شريم و بيدق

[محمد حسن شريم]

[SIZE="6"]

تكرم عينك

[/SIZE]
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
من قبل ما تدعي الشريمي عالنهوض =صوب التحدي ،للتحدي في فروض
مش كل من قدم على المسرح عروض =فنان صار وكترة عليه العروض
حرب التحدي كون بيلفو الغموض=من هيك سلم لا كسور ولا رضوض
ومن حد حج ال خلق متحدي الزمان=زيح بكرامه وعز يا حج العروض[/poem]

[بيدق]

[poem=font="Times New Roman,7,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
========================================
لما دَعيتك يَا مَعَالي شريم بَيك = كان القصِد يا صَاح تِفرد جَانحَيك
تاري يَ خيّ الختيره بَانت عليك = ما عاد مـ ـنـ ِّــك فايده وما عَاد ليك
ومن حيث يا ختيار صار الحال هيك = رح سلـ ِّـ ـ ـم بهالشوط تكرم عَينتيك
وْ حدك أنا رح ضل دوزن مطلعك = خايف يَ جـ ِـدو يزحطو عـ ُـكازتيك

========================================[/poem]

[poem=font="Times New Roman,7,red,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
بْعزه وْكرامه زيح ....شو هالأمتهان = مَ بْيهرب من المعركه إلا جبان
وما زال متحدي الزمن بالعنفوان = إوقاف أعوج بس أحكي بْأتزان
وْ ردِّ الكـ ـَبر والعجز بحروف البيان = ومن نور سحر الموهبه حـ ـنـ ِّـي يديك
لما دعيتك يا معالي شريم بيك = ....................................... الخ
======================================= [/poem]

ملاحظه :
هالنمط من التنويع بقوافي بنفس الرده أتبعو موسى زغيب في مباراة فقره مع زغلول الدامور كان كل ما يعيد رده يبدا بقافيه جديده ويرجع للقافيه الأولى .........وحبيت أتبع خطاه من باب أحياء هالنمط .........

[COLOR="Red"][SIZE="4"][/SIZE][/COLOR]

[محمد حسن شريم]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
جدك انا بالزجل ثبتها البيان =قوم بوس ايد جدك في حنان
وشو كان قصدك من محاورتي كمان =مش سر خافي ،عالنجيب السر بان
نسر حطيت بسكينه مش هوان =وبفرد جناحي كل ما آن الأوان
مختير انا ،اسمع يا أرز وسنديان =ولا تواخذو متلو حكي فلان وفلان
شوف بفلاسفة الدني بأيه مكان =شابو تاصارو مثل عاجبين الزمان
قلت عنك حج علم ب اتزان = عن امتحان رسبت في هالامتحان
ضل حدي انكنت عنتر مش جبان =وافهم عليي وقمح فرق عن زوان
ولا تخاف بوآدام اذا مره زحط =عكازتو نفسو الملاني عنفوان[/poem]

[بيدق]

[poem=font="Times New Roman,7,red,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
==================================
عُكازتـ َـك لَ تهزها بـ ِـكـ ْـفِي وَعيد = وبعنفوانك ...طولها حاجي تزيد
الوَاجب عَلينا نِخدمك هيدا أكيد = نِعطف عَليك ونحملك ونبوس إيد
وللفلسَفه والفِكِر يا جُدو العَتيد = بَعد الخـ َـرَف شو ضل في عندك رصِيد
لما حَكَم حَد ِّ المَناجل بالحَصيد = مَا ضَل غير القـ َش مِكـ ْـفِي عَ التراب [/poem]


[poem=font="Times New Roman,7,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]


==================================
مِن هيك لـ َـولا نور شمس العُمر غاب = بتقول ساق الله,,,, عَ إيام الشباب
ولولا الشـ َـعِـ ـرْ عَا مَفرقك يَا نِسر شاب = رَح تِحسدو عا لون جنحانو الغراب
سْْنين الكَبَر سَكراتهَا همُّ وعَذاب = وْ مَازاتهَا يأس وْ قنوط و إكتئاب
شـ ُـوف السَبع بالغاب سَاد بْمصغرو = وْبَعد الكـ َـبَر صَفـ َّـى وَليمِه للذِّياب
==================================[/poem]

[محمد حسن شريم]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]


