يا زارع الكلمات

[إبراهيم شلبي]

[poem=font="Traditional Arabic,7,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
فِ بيوت من صنع الشعر طالت معي الرحلات = وعارف أنا عن هالأرِض آخر مقامي نْزوح
بردّة قصيدي بعترف يا زارع الكلمات = سلبت فؤادي نغمتك تا فيّضت لي جروح
نفسي بروضك أنزرع ورده مع الوردات = وإروى بدمعك ع الصبح شربه ترد الروح
مثل الندى قطرة دوا تمسح أسى الزهرات = وعطر وشذا ينشر معه كل مَ النسيم يْروح
بْجَيُّه وْرَواحُه وْغَدوِتُه ما أطيب الهبّات = بيلاطف غصون الزهر حتّى شذاها يْفوح
وعصفور عا غصن المسا بيداعب النجمات = بنغمه شجيه وطيّبه سر القلب بيبوح
مثلي أنا طير المسا بيألّف حكايات = ويبنى فِ مملكة الهوى بِسمِ الحبيب صروح
ويحكي وِتَرغِل نغمته عا سلّم النوتات = بألحان من صدق الوفا فيها القلوب تسوح
وطيور بتجاوب معه وتردّد النغمات = جوقه أصيله مرتّبه اصطفت ع ظهر سطوح
والشمْس عا وقت المسا بتودّع الساحات = ونور القمر يضوي بخفر كَنّه الفضا بينوح
كل يوم في نفس الوقت تتكرّر الآيات = كَنّه الزمان برحلته ناسي الوقت مطروح
وكل يوم في نفس الوقت بكتب إلك أبيات = لكن عصيّه ع الغنا وصوت الحرف مبحوح
وقلبي وروحي موسوسه وعقلي معاكِ بات = وناظم لحبّك هالشِّعِر مثل العلم بيلوح
كلمات تخفق بالهوى.. تتنهّد بآهات = وعبرات ينزفها القلم فيها الأسى مشروح
كلمه ع كلمه ع السطر دمّي على الصفحات = ونفسي بإيدك أنمحي كل شي إلك مسموح[/poem]