ليــش ما بترضـى فيي بنت المشتــى ؟!

[amigo]

[SIZE="6"][SIZE="6"]

صراحة مضمون هذا الموضوع بناءً على طلب احد شباب المشتى الذي اطل عليّ شاكياً مستائاً يائساً راجياً مني السماح له بقذف حممه على صفحات هذا المنتدى لعدم معرفته بأغواره .
وهذا ملخص ما أفشاه لي بعد أن قمت بإختصاره وصياغته :
كوني احد شباب المشتى وتعّن على بالي فكرة الزواج وبعد اطلاعي واحتكاكي المباشر مع بعض حالات الزواج التي تحصل في المشتى من رفض وقبول بدأت تتضح لي صورة ما كنت اتمنى ان اراها , والتي دعتني لشن هذا الهجوم على الكثير من بنات المشتى طبعاً بعد استثناء النادرات اللواتي ابحث عنهن واسمع انهن مثل البلسم ولكن لما اجدهن .
أما الاغلبية التي اقصدها فهن اللواتي يتكبربن على شباب المشتى ويرفضن طلبهم للزواج لمجرد أنه من المشتى على الرغم من أن اغلب الشباب وضعهم ميسور وما فوق .. وماضيهم لا عار فيه على علم الجميع واهلهم معروفين ضمن البلدة بسمعتهم وتاريخهم .. ومستقبلهم واضح المعالم في اغلب الاحيان . ومع هذا كلّه يكون الاعتذار هوالجواب في اغلب الحالات والمبرر ليس انت ( بفارس الاحلام ) :coolgleam :dazzler: .
وياتي على حين غرة الفارس المغمور بماضٍ مجهول ومستقبل موهوم ويطير بعروسه المشتاوية للعمل إما بحقول الزيتون اوبساتين الملفوف أوعلى فرن التنور :help: :weep:
وما على عريسنا المسكين إلا أن يلعب الدور المعكوس محلقاً بجناحه المكسور :weep: :bawling: باحثاً بين الجرود والسهول عمن ترضى بلعب دور العروس .
وقبل الوداع ربما لسنا ممن يجيد ركب الخيل ولكن نشهّد نجوم الليل على نيتنا الصافية وقلوبنا الحالمة وجهدنا المبذول لمستقبلنا المضمون .
وأنتِ يا أبنة قريتي إذا بقيتي بهذه العقلية سيأتي يوم وتحلمين بنا ليلية فعودي إلى رشدكِ أضمن لكِ ولأختكِ :beer: فالباقون قليلون والمترددون كثيرون .

[/SIZE][/SIZE]

عن لسان ج . س

[adidas]

أخ أميغـــــــــــو .........
اول شئ سلملــــــــي ع صاحبك كتيـــــــــر و قلو : هيدي مشكلة الشباب وين ما كان ليش مانو سامع بالمتل
"

المزار القريب ما بيواتي

"

بيقولو بكتب الهوا ....الي بيحب ما بيقسى
بيقولو بكتب الهوا...... ع البعد القلب بيقسى
هلق وردي جايي تسهر لانها زعلاني ولا شئ

ت ح ي ا ت ي

[susu]

في البداية شكرا لفتح هذا الموضوع الذي تعاني منه معظم فتيات المشتى لوصفهن بلمتعجرفات والمتكبرات والشايفة حالها
وناسي يا ابن ضيعتي مشتى الحلو انك بتدوخ ادام ايا صبية بتزور المشتى ولو لنص ساعة وبتصطفوا ادام بيتها على امل نظرة من عيونها الدباحة ولما بدك تتجوز وست الحسن الغريبة ما بتعطيك ريق حلو بتقول يلا عنا سبير بنت ضيعتي وكانو بنت ضيعتك ما بيحقلها تحلم
بشخص او بلاحرى فارس احلام متل ما الت حضرتك لانو هيي نص بنت او ربع وعلفضلي بتجي لعندها بعد ما بتمل من طلباتك برا
وبتجي مع ظروفك السيئة وعطلجيتك ومستقبلك غير المضمون لطلب ايدها وعفكرة ما بيحقلها يكون عندها فارس احلام تحلم تقضي بقية حياتها معو ويوفرلها الحب والعيشة الكريمة وهدا مو معناتو انو شب المشتى مو هوي فارس الاحلام بلعكس هوي اول شب بنفتح عيونا عليه وبنحلم بحبو والمستقبل الحلو معه وفي كتير بنات من المشتى انا بعرفن مرتبطين وبيحبو اشخاص من المشتى وعم بيضحوا كتير كرمالن وبقية البنات لشافو تطنيش شباب المعجبين فين حقهم يدورو على شخص يقدر قيمتهم وما ياخدهم على بساتين الملفوف وخبز التنور بلعكس بيامنلهم العيشة الكريمة والمستقبل المضمون والعاطفة والحب وبدي قول انو مجرد طلب الزواج هوي نية صافية سواء من ابن الضيعة او غيرووبلنهاية متل ما الشب مظلوم بهلموضوع كمان في كتير بنات مظلومة الشب بلرفض والبنت بحقها الطبيعي والحب هوي لبيحدد الهدف بين اي شب وبنت وهدا المفتاح والحل بلاضافة لمحاولة ضمان المستقبل لحق اي بنت تفكر فيه لولادها ولحالا وشكرا
ملاحظة: شكرا للعضو سوسو لمنحتني شارك باسمها
زائرة اميغو