بيدق تبنى الغدر وبسهمو ضرب=تاصار ديب العمر عايش عالهرب
وما عرف انو الديب غدرو ما انعرب=مش بس صوب السبع بالغابي اقترب
لا حمل وفر لا جمل حامل قرب =ولا الطفل يما الشب عن طبعو غرب
وانت ال غدرت بجد عنك ما ورب=حضنو ، وقلت خرفان كاسو ما انشرب
وموضوع كبر وصغر جبتلو الجرب=في شرع غابي فيه عالمنا اخترب
وحيث الشهامه فيك مخزون وزرب=وصوب الخياني سربك الاسود سرب
نحنا الشهامه مثل فينا بينضرب=نحنا الوفا الحان غناها الطرب
ومازال سخرت الضمير وبعتهن=بدك شطب من كل قاموس العرب[/poem]

[بيدق]

[poem=font="Times New Roman,7,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
==================================
شطـ ِّب أسامي مْن المعاجم شيلها = وعيف الشهامه حاجتك تشكيلها
وْكلماتنا لَ تـ ْـحرِّف بْتفصيلها = وبْغير مَعْنى عالغدر لَ تـ ْـحيلها
بعز وكرامه ِجْدودنا بـ ِـنـ ْـشيلها = عا روسنا وبْنِفـ ْـخر بْتبجيلها
لكن يَ جدي حالتك تأويلها= من واقعك بنقيسها وبنكيلها
عجزك حقيقه مْن الصعب تبديلها = راحت سنينك قسِّم وغنيلها
نحنا الشباب بْعزمنا بنحيلها = صْدور الأعادي نار ..وبنصليلها
أرض الجنوب إوقاف عَ مْقابيلها = وسْئال عنـ َّـا...... وللخلق إحكيلها ......
.......لولا الشباب بْعزمهن ردو العِدا = كان العَرب بَلِّ الدمع منديلها
================================ [/poem]

[محمد حسن شريم]

[poem=font="Times New Roman,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]



عجزي حقيقه كاسها منو انغرف =حيثي تركت الاصل وتبعت الطرف
غبنك يا شعري بسوق بيدق تنصرف=غبن الرساله ال جيت فيها تنحرف
انتو الشباب العزم عنكم ما انصرف =عزم عالكي بورد جلاب القرف
يا جيل انترنت للعيب احترف=فيك الكبت للسؤ اخلاقك جرف
ورد العدا في عزمكم حكيك خرف=لا تعرب بعلم الحقيقه ولا انصرف
بقوة جيوش الصهينه الكون اعترف=وبوج هالقوه الضعف عنا انعرف
وقدام هيك معادله الدمع انذرف=عاشرف في حقو الجرايم تقترف
حتى خلق بالشرق سيد حكمتو=قادت بحكمه مقاومه ترد الشرف[/poem]

[بيدق]

[poem=font="Times New Roman,7,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

===========================================
شوباك يا ختيار ضيقت المجال = تخمين حالك من نوابي الدهر مال
عصر العلم جيَّرت بحروف المقال = لْ عصر التردي والخنا والأنحلال
لا تشطح بْفكرك بآفاق المحال = هدِّي بـ ِـضرَّك يا حبيب الأنفعال
الحكمه... سِمَه ...تحصيلها صعب المنال = بْتِخلق مع الأنسان يا إبن الحلال
ما فيك تكسبها لو سْرَجْت الخيال = وْ لَ تـ ْـنولها يا خيِّ .... مهما العمر طال
وْ سيد حسن ....الله يا رب الجلال = يْديمو لْ شبابو ويحفظو عا كل حال
شبِّ إتبع منهاج سادات الرجال = من مصغرو الحكمه على كتفيه شال
مش متل يلـ ّـيِ ختيرو عَ عْروشهن = ولـ ِّـى بلاها ما نعفـ ِّـس بالمقال
===========================================[/poem]

[محمد حسن شريم]

