نتيجة مسابقة مشتاوي ( للقصيدي الملكي )

[amigo]

[SIZE="6"][COLOR="Red"]

السادة شعراء موقع مشتاوي المحترمين و المشاركين في مسابقة مشتاوي للقصيدة الملكة .
بعد التحية أرجو تقبل اعتذارنا الشديد بالتأخر في نشر نتائج مسابقة مشتاوي ( للقصيدي الملكي ) وذلك لأسباب خارجة عن إرادتنا . تتعلق بصعوبة التواصل لتسليم واستلام القصائد المشاركة باليد للجنة التحكيم المتواجدة في مناطق متفرقة من لبنان .
كما ونشكر لجنة التحكيم المؤلفة من السادة الشعراء ( موسى زغيب - رفيق روحانا - وليم الحسواني ) على تعاونهم .
ونعرض لكم النتائج بخط يد لجنة التحكيم , ونرجو أن تنال الرضا .[/COLOR][/SIZE]




[SIZE="6"][COLOR="Blue"]لمشاهدة جميع القصائد المشاركة بعد نشر اسماء الشعراء مرفقة بالأرقام . يرجى الضغط على الوصلة التالية :[/COLOR][/SIZE]

[URL="http://www.mshtawy.com/article-2212.html"]http://www.mshtawy.com/article-2212.html[/URL]


للتوضيح : تم ارسال النتائج باسم الشاعر حسان بسطاطي وذلك لأن السيد حسان بسطاطي هو من قام بتأمين الاتصال باللجنة لاخذ موافقتهم على التحكيم والطرق المناسبة لاستلام وتسليم القصائد .

[slayman]

[SIZE="6"][COLOR="Navy"][COLOR="Red"]حبيت وفّر عا الأدارة التعب ونزل القصايد

رقم 22[/COLOR]

آه يا هالتاج


شو بيغار !!


و بيحسدك


أيلول عا آدار


نقّط دهب وجـّك


عَ خد الإيد


متل الندي


اللي نقـّط من النار


غروبـَك يا وهج الشمس


عَ القرميد


و صبحـَك يا أحمر


عا زهر جلنار


عا شـَعرها


نازل قصيد جديد


نـَزلة سما


عا شمعدان الغار ..


شِفـْتك سَفـَر نجمه


بَلا مواعيد


و متل الصِدف


واقف عَ باب الدار


من شَعرها


صبـّيت كاس نبيد


و خلـّصت خصله


و صرت صب نهار


يا تاج ..


كيف بْتلبـِسَك بالعيد ؟؟


و كيف حْمِلـِت


وهج و حلا و قمار ؟؟


طـلـّع و قلـّي


من بعد تنهيد


قدّيش .. !!


بـِتـْغاروا يا هالشعّار


....


لا تسأل النجمه


عَ ضو بعيد ..


و ليش القيامه


بتلبس المسمار !!


و إبن الله


بيحملو النجـّار !!



[COLOR="Red"]وهي تاني قصيدة رقم 18[/COLOR]
بالليل طلعو ع السهر


حوَّشو نجوم السما


لمّو عن تلال المسا


ضو القمر


من لون فضِّة ساقية


و لون التلج فوق الجبال النائية


و الزنبق العربش على دراجك


بمشتى الحلو


عِملو الحلا تاجك


********


و قديش انتي بتشبهي هالتاج


يلي بحلا مشتى الحلو مشغول


لمّا انسكب لون الشفق


ع العاج


فتّح خدودك ع ورد مخجول


و تطليعتك ..


غيبة شمس ع جبال


فيها متل و عد بمدى مجهول


شفافك متل جرح الكرز


كرمال


عنق البلغوى ميّال


كسرت النجمة حالها بعقد الخرز


و الريح صارت شال


*******


ويا ملكة الصيف اللي مارق طيف


ع بيوتنا ...إنطل الشتي بكرا


شو اللي بيبقى من ليالي الكيف


إلا الغنيّات و الذكرا


و شواللي بيبقى من الكـَرِم للضيف


إلا خوابي الشعر و الخمرا


شو اللي بيبقى من ليالينا


من عجقة الساحات


من طلة الحلوين ع الطرقات


شو اللي بيبقى من أسامينا


شو اللي بيبقى


من زهور الصيف


إلا كرستينا









[COLOR="Red"]وهي رقم تلاتي 19[/COLOR]

لمّا الجَمال


بْيـِعْزمك عا سِفـْرتو


و بْـتلبسي ضَوْ القمر


بْـتِفتح قـْصور المملكه


بْواب الصَحوْ و درفه


عَ شبّاك النـَظر


و بْـتـِفرش اللهفه ..


بسجّاد العطش !!


و بْتمرقي متل المطر


قوس القدح


لابس خـْيالك هَالحلو


حامل قناديل السَحر


و بالليلْ لمّا بْتوصلي ..


بيرجّع النجمه


متل درب الخطر


تا تقعدي ..


وتَ تـْـقرّبي عَ المايده


بيردّها متل السَهر


بيبَـلـّشـوا.. ضيوف القصر


من طلّتك


يتضيّف نـْبيدُن سَكر


من كتر ما بيتضيّفوا


و بْيــِدلق خـْيالك


على كاس الحَجَرْ !!


من لهفتو


عا وَهْجك.. قـْزاز الشـَمع


بـِالهيكل بْشوفو انكسر...