[المايسترو]

في البداية مشكورين على طرح الموضوع:كل شي في هذه الحياة نصيب لايوجد مظاليم من الجهتين الكل عم ياخذ نصيبه من زوارنا الكرام في موسم الصيف ولاعيب في ذلك ضمن الاصول ويجب عدم التفكير في الموضوع بهذه الطريقة من الطرفين وبعتقد نشر الغسيل امام الناس طريقة غير نافعة ابد

[sisi]

شكرا لطرح هالموضوع
و مشان المايسترو : ليش ما نناقش هالموضوع اللي عم يعاني منو أغلب شباب و صبايا المشتى
انا و متل مو شايفة
ابن المشتى بيحب بنت المشتى بـــــــــــــس بالشتوية لما ما بيكون في غيرها قدامو
و بيلحقا و بيضرب قداما مراجل
و شي اننو بتجي الصيفية بينساها و بيلحق هالغريبات
و بتصير الأحلى بنظرو هيي " اللي بتقصر تنورة " و " اللي من الخليج و أميركا و ما شابه بلكي بتاخدو معا "
ما عد بيلتكش ببنت ضيعتو و جارتو
و بتروح الصيفية و بيرجع لبنت المشتى بس بعد شو
بعد ما كشفتو عحقيقتو و ما عد ترضى اننو ينضحك عليها مرة تانية
بعدين كيف بنت بدها تاخد شب ما عندو لا شغلة و لا عملة
و عايش من ورا تأجير البيوت و ما عندو مورد دائم
هاد هو الواقع البشع و اللي انفرض عالبعض
طبعا مو كل شباب المشتى هيك بس الأغلبية
بــــــــــــــــــس بالآخر
متل ما بيقولو
" القريب احسن من الغريب
و اللي بتعرفو احسن من اللي بتتعرف عليه
فما لابن المشتى غير بنت ضيعتو
و ما لبنت المشتى غير ابن ضيعتا
" أنا لحبيبي و حبيبي إلي "
:dazzler: :dazzler:

[jeje]

الأخ أميغو:
رغم أنني لست من المشتى ولكن أعتقد أن هذه المشكلة ليست فقط بالمشتى بل انها بشكل عام بكافة المناطق ولكن هذا لا يمنع أن يكون هناك ثغرة وعلينا نحن كشباب وصبايا أن نتساأل لماذا؟؟؟؟
وعلى فكرة أنا من أنصار المثل الذي يقول :
زوان بلادك ولا حنطة جلب.
Rose

[White Rose]

الأخ أميغو:
رغم أنني لست من المشتى ولكن أعتقد أن هذه المشكلة ليست فقط بالمشتى بل إنها بشكل عام بكافة المناطق ولكن هذا لا يمنع أن يكون هناك ثغرة وعلينا نحن كشباب وصبايا أن نتسائل لماذا؟؟!! وعلى فكرة أنا من أنصار المثل:
زوان بلادك ولا حنطة جلب.
ROSE :thumbs:

[MAXIM SALLOUM]

ممكن هالمتقولو صح بس دائما بتلاقي بنت الشتى لاحقة ابن الكفرون و الوادي وبعرف كتير منن ولما بيجي ابن المشتى لعند بنت المشتى بترفضو ولا كانها معبرتو حتى في قصّة بتخلي ابن المشتى ينزعج من بنت المشتى وهي في مرة بالمهرجان علقت مشكلة بين المشتى و الكفرون بتجي وحدة من المشتى بلا ذكر اسماء بدافع عن اهل الكفرون هادا ما بيخلي شب المشتى يفقد الثقة بنت المشتى ويدور على غيرها من الغربية. وشكرا

[amigo]

رد تلقائي لإكمال عملية الصيانة

[وسام خوري]

