عركة معنّى قصير بين بشار ابراهيم ومحمد شريم وشفيق ديب

[عمر]

جابوا شب على الحالين,,,,,,,,,,, تا يفرجينا إبداعو

رح بتشق الجفن العين,,,,,,,,, مش رح فيها بتساعو


عقلاتي ضاعو مزبوط,,,,,,,,, بدنيا الفكر المجليي

وعقلاتك لو بتاكل سوط,,,,,,, رح تبقى هيي هيي

بدي سباع الشعر تشوط ,,,,,,,,الليلي وتشد عليي

وما بدي متلك جلبوط ,,,,,,,بلقطة بكسر أضلاعو

جايي جبيل وحامل سيف ******* لعند الديب وأتباعو
تايتبارو بجلسة كيف ********** ويحكو الشعر بأنواعو


خصمي طاير بالعالي ........... وعم يطلب للفكر سباع
مع إنو راسو خالي .............. من كل شي إسمو إبداع
لهيكي من شعري الغالي ......... رح بستثني تلات رباع
وخلي ربع اللآلي ................. يقضي عاكل رباعو

[محمد حسن شريم]

أهلاً جبيل بعتلك رساله قراها من فضلك شكراً

[شفيق]

شويعر ما عندك إحساس***** بحر وللركبي قاعك

جاوبني ما بين الناس********* لما كسرت ضلاعك

راسي مليان وحساس******** وراسك بيسابق باعك

راسي ما فيوإفلاس********** وراسك حقو بدراعك

لكن أنت براس نحاس********** الرنة بأغلب أرباعك

عندك راس بشكلو راس******* لكن فاضي بنخاعو

[عمر]

جايي جبيل وحامل سيف ****** لعند الديب وأتباعو
تايتبارو بجلسة كيف ******** ويحكو الشعر بأنواعو


راسي بحر من الإحساس **** من التفكير كتير كبير
بس لمتلك مش حساس ****** مش خرجو يعطي تقدير
راسك شاكي من الإفلاس ****** وبتخاف من البحر كتير
وتاتخبي خوفك عالناس ******* بتقلن فاضي قاعو

[شفيق]

أهلا بجبيل أفندي



راسك هللي ما بينشاف******* ما بيتدلع يا مشنك

والتمرة اللي عليها غلاف *****قشرتها صورة عنك

ان صفوا هالناس بإنصاف ***حولك يا ضعيف بفنك

تيقولولك إني بخاف ******هودي عالم خافوا عليك

*****وعقلاتك عم بيراعوا ********

[عمر]

جايي جبيل وحامل سيف ****** لعند الديب وأتباعو
تايتبارو بجلسة كيف ******** ويحكو الشعر بأنواعو


خافو عليي طبعاً هيك ........ أحبابي لبيحبوني
والتمرة لمتلي ما عليك ........ عطيت للمتلك مونة
وراسي لما شفتو بعينيك ........ ما بتوصلو يا عيوني
العلقة كبيرة كتير عليك ........ بشعرك خيبت ظنوني
حكيك كلو صياح دويك ....... وأطباعك من أطباعو

[شفيق]

في حكيك لا تشلف شلف,,,,,,,,,,,,, ولو إني عا شكل الديك

المتلك صوص بيوقف خلف,,,,,,,,,, الديك وفي حبة برضيك

بحلف حلف وتحت الدلف ,,,,,,,,,,,,,سيف البلف بسنو فيك

البيخضع عا شكلك ألف ,,,,,,,,,,,,,,وما بتقدر عا إخضاعو

[عمر]

جايي جبيل وحامل سيف ****** لعند الديب وأتباعو
تايتبارو بجلسة كيف ******** ويحكو الشعر بأنواعو


شاعر عالمنبر بيغار ....... ........أوعك تتخطى حدك
لما بيعد الشعار ................... ربع شويعر بيعدك
خلف وبلف وصوص صغار ....... متلك أدّن عا أدّك
بو عمرة شاعر جبار ............... ما في منبر بيساعو

[شفيق]

تفضل عمور

جابوا شب على الحالين,,,,,,,,,,, تا يفرجينا إبداعو

رح بتشق الجفن العين,,,,,,,,, مش رح فيها بتساعو


شو هالردة يا منزوع ,,,,,,,,,,,,شعرك ما عبا خوابي


مش عم بترد بموضوع ,,,,,,,,,,حاجي دايخ عحسابي


ما بتساع بعين الجوع ,,,,,,,,,هي ردة بفصل كتابي


بتساع بشي مفرق كوع ,,,,,,,وبتساع بحجم الطابي


ومهما بشعرك صرت طلوع,,,,, بزرع روحك عا بابي


ورح يبقى هيك المزروع ,,,,,,,ما بيكبر عا زراعو

[بشار]

