم ...لأن تخيلوا المشتى بلا شجرة الدلبة......هالشجرة اللي عم تيبس بسبب الإهمال........وياريت البلدية أو أي حدا بيهموّا الأمر يتابع بها الموضوع
شجرة الدلبة صارت رمز للمشتى ومين ما زار المشتى لأول مرة بيسألنا عن الدلبة من وين الطريق اللي بيوصلا.
وشكرا

[نسر]

في البداية لا بد من شكر الشباب على وعيهم و ضميرهم و حبهم للمشتى ....
و برأي أول ما يجب عمله ..هو استشارة مهندس زراعي أو خبير بأمور الزراعة لتبيان سبب ما يحصل للدلبة و الحلول و العلاج لها بشكل علمي ...و ذلك لان على الدلبة مرت ظروف و تعديات في الماضي أكثر من الآن و ظلت صامدة شامخة....و بعدها و حسب الحاجة الفعلية تجمع التبرعات ..
فإذا كان من احد من يقرأ هذا الموضوع مهندس زراعي أو لديه خبرة في الزراعة فهو المؤهل ...و الجميع سيقدم المساعدة إما المادية أو العملية كما لاحظنا
من ناحية اقتراح المقاعد بدل الإطار ....سياحيا غير محبذ...لو كان هناك مساحة اكبر حولها كحديقة مثلا كان معقول ..و خصوصا أنهم سيحجبون جذعها و ضخامته عند الجلوس عليهم ...و نحن نطالب بانتزاع كل ما يشوهها....أليس كذلك