أول الرقص حنجله

[غيور]

[poem=font="AL-Mateen,7,indigo,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يَ نْجوم ضلك في سمانا إسطعي = ولفي يَ أقمار المواهب و ِلْمعي
ويا شمس طلي من خباكي و ِطْلعي = تا تسمعي قوة بلاغة مطلعي
مارد زجلنا ال ْكان غافي قد وعي = وْ عَ بْساط ريح المعرفه جد السعي
قاصد عَ مشتاكم بحكمو الواقعي = تَ يبدد الأحلام للي بدعي
إتنبَّهو من قبل يقصف مدفعي = وترحَّمو علِّي بينزل موقعي
و ِلِّ بشوف بحالو عندو مقدره = يتجرأ وينزل بهالعركه معي [/poem]

[المقنع]

[COLOR="DarkSlateGray"][SIZE="7"][COLOR="Navy"]++++++++++++++++++++++++++++++++++

هالحنجلة من بدايتــــك فيها ال سِـــما +++++ تعفيــــس بالأوزان وبحور الحِما
المشتى النمي بأشعار من جوري حما +++++ لاتطرطشو بطينةْ خدودك ياكِـما
بدك حـــدا ينزل عســـاحك ؟ بل وما +++++ جايــــــي أنا تاطمّك ببركة دما
ومازال منّـــك خــــرج !! ببعت صاعقة +++++ تنزل تشقك شـق من سابع سما

++++++++++++++++++++++++++++++++++

المقنع +++++++++++++[/COLOR][/SIZE][/COLOR]

[غيور]

[poem=font="AL-Mateen,7,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
وحياة طه اليعربي وعيسى المسيح = ما كنت عاشق في حياتي للمديح
ما جيت عا مشتى الحلو تا أستريح = وْلا جيت حتى كون مع خصمي سميح
ميزان شعري عم عالكون الفسيح = إخجل على حالك بصوتك لا تصيح
شو عرَّفَك بالوزن يا نبع الشحيح = قدام نابغة المعنَّى والفصيح
= **************
جايي بهبوب العاصفه وأعصار ريح = منشان يلِّ تْقنعو مثلك أزيح
لَ تْلومني عا منطقي كوني صريح = ومعليش لا تزعل من القول الصحيح
في أول المشوار دمك بستبيح = وبآخر المشوار ببنيلك ضريح
وعن وشك المزعوم بنزع هالقناع = تَ الكل يتعرف عَ هالوجه القبيح [/poem]

[المقنع]

ناقص انت بقى...

[SIZE="7"][COLOR="Navy"]-----------------------------------

مابلومك عْلى منطقك ل بتطرحو ++++ جرار العكر إلا ب عكر مابينضحو
شعر الزجل مش صفصفة عامسرحو ++++ وكترةْ بيوت بلامعاني وتشلحو
بدال ماتبني ضريح اللي انوحو ++++ إبني ب ردّك صرح شعر وصرّحو
وجهي الشمس نور ولهيب بيلفحو ++++ تقنّع بغيمة من البياض بمشلحو
حتى ما إحرق فيه عين بتلمحو ++++ وحيثك غبي وبدك قناعي اشلحو
وشيلو ... رح بشيل البياض بعينتيك ++++ وحط لون ب لون قلبك مطرحو

+++++++++++++++++++++++++++++++++++


المقنع+++++evil:[/COLOR][/SIZE]

[غيور]

[poem=font="AL-Mateen,6,sienna,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يا ورد بجنينة شعرنا اينعت = م قبلت من شوك المعنا اي نعت
ويا در يلي عا كفوفي تصنعت = بالزيف وبثوب الوهم م تصنعت
ويا قصر فن الشاعريه تمنعت = غيري عليك يفوت شاعر منعت
ولو كنت حالك يا مقنع اقنعت = شاعر بانك للشعر ما شنعت
من شان هيك خجلت اسمك تعلنو = وبقناع زيفك والجهالي تقنعت[/poem]

[غيور]

[poem=font="AL-Mateen,7,sienna,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
وينك ي سيد يا محمد مصطفى = لسراج شح بغيبتك نورو طفى
نام الشعر والموهبي نامت معو = ويا للأسف عكر الزجل عم و طفى[/poem]

[عصام يوسف]

[COLOR="Navy"][SIZE="6"]

عِكر الزجل بيضل عا كعب الجرار *** و نور الشعر بيطوف عا وج النهار
لكن إنت واقف على نص الطـريق *** ناطر الســــيّد مصــطفى ياخد قرار

[/SIZE][/COLOR]

[غيور]

[poem=font="AL-Mateen,7,sienna,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يا ريت ابقى واقف بنص الطريق = ناطر عليي ي طل شي لمعة بريق
ولا ضل ماشي الدرب حتى نهايتو = صعبي أعبي من العكر جوى بريق[/poem]

[عصام يوسف]

[COLOR="Navy"][SIZE="6"]

يا غيور نْ كنت عَ الكــــــــلمه غيور *** مفروض تعرف شو انكتب بين السطور
الشــــاطر بعبّي من الزجــل عِكر الكلام *** حتّى يشــــيل التبر و يصفـّي الشعور

[/SIZE][/COLOR]

[غيور]

[poem=font="AL-Mateen,7,sienna,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مع كل كلمه واضحه رح تنذكر = وع كل جهد ابتبذلو ابتنشكر
يا ريت في هالمنتدى يبقى الصفا = حيث العكر ما خلفش غير العكر[/poem]

[عصام يوسف]

[COLOR="Navy"][SIZE="6"]

متل ما الكــــربون بيصـفـّي عقيق *** و حب الطلع بيصير بالزهره رحيق
من عجقة حروف اللغه نقـّي الكلام *** حتّى تصير بدينة الســـــامع تليق

