عيون الحلوين

[سمير هلال]

[SIZE="6"][COLOR="Blue"] عيون الحلوين
........................
مـاكـانو عـيونك يعفو ........ قلبي المسكين

والشاعر نقطة ضعفو ........ عيون الحلوين

ـــــــــــــــــــــــــــ

قالو الناس الشافوكي ........ طلعتي مشوار

بلقيس بتاج ملوكي ........ ولاحة عشتار

الرسّامين استحلوكي ........ بعين الشعّار

والشّعار استوحوكي ....... من الرســـّـامين [/COLOR][/SIZE]

[سمير هلال]

[SIZE="6"][COLOR="Blue"]أسمك بكتب قصدانو .......... عبـواب الصيف

تا يتنقّـل فنجانـو .......... من ضيف ل ضيف

عخدودي لما بانو ......... ألـوان الطيـف

صابيعك هنيّ كانو ......... قـلام التلوين [/COLOR][/SIZE]

[السهروردي]

[SIZE="6"][COLOR="Green"]طاب الـملقى بجـودك..... زهـر نيسـان
وفتح بسـتان ورودك.....كل الالــــوان
لما عصرنا عنقــودك.....طاف الفنجان
وفاح الزنبق بخدودك....عطر اليسمين

مع حبي ابو الوفا[/COLOR][/SIZE]

[سمير هلال]

[SIZE="6"][COLOR="Blue"]الصيّاده نزلتي ليهن ........ من أعلى تل

ما في جفت بإيديهن ........ لاقـالـك حل

وقت الشافو بعينيهن ........ كرج الترغل

عرفو بزياده عليهن ........ عصفور التين [/COLOR][/SIZE]

[انهل دبس]

تحية حب ...

[size="6"]

ما كانـو عـيونِـك يعْـفو *** قلبي المَسكيـــن
والشَّاعِـر نِقطِة ضِعْـفو *** عـيون الحِلوين

عيونِـك ... ألله حاميهـا *** بـِسيـوف الشَّام
وكِل نـَبْـلِة عَـم تِرميهــا *** بتِحْكُـم إعْـــدام
دَخْـلِـك عَنـِّي زيحيهــــا *** مِشْ قادِر نـــام
لا جْـروحي بـِتـْـداويهـا *** ويا رَب تعيــــن
*****

[/size]

[سمير هلال]

[COLOR="Blue"][SIZE="6"]عشتي بيماضي عصرك ........ خيبة آمال

مستثنيكي ومختصرك ....... حكم الرجّال

تحرّرتي وعيّد خصرك ....... عيد استقلال

من أوّل جوله بنصرك ....... ععقول الطين[/SIZE][/COLOR]