يا غالية ( شعر تفعيلة )

[Firas H]

[size="5"]

[COLOR="Green"]يا غالية
ما كان بالمعهود
تترافقي
مع موكب الغيّاب
تبني ..
بوجه الـ قدّروكي
ســـــــــدود
حيطانها ..من وعود
فوق وعـــود
وإنتي عيونك ...
خلّت ( الســـــــــيّاب )
يكتب شعر
عن نخلك الممدود
عن دربك المفقود
عن بابك المقصود ..
والموصود

يا غــــــــــــــالية
يا ريت أعرف وين
شـــــوفك ....وهنّي
في لقاكي العين
لكن بعد رفقة سوا ....
سنتين
لو كان طرتي
عا جناح البين
منّي خدي يا غالية ..
درسين
فيهن بوفـّي
شو عليي دين

1 في ناس
متل البرتقانة
مشكّلة
مرّة بتطلع فاضية
ومخصوَرة..

ومــــــــرّة بتطلع
حامضة ومعصوَرة

2 في ناس متل السنديانة
بتعتلي
إلا بنهر وساقية
ما بتنشـــــرى
وإلا المجد
عا غصونها
ما بينقرا

يا غالية
بالرأي تا تتيقــّني
لازم بقسوة
فكرتك تتليّني
ولا تجبريني بالغصب
آخد قرار
ما عرفت
عا أيّ قرينة منبني
الإنسان
ما بيختار
بَنْ ليل ونهار
ولا احتار
مرّة بين نحلة
وسوسنة
لكن إذا فرضتي عليي
الاختيار
بأبيض وأسود
بس لازم اعتني
لا تفكّري
صارت حياتي مْمَرمره
وصرت
بمضيقات التجافي ..
"مَرمره"
اللي مكلبش
وصابر عا جور الأزمنة
من ميل ( أبيض ) فرّق
شعوب الدني
ومن ميل ( أسود ) ..
عكــّر الطبع الهني[/COLOR]

[/size]

[slayman]

[SIZE="6"][COLOR="Navy"][COLOR="Black"]في ناس متل السنديانة بتعتلي
إلا بنهر وساقية ما بتنشرى
وإلا المجد عا غصونها ما بينقرا[/COLOR]


[COLOR="Red"]حلووووووووو يا فيراس[/COLOR]

دروب المجد لا تخاف قدّامك


والورد فتّق عطر بكمامك


والروح أطهر من ملاك زغير

وشاعر في عندك موهبة وتصوير


وألهام الله هيك ألهامك[/COLOR][/SIZE]

[كريندايزر]

[SIZE="6"][COLOR="DarkRed"]قلك حلو الأستاذ يا فييييراس
و شعرك حلو بالفعل ..و القفلة

شعرك قبالو من الصعب ينقاس
شو جاب طول الأرز ؟ عالدفلة ؟

واحد مشابه شعر بو النواس
و واحد ع شكل ال طالعة بيدر
شافا و قلها شفتك يا جفلة[/COLOR][/SIZE]

[عصام يوسف]

[poem=font=",7,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
تمَّك مغاره .. بْبابها الصوت انرهب = قدّيش فيها كنوز.. سبحان لْ وَهَب
و من كتر ما فيها حكي و فيها سكوت = لصوص السَمع عم يسرقوا فضّه و دهَب [/poem]