محبة للجميع

أنا مع الجميع الشباب عم يحكو صح والبنات عم يحكو صح مع أني ما بآمن بشغلة النصيب النصيب نحنا بنصنعوا بأيدنا بيكفي أنوا الشباب أو البنات يكونوا صحاب أخلاق منيحة .........
يمكن أنا غريب عن المشتى بس عن جد في مثل انحكا وهوي ( المزار القريب ما بيشفي ) هيك على قول الناس بس هوي بيكفي وبيوفي .
يمكن مشكلة أنو شباب المشتى ما بيشتغلوا غير بأجارات البيوت برأيي هي مو مشكلة لأنوا بالمشتى عالأغلب مافي غير هالشغلة وما حدا بيصحلو شغل غير لما بيطلع برا المشتى متل حكايتنا نحنا
وأنوا شباب المشتى بينطروا الصيف تا يتعرفوا على بنات غرب هادا الحكي مو صحيح وكمان بالنسبة للبنات ما بينطروا الصيف تا يتعرفوا على شباب غرب طبيعي هالحكي بنسبة مئوية .... يعني في شوي هيك وفي شوي هيك بس مو الكل أنا شخصياً بعرف بنات وشباب من المشتى بينشرب كاسون وياريت كل الشباب والبنات متل حكايتون لأنوا هني بيرفعوا راس المشتى.
يمكن الحالة الإقتصادية الا دور بالموضوع المهم أنوا الشب والبنت يشتغلو مع بعضون لبناء حياة حلوة والمصاري مو مهمة كتير يعني مهمة شوي بس نحنا منساويها مو هيي بتسوينا


أنا شخصياً بفضل آخد بنت من المشتى على البنت الغريبة مع أني بعرف كتير من هدول ومن هدول والكل مناح من الجهتين لأنوا ( زيوان البلد ولا حنطة جلب ) مثل حلو مو هيك .

[قابيــل]

برأيي الشخصي رغم أن هذا الموضوع هو موضوع قسمة ونصيب لكنني أرى أن هناك خطأ ما وربما كان من الطرفين شباب كان أم صبايا . لأنو متل ما بيقول المتل اللي منعرفوا أحسن من يللي بدنا نتعرف عليه وغالبا ما يصدق المثل...
مع حبي
قابيل

[هابيل]

شايفين يا جماعة دائما الطمع بالغير مشكلة
دايما الانسان لازم يكون قنوع ويقبل بما قدمه الرب له لكن انا بأيماني وبأيمان اكثر الناس الموضوع قسمة ونصيب
لذلك اتمنى منكن انتن بنات وصبايا المشتى ..........والكفرون كمان انو تقبلو فينا
لانو مصاري معنا وسيارات وعنا وبيوت واراضي ومحلات عنا وجمال كمان عنا
طيب بتمنى اعرف شو الشب بنظركم او فارس الاحلام ومواصفاتو الفنية ووووووووووووالتعبوية
وانشالله تحنوا علينا وتقبلوا فينا احسن ما نروح على كفربو وناخد من هونيك.......ههههههههههههههه :biggrinje
بس والله بيي بيضل يقلي زوان البلد ولا حنطة جلب :cheese:
مع حبي
هابيل :thumbs:

[جولي]

والله اكيد انو القصة قصة قسمة ونصيب مو اكتر من هيك

واحيانا الشب بيكون ماشي على نفس الطريقة باختيار البنت فأكيد رح يوقع بالخطأ نفسو دائما ومابيعرف يختار البنت المناسبة

وبهيك حالة ضروري الشب يغير اسلوبو اول شي ونظرتو للبنت يحاول ينظرلا بغير نظرة او يحاول يعدل ويفهم اكتر الصورة اللي راسمها لشريكة حياتو

ممكن يلاقي انو البنات اللي اختارون وماقبلو فيه فارغين وولا وحدة مننون كانت بتستاهلو

وهيك اكيد بيقدر يختار صح


اما هالكلام انو البنت ماعم ترضى بالشب اللي هوة ابن ضيعتا

انا مابوافقكون الرأي اختارو صح بتلاقو

لانو اصابيعكون مو كلا متل بعض
وهالكلام مابيصير ينقال لانو عم يتعمم على كل البنات و هيك كتار اللي بينظلمو من الصبايا

ويا شباب كمان انتو لاتغركون المظاهر بالبنت ياريت تتعمقو بشخصيتها ونفسيتها حتى تقدرو تختارو البنت الحلوة شكليا ونفيسيا
ولاتتسرعو ابدا بالاختيار

[resha8]

الموضوع قصة نصيب و لا يمكن اعتباره حالة عامة
و الحب و القناعة و الصفات التي يحلم بها كل شخص
هي التي تحدد الشريك ومو ضروري يكون ابدا ابن الضيعة
اللي اخر همو اذا حبتو بنــت ضيعتو او لاء
لانو غالبا عيونو ع غيرا
و المزار القريب اذا فيه قداسة و حب وقبول بيشفي و مية بيشفي

