موشّح لعيد الأم

[أبو شادي]

:

[SIZE="6"][COLOR="Purple"]ura::ura::ura:


مُوَشّحْ للأمّ

كُلّ الأعْيادْ مْهِمّة وْإلْها اسْتِعْدادْ
لاكِنْ ؛عيدِكْ يا إمّي أحْلى الأعْيادْ

إمّي ؛ يا أجْمَلْ صورَة وْيا أجْمَلْ لَوْنْ
الدّنيا بْعَطفِكْ مَغْمورَة يا سِتّ الكَونْ
سْألْنا رَبّ المَعْمورَة وِطْلَبْنا الْعَوْنْ
تِبْقى إمّي مَسْرورِة الفَرْحَة بْتِزدادْ


إمّي مَدْرَسْتي الأولى رَمْز التّهذيبْ
بْتِحْكي كِلْمِتْها المُثلى بْحِكْمِة وْتَرتيبْ
مينْ اللّي مِنّكْ أوْلى آمالوا تْصيبْ
مَحْروسِة بْعين المَوْلى بْحَسْنِة لِوْلادْ






مُفْتاح الجَنّة بْإيدِكْ يا بَسْمِة نُورْ
رَبّي مِنْ عِنْدو يْزيدِكْ صِحّة وِسْرورْ
يا سِتّ الكُلّ بْعيدِكْ بِتْضَوّي بْدورْ
الْفَرْحَة؛وْآذار يْزيدِكْ عطْر وْإسْعادْ


إمّي مْحَبّتْها: كِلْمِة شْعور وْإحْساسْ
بْلَمْسِة بِتْزَوّلْ هَمّي وْبِيروق الرّاسْ
إمّي؛مْحَبّتْها بْدَمّي وْلَوْ قالوا النّاسْ
شو إمّكْ؟قُلْتْ:بْإمّي بْتِعْلى الأمْجادْ


كِلْمِة إمّي مَ حْلاها أحلى مْنِ الشّهْدْ
عَيْن الْمَوْلى تِرْعاها في صِحّة وْسَعْدْ
لَمّا بنْطُرْ مَلْقاها بْتوفي بِالْوَعْدْ
وِالْعيلِة بْتِسْتَنّاها بْأجْمَلْ ميعادْ[/COLOR][/SIZE]

[علي عامر]

[COLOR="Teal"][SIZE="5"]

يا عيني ع الشعر

رائع استاذ ابو شادي

[/SIZE][/COLOR]