بتغمّض عْيونك


على شِفّة صِبـِح


بتدوقها شفّة وتر


و بْتشرب الكِحْله


على صَوتك صَلا


وبـِتـْربّع جْراس السَهر


وكلما السَمع يـِشْبَع خـَبر


من صَوتك و تـِتـْلوّن


عيونك صور


قدّيش .. بتمنّى أنا وواقف


عا شبّاك الدني .. وجّي سَفـَر


شوف الحَلا سَهل بْسَما..


وشرشف ندي


بْصِبح انغمر


و متل ما بيجوع


وجّك للحلا


بتجوع للحُب البـَشر..



[COLOR="Red"]وهي رقم 23
ملكة جمال الصيف[/COLOR]

من قبل ما جبين الصلا يعرق حلا


ويمرق بِ بالو طيف


ومن قبل ما قلبو من السحر انتلا


وتلج الصبح بالكاس شفّق ونجلا


ويسكربليلة كًيف


ويرن سيف بسيف


وتشهق المشتى ياهلا


بملكة جمال الصيف


***


وعينين بوابة مدا


بتضيق عَ وسعن دني


كونين شو ألهن صدى


وضحكة ربيع مولدني


لونين غفيو عَ الهَدى


ووعيو بلوحه ملوّني


***


وشفاف لعبة طفلتين زغار


بيوعا الصبا فيهن على حالو


تركو الطفولي تحتق بالنّار


ونيرونهن روما الحلا قبالو


وتوشوشو وتفلفشو الأسرار


وقلو ماعدنا زغار صرنا كبار


علينا القمر عم ينشغل بالو


" عَطّشونا وطرطشونا خبار


وكلمات مش كلّن بينقالو"


***


لملم عبيرك من حروف الشوق


ياورد حتّى للقصايد تنسما


ويغفا عشب دعساتها مسرح دمى


ويعرق قمر همساتها من الذّوق


" حلوي السّما لّي تحت ... بس الفوق


أحلى من الفتّح بعينيها سما "


***


تاجك شموخ الصيف عرشك عزْ


ولونك تغنّج عَ شفق أيلول


خدودك عَ دقرا دمّها بينزْ


من لونها الزنبق فتح منزول


ومن قبل ما كاسك شفافو تمزْ


فصّل الشمس ولبّسك مريول


ومرجوحتك بلّش بإ يدو يهزْ


" وشو مايقول اللورد عنّو يقول"



[COLOR="Red"]وهلق يا شباب لجنة الحكم اعطت رأيها بدنا رأي اعضاء مشتى الحلو بكل تجّرد رح بلّش برأيي الشخصي القصايد كتير حلوة والقصيدة الأولى بتستحق بس بعتقد أنو اللجنة اختارت القصايد اللي فيها شعر بس

وظلمت القصايد الزجليّة مش كرمال قصيدتي لا قصيدة درجة عاشرة بس في قصايد زجليّة كان لازم اللجنة تنوّه بجمال القصايد

وهلق ناطر رأي الشباب

[/COLOR][/COLOR][/SIZE]

[عصام يوسف]

[poem=font=",7,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
حسان يا محلا أغاريدك =عيد القصيده و الشعر عيدك
بالعيد من يوم اللي كنّا صغار= نفرح عند ما نلبس جديدك


و لليوم بعدك يا نبع فوّار= جرارنا بتشرب أناشيدك
عا شاشة الزنبق صرت أخبار= و الذاكره بتضل بتعيدك

ربّيتنا عَ المَجْدنه و الغار= كيف ما منكبر بتمجيدك ؟!
وباخوس إله الخمر منّك غار =و بعلبك استحلت عواميدك

قدّيش علّمت العطر.. أزهار= و الكاس علّمتو .. من نبيدك
و حتّى تدفّي قصايد الشعّار= لبّست بيت الشعر قرميدك

مازال موسى توّجك آدار= و لبنان حبّه من عناقيدك
و مشتى الحلو مرقة إلك مشوار= رموشها دابت بتسهيدك

لوجعّد جبين الدني الختيار= و تخربط الوقت بْمواعيدك
لا تسالوا بمشتى الحلو شو صار= بيكون نقّط من خْيالك حبر
و هزّت على وراق السما إيدك=[/poem]

[بسام بسطاطي]

مَبروك تاج الـدَّهَب

[SIZE="7"]

[COLOR="Red"]مَبروك تاج الـدَّهَب

مَبروك يا حسّـان حَظـَّـك شُـو مْليـــــح
رْبحْت القصيدة وغـَرَّقـَـكْ مَوج المديح
سبحان ألله اللي عَطى الكِلمِـــة ووَهَب
ومن دونْ بَيضة فـَقـَّسْ الدِّيك الفصيح
بْكانون ... تـَلجَـك صـــار مَينـَقـِّط لهَب
ودَمْ الأفاعي ... تـَلـَّج بْـآب الفـَحيـــــح
وشَـلـَّـــــح دَهَب أيلـول ... آدار ونـَهَب
من دَهَب فِـكْـرَك , فصَّل التـَّوب المُريح
ولـَبَّـس صَلا الخَضرا عَبـاية ْ بُو لـَهَب
وبَـرَّأ صِـدي مِسمار من كَـفْ الجَـريــح
وهَيكي القلم قـَلـِّي وبـِعـمرو ما انـْرَهَب
مِن كِـل كِلمِـة ْ حَـق بلسان الصَّــريح
إنـت ... القصيدة اللابسة تاج الدَّهَب
أمَّا أنا ... مَـكتوب عا جْبيني العَـذاب
بْشَـوك القصيدة اللابسة دَمْ المَسيـح
*****[/COLOR]

[/SIZE]