[fadi11]

انا بتمنى انو البنات يدفعوا تمن هالعجرفة بعدين لما بيكبروا بالعمر و بيصيروا عوانس يا بنات مشكلة العنوسة بالبلد صارت ظاهرة و انتو ما بتقبلوا بهالشباب اي شكروا ربكن اللي صاححلكن شباب يتطلعوا فيكن و انتبهوا من المستقبل وقت ما تلاقي يا بنت المشتى مين يتطلع فيكي

[georges]

العالم قرية صغيرة

[size=9]العالم قرية صغيرة
انا لست مشتاوي او كفروني لكني احب منطقتكم ك محبتيثيرا
اسعدني هذا الحوار لانه نفس الحوار الذي اسمعه في بلدتي
لا تنسوا يا احباء ان العالم في طريقه ليصبح قرية صغيرة
دمتم مع محبتي[/size]

[Pascale]

اول شي انا بشكر الي لفتلي نظري على هالموضوع ..... يمكن ما بحقلي علق لاني اعتبر مغتربة ! بس بالنهاية انا من هالضيعة و اهلا على راسي...
اول شي شباب المشتى الاوادم ما بنسو بنات ضيعتون بالصيف بالعكس متل ما انا عم شوف انو شباب المشتى عم يحاوطو بنا ت ضيعتون و الخوف من بعض الغربية و تقليل ادب و الاحترام فشرف بنات المشتى هو شرفن
تاني شي بنت المشتى بتتفتع غيونا عالحب مع شباب المشتى .... بس من الملاحظ انو شباب المشتى بيكبرو و بهاجرو و بضل البنت لا معلقا و لا مطلقا يا خوفا تنطر و ينساها حبيبا و يا خوفا يكون البعد جفى ! و هو بصير همو حالو و بينسى هالمعترة الحاملة همو و هما !!
تالت شي العالم بالمشتى بتعرف بعضا !! وقت بيكون الشب عامل السبعة و دمتا ما حترضا في البنت !! (والعكس صحيح مع احترامي طبعا )
رابع شي بنت المشتى بتخاف تاخد شب من المشتى لانو معروف مصيرا !! 3 اشهر صيف بتعيش و 9 الباقين بيقتلا الروتين !! شو المانع اذا حلمت ؟؟ و ما رضيت بالقليل ؟ ولا على اساس انا بنت حرم عليا التقدم ؟؟ و اذا كان مسافر بتتجوز تتشوف زوجا شهر بالسنة ؟
البنت بهالعصر و خصوصي بنت المشتى المنفتحة و المتعلمة بتكره تكون محدودة !!
شباب المشتى كلون فيون البركة !! الله يحميون ! بس لازم هني كمان يراعو الظروف و يتصرفو .... مش يفيقو على البنت لي حبوها وقت كانو مراهقين بعد 10 سنين و يرجعو تيطلبوا !! و لازم يامنو حالون !!
بالنهاية هيدا موضوع نسبي !! و ما في احلى من الحب بين المشتاوية !! بس بالنهاية كلو نصيب !! و الي بحب بيتعذب تيرضي و تقبل في حبيبتو !! .................................................................... لازم الطرفيت يتنازلو شوي !! و نشوف كل الشباب و الصباية عرسان !!

[نواف مخائيل]

[SIZE="5"][COLOR="Blue"]

أول شي شكراً لرامي لتلبية طلب الأخ (ج.س) وكتابة هالموضوع
بالفعل عم نلاحظ أحياناً هالظاهرة بالمشتى
وهون في ناحية كتير مهمة عم ننسى نحكي فيها
وهية إنو لما شب من المشتى بيفكر يتجوز بنت من المشتى
المفروض إنو يكون في تعارف نوعاً ما بين هالشب وهالبنت
يعني مثلاً : زملاء مدرسة ..جيران بالحارة ..أعضاء بأخوية الكنيسة...إلخ
أنا برأيي إنو الشب لما بينوي عن جد يتجوز
[COLOR="DarkRed"]لازم يتقرب من البنت الي عم يفكر يتجوزا بأي طريقة
لحتى يعرف إذا هالبنت عم تستلطفو أو لاء ؟؟؟[/COLOR]
وبعد ما بيتأكد إنو في تقبل من هالبنت تجاهو
بيصير من السهل يحكي معها بالموضوع وهيك بعتقد
بينحل جزء كبير من المشكلة
وبتمنى إذا حدا عندو آراء بخصوص هالموضوع
لا يبخل علينا
وشكراً للمشاركين بهالموضوع

[/COLOR][/SIZE]