((( عيد المعلّم )))

[سلوم الياس سلوم]

[poem=font=",6,green,normal,normal" bkcolor="transparent" bkimage="" border="double,4,green" type=0 line=1 align=center use=ex num="0,black""]
عيد المعلم=
هديَّة إلى المعلِّمين في القطر العربي السُّوري =
اجتمعت قيادة شعبنا اختارت نهار= تَ تكرّسو عيد المعلم هيك صار
احتفلت صروح العلم في كلّ الدّيار= وفي كلّ عام العيد مع نبت البذار
بيتبادلوا رموز المحبّة مع اقمار= أطفال فتيان وشبيبة وإختيار
واليوم عرفان ووّفا بجهد الكبار= اللّي تقدموا بالسّن لو كانوا كثار
تكريمهم حقّ ولو مننشر اخبار= عن جهدهم رغم الصّعوبة والعثار
تقديرهم واجب علينا باعتبار= عنهم أخذنا العلم مذ كنّا صغار
وحيث المربّي الشّهم مابيجمع غبار= كلمة شكر بيشوفها أغلى ثمار
بيعتز فيها عن كرامة واقتدار= بيحفظ معانيها بزهوّ وإفتخار
بصلّي لربّي عن ثقة وبرفع شعار= يصير العلم في كلّ قرية وكلّ دار
والمعلمين يزيدهم نعمة وغنى= محبّة وعزّة نفس مع طول العمار
* * *=
شفت العلم لبّس متن الزغار غار= والجهل مهما غليت الأسعارعار
ماعدت إهتم بمعادن لامعة= إلاّ ما إحرقها بنار الإختبار
*=
الجاهل غوي بالتّبر بالإلماس ماس= تبختر تكبّر عمل عَ الحرّاس راس
تعظم تجبّر جوهر الأقداس داس= تيغش غيرو عتبة العبّاس باس
لمّا اختبرنا معدنو بمخبر قياس= كشفنا التّبن عن جوهرو طلّ النّحاس
طلع بميزان المختبر لايعتبر= لافي ثقافة ترسملو ولا في أساس
* * *=[/poem]

[أبو شادي]

المعلّم

[SIZE="6"][COLOR="DarkRed"]:biggrinje:biggrinje:biggrinje

لِمْعَلّمْ الْمسْكينْ رافِعْ رايْتُو --- بْإسْمِ الْعِلِمْ دايِرْ بْيِحْكي حْكايْتُو
مِهْنِة شَريفِة وْشُو شَريفِة غايتُو --- بْتِعْكِسْ حَياتُو عَ قَزاز مْرايتُو
بْنِشهَدْ إلُو بالتّضحِيِة وْتِرْبايْتُو ---- ضَحّى بِوَقْتُو وْأخْلَص مْنِ بْدايْتُو
بَسّ الْحُكُومِة اللي بْمَعاشُو بْتعتَني --- رَدّتْ بِفَقرُو: بْدايتُو عَ نْهايتُو

***************

لَوْ أنكَروا أفضالْنا طُلاّبنا --- ألله يْسامِحْهُنْ عَلى أتعابْنا
بِكْفي فَخِرْ إنّا فَتَحْنا بْوابْنا -- عالْمَعْرِفِة، وْلَو كانْ فِضيُوا جْيابْنا
بِبْقُوا وْلاد الْمَدرَسِة أحبابْنا --- بْنُصرُفْ عليهن دَمّنا وْأعْصابْنا
انْ زاد الْمَعاشْ وْقَلّ،ما بِيهِمْنا -- بِالآخْرْة خَلّي عَ ألله حْسابنا

مع حُبّي وتقديري
للعلم والمعلّمين[/COLOR][/SIZE]

[سلوم الياس سلوم]

[SIZE="5"][COLOR="DarkGreen"]

الأخ أبو شادي المحترم:
أشكر لكم مروركم على الموضوع , كما أشكر المشاركة اللَّطيفة والواقعيَّة التي تفضَّلتم بها .
مع محبَّتي واحترامي .

[/COLOR][/SIZE]

[أبو شادي]

رد لسلّوم

[SIZE="6"][COLOR="DarkRed"]
:o

حبيب القلب سلّوم

شاعِرْ أنا وْعِنْدي الْقَوافي مْكَدّسِة --- وِمْعَلّمْ وْحامِلْ رِسالِة مْقَدّسِة
بِالْمَدْرَسِة بْعَلّمْ تَلاميذي الأدَبْ --- وْفاتِحْ بِبَيْتي لِلْقَوافِي مدرَسِة

مع مودّتي وتقديري
أبو شادي[/COLOR][/SIZE]

[سلوم الياس سلوم]

[poem=font=",6,green,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
خيِّي بو شادي في الرُّبوع المشمسي = بعرزال دوح الشِّعر مشروعو رِسِي
نوَّرت صفحتنا يا خيِّي بْطلِّتكْ = بشكر مرورك بالقوافي المؤنسي
* * * =[/poem][SIZE="4"][COLOR="DarkGreen"][COLOR="DarkGreen"]ـــ شكري لكَ أخي الحبيب أبو شادي . أفخر وأعتز بما تفضَّلتَ به من عبارات تعبق بالمودة والاحترام , وأنتَ أهلها .
مع خالص محبَّتي .[/COLOR][/COLOR][/SIZE]