معن محمد

[معن محمد]

[SIZE="6"][COLOR="Navy"]

يادني : بــدّي طْـــــلاع براتك *** ما عــــــاد فينــي طيــــق عبسـاتك
بكل عمـــــري ها لبنت حبيت *** ما حمــــلت الموضــــــوع عقلاتـك
وصـــارت البنت سنينها تغفي *** تا قــــرّبوا العمــــرين ع المفــــرق
ومافكـــرت ع المفـرق نصفي ***كــــل عمـــــر فينا يروح من مفـرق
وكل قلب منّــا جـــــرب لحالو *** يعيش ومتـــل بعضـــا قلب غيـــرو
صـــار ينشــــز لحـــــن موالو*** ويمشــي كــأنو ع الجرح ســــيـرو
تاري متــل ما ال قبلنــــا قالوا *** كل عين فــي الها خصوصي جفون
وكـــل عش وفـــي الو طيـــــرو
. . . ..................
وقديش رحت بالهـــدّني ولفيت *** وحاولت اســــتبعد مســـافاتك
واني متـــل ما بروحك تدفيت *** بــــدّي الدفــــا لاقيــه بـــرّاتك
وبرّاتك الدنـــي ما الهـا وجود *** ولا الداليـــة بيزورهـــا عنقود
وجواتك الحب ال م فيلوحدود *** وكيف بدو يطيب صوت العود
ان ما زارت الاوتار لمساتك
. . . ..............
وعــــم بفتكر شو كنت شو صفيت *** بعد ال ســــحبتي كـــــل قواتك
صحـرا كنت تاريخهــــا يـــا ريت *** ومن بعــــدت ما رتـّــلت اياتك
طاف الخضار بمطرح ال صليت *** وطفل الشعر كاغى ع همساتك
وكلما يطـــلوا البيت بعــــــد البيت *** اشــــهق وقلـــك هـــــود ابياتك
وصرت القصيدة بيوتها ان وعيّت *** يوعّى بحـــروفي طيف بسماتك
وهـــلق ماعـــدت تنطــري بالبيت *** وكبي الاســـــود من خـــزاناتك
ومن حيث من بعـــدك انـــا توفيت *** انشالله البقيـــة تكـــــون بحياتك
-------------------------------------------------------------
ع الماشي :

قالت تأنى شوي بالمشـروب *** صحتـــــك ع الشرب معوجّة
قلتلها ما بينمحــى المكتوب *** وان كان اسمي للسما مطلوب
ما في حدا بيوقف بوجّي



يا زمن لاعب لعبتـــك فينــــــا *** مصمم الكاس المر تســـقينا
ع الدني جينــا ملك مش ايجـار *** ولو نعرفك ملاك ما جيـــنا
نحنـــا الدمـــــوع بمقلة الاقدار *** اجفانها ان رفت بتــــــرمينا
نحنا الاغانـــي بســكتة الاوتار *** بتتوحم الريشـــــــــة تغننينا
نحنا الزهــــور العاشــــقة آذار *** واذار منّـــــــــو ملتكش فينا
نحنا الحجار بموسـم الاعمـــار *** ناطــــــرة مداميــــــك تبنينا
نحنا الورود وطالـع الاعصـار *** بحضنك يا بيت الشعر خبينا
ونحنا حلم بحـــــار بالابحـــار *** وانت يــــا مينــــــا ما تنسينا
البحار مهما يطول المشـــــوار*** لابد ما يردوا الحنين رجـوع
ويشبع غفا ع مخدة المينا

الى الشاعرين شفيق وسليمان منيح للي الشعر عندو غيركم ولاد )
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ياشــــفيق ويــــا ســـــــليمان العياد *** لازم تجي من شرفة بيوت الجــــــداد
وياريت من اقلامكــــــم جف المداد *** من قبل ما نلبســـــــلكم ثوب الحـــــداد
منيح اللي عندو الشعر نسل بهالبلاد *** من وزنتـــــي يـــــــلقي عليه الاعتماد
ولو كان مالو غير انتــــــو وبالعناد *** عملتو ببعضكم متل ما منخصي الجياد
كـــان بـــــدو الشـــعر زوجة ثانيـة *** حتّــــى يغيّـــــر نســـــل ويخلف ولاد


الى المدير :
________

يا مديـــر المنتــــدى مافهمت كيف *** بتحذف على كيفك فلذ اكبادنا
منيح ال ما بدها ولادنا منك رغيف *** كـــان بيجوع الحرف ببلادنا


________________________________ معــــن محمّـــــد

[/COLOR][/SIZE]

[shemi5]

[SIZE="6"][COLOR="DarkGreen"][COLOR="Red"]قال الشاعر الكبير اسعد سعيد بحفلة المدينة الرياضيّة للشاعر طليع حمدان[/COLOR]
وعا سيرة الأرزة العلمها اللي خصيك***ان دار البحث بالعلم أسكت يا فريك

***************************************

استاذ رامي بيفهم وعندو أصول***يحذف كلام بيجرح وبرجع بقول
ها المنتدى بالشعر ما بدو جدا***بدو الحقيقة يشوف شعّار الفحول
******************************

يا شاعريينا الكبيرين شفيق وسليمان كمّلوا وهيك الزجل بيكون بالنكتة والسهل الممتنع والتوريّة اللي اكيد بيفتقدها كتير بها المنتدى
من المستشعريين بهنّي حالي بهيك شعراء ويا ريت بيرجع راجح وسجيع
ونعمل شي جولة يا راجح من الزنار ونازل شوف يا استاذ معن الأرشيف واقرا للشاعر راجح وسجيع ورجاع رد عليي خبر

شامخمعمحبتي[/COLOR][/SIZE]

[shemi5]

[SIZE="6"][COLOR="DarkGreen"]نحنا الحجار بموسـم الاعمـــار *** ناطــــــرة مداميــــــك تبنينا


شي حلو استاذ معن بس الحجر بدو نحّات متل ما قلت والنحت بالزجل مهم ولا تخاف شامخ شاقوف رح يكسر راسك

تا تصير حجر ملطّش وخرج البنا
شامخمعمحبتي

[/COLOR][/SIZE]

[نمر شبّو]

قا[SIZE="6"][COLOR="Navy"]

ل الشاعر الكبير اسعد سعيد بحفلة المدينة الرياضيّة للشاعر طليع حمدان
وعا سيرة الأرزة العلمها اللي خ[COLOR="Red"]صيك[/COLOR]***ان دار البحث بالعلم أسكت يا فريك


للتصيح فقط :

[COLOR="Red"] عاسيرة الأرزي وعلمها لما خفيك [/COLOR]*** نْ دار البحث بالفهم اسكت يافريك

هالكلمة مابعتقد الأستاذ الكبير أسعد قالا بحياتو المنبرية من هيك بقي كبير
ونحنا ياشباب وبكل محبة في حرمة للكلمة لازم مانتجازا تانبقا كبار

مع محبتي للكل

[/COLOR][/SIZE]