[poem=font="Times New Roman,7,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ل شاب وما كفى عالعروش الواجبات=هيدا ربي من صغرتو عالسيئات
مش شيبتو اصل البلا يا بن الزوات=اصل البلا بصغر وكبر وجدان مات
وعن قصة الحكمه قلت عنها سمات=خلقت مع الانسان متل المعجزات
معقول حكيك صح بس المعطيات=بتقول شو رح قول اسمع في ثبات
الحكمه اذا خلقت بطفل واي ذات=عنها بسن الكبر عطيت بينات
سن الصغر معروف صبيان وبنات=طيش ولهو لعب واكل غزل البنات
وسن الكبر كلو تروي ومكرمات=زهد وصلا وتوبه وعبادي مع زكاة
وعن شيبة الختيار حاجي شائعات=هيبه الشيبه مثل قالوه الاباة
ومنو تبارك جلستو متل الصلاة=واقشع تجاعيدو على الاربع جهات
بتشوفها دروب بجهاد معبدي=بتوصلك عاكنوز تجربة الحياة[/poem]

[بيدق]

[poem=font="Times New Roman,7,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
===============================================
يا شيخ غـ َـفـ ِّـي لا تـ ْـزيد الفكر دين= درب المعالي صعب عَ العكازتين
وعا مذبح الأيام ضوِّي شمعتين = دولاب عمرك ما صفيلو لفتين
فرض الزكا والصوم هودي طاعتين = واجب عَ شب وْ شيخ ....لَ تـ ْـفرق تـ ْـنين
صلي لربك في تأني ركعتين = وْ غـ َـسِّل ذنوبك بالترجِّي وْ دمعتين
وْعا ...قدّ ....سمره حاجتك لَ تزيغ عين = كلك عَ بعضك ما بْتحمل غمزتين
وْعن تجربه قِلـ ِّـي يَ جدو بْكلمتين = وين زيفك من كلام الحق وين
لك ليش حتى تـ ْـشك عينك شوكتين = كرمال تكسب تجربه من الحالتين
يهديك الله تأمل بقول النبي = ( لا يُلـ ْـدَغ المُؤمِـ ـن ) يَ شيخي مرتين
================================================ [/poem]

[محمد حسن شريم]

[poem=font="Times New Roman,7,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
بالشخصنه من الضعف حاجي تستجير=انشخصنت بالموضوع راسك رح يطير
لساني متل مبرد يا متولدن كتير=في اصبعك حط الخواتم ! لا تشير
انجربت مش مره الف مره الحرير=تركني بظرفي انت مش قدي خبير
ولا يلدغ المؤمن ،شو خصو يا غفير=بخبرة حياة وتجربة عقل المنير
منحكي بجبر خاطر بتصرخ يا جبير=منحكي بسعر السوق بتجاوب سعير
جرب ابن سينا عشب الله الوفير=حتى علاج يجيب للداء المرير
وهيك متلو عالم الناسا الشهير=بالتجربي عالقمر صار قادر يطير
وهيك سيد بالسياسي عم يسير=ومع جنبلاط التجربي رجعت تصير
تركني لحرب صغار ما بدق النفير=جربتك وللتجربي امرك يسير
تركني كبير وانتخب نايب وزير=وخليك عالهامش يا قاصر بالسرير
تركني كبير المدرسي معين مدير=وخليك طالب ،علم مني تستعير
للشعر نحنا قوم شحرور وجرير=وسيد محمد مع نزار وشكسبير
معهم تركني كبير قوم الأرتجال=وخليك معنا خادم القوم الصغير[/poem]

[محمد حسن شريم]

[poem=font="Times New Roman,7,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
لو غبنا الغيبه مش ضير =لا ممنوعه ولا عيبه
انشالله يكون المانع خير =يا بيدق من هالغيبه

=====

يا بيدق قدرك ما خاس =حتى بلبسك للمريول
طالب علم معلي الراس=ولا كبير بجهلو مذلول
المقياس بكبر الاحساس=بالعالم وبكبر عقول
لا بكبر العمر المقياس=ولا بكبر وصغر الجيبه

=====

تحاورنا بين ابن وبي =وعن افضال كبار صغار
ما تحاربنا حي وحي=بقنابل شعلاني نار
ووحياة القيوم الحي=بيدق خيي بالاشعار
وربح الحرب بوج الخي=خساره بتنعد وخيبه

==========[/poem]

[فيصل البلعاوي]

[SIZE="6"]الحبيب أبو آدم الحاج بيدق في سفر بأدي مناسك العمره وبعتذر منك عن أنقطاعو عن الحوار معك

أخوك فيصل [/SIZE]