30-04-09, 11:29 PM
[SIZE="6"]
[COLOR="Red"][SIZE="5"]من روائع السبعلي
كنّا أنا و أسعد السبعلي مرّة عَ السطيحة بْ بيتو
أنا كنت قاعد عَ المعرجليني وهوّي قاعد عَ كرسة قش منكوشي بنصّا وكان بيناتنا سكملا عتيقا عليّا كاستين نبيد ضيّفتنا ياهن بنتو ( سلوى ) .
وكانو المكاريي راجعين من شغلن غيبة الشمس يقلّولو من تحت السطيحة " الله معك يا أسعد " يقلّن الله يعطيكن العافي " حوّلو "
بتذكّر يومتا سمّعني قصيدة ( الملك لله )
وحكاية هالقصيدي كان مرّة طالع عَ الباروك لعند رفيقو الشاعر ( أمين نخلي ) أبن المرحوم رشيد . لمّا مالاقاه را ح نطرو قدّام فيلاّ
كبيري صاحبا كاتب عليّا ( الملك لله ) وهادي كلمي عظيمي . بس الواحد بيلتفت نتفي فيّا بتضيّع صاحبا
من هون قال هالقصيدي :[/SIZE]
[COLOR="Navy"]وبيت عالي بيطرف عيون السّما
وشوف أنسانيّة صحابو
كتبو ( الملك لله ) عَ بابو
صار ألها ملك عَ الأرض السّما
***
رخام من إيطاليا دراجو
صنوبرو بيزاحم سياجو
الحيطان عَ لون الورد
مطليّة دهب
ولوحات عَ الحيطان
السّجاد من طهران
تريّات متل الشمس عم تضوي
برونز اشتغلها الفن عَ فضوي
والبيت عم بيوجّ .. بالنور التهب
***
شبابيك برداياتها هدل الحرير
خيطانها انغزلت من دموع الفقير
قناني النبيد جايّي من فرنسا
والزهر شغل الصّين
والمزهريّي من فلورنسا
وهيك بدّا حلوة الحلوين
***
والسّت معتادي قبل ماتنام
بالعطر تفرك صدرها الخدّام
حموة شمس حمّام
غيبة شمس حمّام
و" شيانلو " جلدو عَ لون الفحم
منجعي عَ كرسة الهزّاز
معطّر بريحة جنسها ممتـــاز
ورقبتو تخنت عَ أكل اللّحم
***
ودقّت عَ باب البيت أم معتّره
أبنها بلون الشمع خدّو
عريان وضلاعو بينعدّو
وصارت
تدقّ ...
تدقّ ...
ماردّو
***
وعبد شقفة ليل عينو مجمره
لمن لمحها واقفي عَ الباب
قلاّ قبل ماتشوفك السّت ارجعي
ولهون بعـد ليوم اصحك تطلعي
ونْ رجعتي بيفلتو عليكي الكلاب
***
رجعت وصار الدمع بعيونا يسيل
وعَ هالبشر يارب شو بالك طويل
***
كتبت ( الملك لله ) شو فيها غرور
أسم الله بهالعبارة بتجرحو
رب السّما عَ الأرض مش عاوز قصور
روح شيل أسمو وحط أسمك مطرحو
ــــــــــــــــــــــــــــــــــــــــــ اسعد السبعلي [/COLOR][/COLOR]
[/SIZE]
كنّا أنا و أسعد السبعلي مرّة عَ السطيحة بْ بيتو
أنا كنت قاعد عَ المعرجليني وهوّي قاعد عَ كرسة قش منكوشي بنصّا وكان بيناتنا سكملا عتيقا عليّا كاستين نبيد ضيّفتنا ياهن بنتو ( سلوى ) .
وكانو المكاريي راجعين من شغلن غيبة الشمس يقلّولو من تحت السطيحة " الله معك يا أسعد " يقلّن الله يعطيكن العافي " حوّلو "
بتذكّر يومتا سمّعني قصيدة ( الملك لله )
وحكاية هالقصيدي كان مرّة طالع عَ الباروك لعند رفيقو الشاعر ( أمين نخلي ) أبن المرحوم رشيد . لمّا مالاقاه را ح نطرو قدّام فيلاّ
كبيري صاحبا كاتب عليّا ( الملك لله ) وهادي كلمي عظيمي . بس الواحد بيلتفت نتفي فيّا بتضيّع صاحبا
من هون قال هالقصيدي :[/SIZE]
[COLOR="Navy"]وبيت عالي بيطرف عيون السّما
وشوف أنسانيّة صحابو
كتبو ( الملك لله ) عَ بابو
صار ألها ملك عَ الأرض السّما
***
رخام من إيطاليا دراجو
صنوبرو بيزاحم سياجو
الحيطان عَ لون الورد
مطليّة دهب
ولوحات عَ الحيطان
السّجاد من طهران
تريّات متل الشمس عم تضوي
برونز اشتغلها الفن عَ فضوي
والبيت عم بيوجّ .. بالنور التهب
***
شبابيك برداياتها هدل الحرير
خيطانها انغزلت من دموع الفقير
قناني النبيد جايّي من فرنسا
والزهر شغل الصّين
والمزهريّي من فلورنسا
وهيك بدّا حلوة الحلوين
***
والسّت معتادي قبل ماتنام
بالعطر تفرك صدرها الخدّام
حموة شمس حمّام
غيبة شمس حمّام
و" شيانلو " جلدو عَ لون الفحم
منجعي عَ كرسة الهزّاز
معطّر بريحة جنسها ممتـــاز
ورقبتو تخنت عَ أكل اللّحم
***
ودقّت عَ باب البيت أم معتّره
أبنها بلون الشمع خدّو
عريان وضلاعو بينعدّو
وصارت
تدقّ ...
تدقّ ...
ماردّو
***
وعبد شقفة ليل عينو مجمره
لمن لمحها واقفي عَ الباب
قلاّ قبل ماتشوفك السّت ارجعي
ولهون بعـد ليوم اصحك تطلعي
ونْ رجعتي بيفلتو عليكي الكلاب
***
رجعت وصار الدمع بعيونا يسيل
وعَ هالبشر يارب شو بالك طويل
***
كتبت ( الملك لله ) شو فيها غرور
أسم الله بهالعبارة بتجرحو
رب السّما عَ الأرض مش عاوز قصور
روح شيل أسمو وحط أسمك مطرحو
ــــــــــــــــــــــــــــــــــــــــــ اسعد السبعلي [/COLOR][/COLOR]