[/SIZE][/COLOR]

[Firas H]

[poem=font="AL-Mateen,7,sienna,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مع كل كلمه واضحه رح تنذكر = وع كل جهد ابتبذلو ابتنشكر
يا ريت في هالمنتدى يبقى الصفا = حيث العكر ما خلفش غير العكر[/poem]

[SIZE="5"]مع احترامي إلك أخي الكريم بس مانك ملاحظ إنّو كل الردّات اللي كتبتها فيها نفس الجملة

حيث العكر ما خلفش غير العكر
صعبي أعبي من العكر جوى بريق
ويا للأسف عكر الزجل عم و طفى

وكل هدول على نفس الفكرة

[SIZE="6"]

يا طاير وركب التأنّي فايتك ــــــــــ وشامل بلا الألفاظ تحت رعايتك
يا ريتك من الوقت خدت كفايتك ـــــــــ ولا قلت ردّة مفشكلة ببدايتك
وبالصفصفة لو جيت تبدا حكايتك ـــــــــ من فعلك بيسود وجه مرايتك
من حيث لو كانت غبيّة دايتك ـــــــــــ ما في رجا مأمول من تربايتك
نحنا إذا منلمس صفاوة غايتك ــــــــــ منحملّك بيوم المكاره رايتك
لكن إذا بتكون جاية للحكي ــــــــــ يا ويل ويلك من جحيم نهايتك

[/SIZE]

آسف استاذ عصام والباقي عندك [/SIZE]

[غيور]

[poem=font="AL-Mateen,7,sienna,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الكلمه الجميله بالمعاني مزخرفي = شمس الاصاله خيوط فيها مشرفي
ولما صفي نبع الزجل والموهبي = صرنا بنغرف من مياه المعرفه[/poem]

[غيور]

[SIZE="6"][COLOR="Black"]اخي فراس المحترم
انا احترم رأيك لكن كنت اتامل ان تكون الفكره قد وصلت لك من خلال ما كتب ----- لكن وللاسف الظاهر انك قليل الاستيعاب------ جمالية الشعر الزجلي تكمن من خلال حواري على موضوع معين0
يا ريتك ما عكرت هالموضع -[/COLOR][/SIZE]

[poem=font="AL-Mateen,7,sienna,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
من غيرتي ع الشعر ناري حارقه = وطيب المعاني حروف مني سارقه
معلش م بلومك ع جهلك يا فراس = ورح اعتبر انك غمامه مارقه[/poem]

[بيدق]

[SIZE="6"]مسا الخيرات
ما بعرف شو صاير بالفتره الأخيره كل ما ينفتح موضوع جديد حتي نستمتع فيه
ونتابعو إلا بيطلعنا واحد عامل حالو عباس العقاد ..... وهات يانقد ....
شي طالع شي نازل ............. وبتكون رده فعل الشعراء أصحاب الموضوع غالباُ ....[COLOR="Red"]
بعدم إستئناف الحوار [/COLOR].... هالحاله مزعجه .....بتمنى ننتهي منها .....
إلا إذا كان النقد في خطأ واضح ولا شك فيه .............. أنا شايف أنو ردات غيور ما فيها شي
............. منها القوي ومنها المتوسط ومنها العادي لكنو شاعر ......
وشايف إنو تكرار كلمة (عكر ) ما فيها شي ................
الموضوع في الحوار في طريقو ليتشكل بين العكر والنقاء
............ .. والتباين بالمستوى شغله عاديه ...............
حتى عصام يوسف ما بيكون دائما ً بنفس المستوى

========================


أستباقاً لقول قائل
[COLOR="red"] ( أنت يا بيدق بتدخل وبتكتب وبتنقد وسعرك بسعر غيرك )[/COLOR]
........ بقول أني غالباً ما بتدخل إلا عند الطلب أو للحكم في خلاف قائم أصلاً .

========================

بتمنى على المشرفين الأفاضل عدم السماح بتكرار ما حصل هنا
الحكم للجمهور [COLOR="red"]( إلي هوي نحنا ) [/COLOR]
وفي النهايه ببين الضعيف من القوي .

[COLOR="Blue"]مافي مانع من التشجيع والتحيز لشاعر وإضهار هالحكي من خلال مشاركه
.....لكن النقد من باب الضهور بعتقد سخافه
مع كل الحب بيدق[/COLOR][/SIZE]

[غيور]

[poem=font="AL-Mateen,7,sienna,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
من غيرتي عَ الشعر وعالمشتى كمان = وشعّار صارو يخلطو القمح بزوان
حضرت حالي بعود وبناي وكمان = و تسلحت بالمرجله والعنفوان
بالعود أعزف عا وتر أجمل بيان = وبالناي أعطي الموهبه نغمة حنان
وحيث الكمنجه بلاعبو بروس البنان = سهرت نجمات السما وبدر الزمان
وبعنفوان المرجله وبالأمتحان = راكب عَ مهره محنجله وسط المِدان
بصرخ بعالي الصوت وينك يَ سليمان = هَيْ ساحة الفرسان ما بدها جبان
ويا مشرف الأنغام إكسب هالرهان = كَنَّك عصام بْحِجْتَك إضهر وبان
ويا شادي الألحان لازملك مِران = بلكي بتقدر عالزجل تعقد قران
وسيد شفيق إلِّ بيدو صولجان = وخيال منبر بس ما عندو حصان
ويا حج بيدق يلي بالمشتى مِزان = وحامل عروض الموهبه ما لك مكان
قدام من حاكم بشعرو إنس وجان = وقدام يلي قبلكم بالشعر كان
إتكاتفو وشدو أياديم سوا = و ِدعو لَ الله توصلو بر الأمان [/poem]