هلا محمد

رب السما بالعز والحكمة غني..............وميزان عدلو شامخ وما بينحني
بهالمسألة اللي انت فيها سألتني.............كلّ دين وفي الو رأيو الهني
وعا جوهري انفتّحت عين السلطنة..........باب التقمص بفتحو شو همّني
بانسان حب الخير, عا دربو فني...........وانسان تاني والقضية مبينة
قلّو يا ربي ضل صوبك شدّني.............رح ضل كافر فيك عاطل معدني
ولو عشت مية جيل عا مية سنّي...........للابد بدها تضل نفسي مشيطني
الانسان هيدي قصتو هالهينة..............لما وقع عا تراب هالكون الدني
ما عرف ياخد حصتو بالاخرة.............لكن انت قلي سبب خلق الدني؟

[عمر]

جابوا شب على الحالين,,,,,,,,,,, تا يفرجينا إبداعو

رح بتشق الجفن العين,,,,,,,,, مش رح فيها بتساعو


شو هالردة يا منزوع ,,,,,,,,,,,,شعرك ما عبا خوابي


مش عم بترد بموضوع ,,,,,,,,,,حاجي دايخ عحسابي


ما بتساع بعين الجوع ,,,,,,,,,هي ردة بفصل كتابي


بتساع بشي مفرق كوع ,,,,,,,وبتساع بحجم الطابي


ومهما بشعرك صرت طلوع,,,,, بزرع روحك عا بابي


ورح يبقى هيك المزروع ,,,,,,,ما بيكبر عا زراعو

هلا شفيق
جايي جبيل وحامل سيف ........... لعند الديب وأتباعو
تايتبارو بجلسة كيف .................. ويحكو الشعر بأنواعو


شعري ما عبا خوابي ....... عبا عقول الفهمانين
تا علمهن عا حسابي.......... تعلم معهن يا مسكين
جايي عم تطرأ بابي.......... وتباري سبع العرين
متل لفايت عالغابة............لعند السبع وأسباعو

[شفيق]

شعري نبع بينبع نبع ,,,,,,,,,,,معبي الكون بأشعاري

بطبع طبع بقلب الربع,,,,,,,,,,,, بيكفي تقلد أفكاري

سبع وضبع وقدك ربع,,,,,,, ولو شفت السبع الضاري

بسبع سبع وستةو سبع ,,,,,,,,,,,وبدمي للسبع كواعو

[محمد حسن شريم]

رب السما بالعز والحكمة غني..............وميزان عدلو شامخ وما بينحني
بهالمسألة اللي انت فيها سألتني.............كلّ دين وفي الو رأيو الهني
وعا جوهري انفتّحت عين السلطنة..........باب التقمص بفتحو شو همّني
بانسان حب الخير, عا دربو فني...........وانسان تاني والقضية مبينة
قلّو يا ربي ضل صوبك شدّني.............رح ضل كافر فيك عاطل معدني
ولو عشت مية جيل عا مية سنّي...........للابد بدها تضل نفسي مشيطني
الانسان هيدي قصتو هالهينة..............لما وقع عا تراب هالكون الدني
ما عرف ياخد حصتو بالاخرة.............لكن انت قلي سبب خلق الدني؟

ألله ال خلق هالكون في غايي إلو ........ انحبيت تعــرفهـا إلــــو روح ســــألو
أمــــــا سؤالي عن عدالـة مشتلو ......... عــــدلو للي متلك ويــن بس بيجهـلو
رح جاوبك عن عـدل ألله ومنهلو ......... وعلّــــي رصيدي مرتبه بمشتى الحلو
ألله عند مــــــا الدين منّــــو نزّلو ......... عبـــر الرسُل بالكتُب إلنـــــــا وصلو
ولمــــا بدينو فكار خلقـــو تمـولو ......... قـــامت الحجه عالخليقه يـــــــــا حلو
معناتها رب السما مـــــــــا دخلو ......... الإنســـان بالأعمــال حقــــــو حصّلو
الأعمال وحدها بترفعـو وبتنــزلو ......... جنهِ ونـار اختـــــــار هـــوي ! حللو
وعن خلق هالدنيا يــا شب تجمّلو ......... بالصبر .. شرعنــــا البـــــاب تفضّلو
مسرح لكل النــــــــاس ألله سهلو ......... وكلمن على المسرح خلق دورو الملو
فيها للي دورو عرف كيـف يمثلو ......... أدوار درجـــه بعــــد درجــــه تسلسلو
فيها ممُثل هيك شخصــــو أهـلـو ......... وفيها المُخرج هيـــــــك دورو فضــلو
وفيها للي متلي مثل وكان البطل .......... وفيها للي مثـــــل دور متلك جـــاهلو

[محمد حسن شريم]

أهلاً شفيق حساب الرسايل عندك ممتلىء عم حاول ابعتلك رساله وما عم بقدر
بالنسبه لحفلتنا موافق على كل شي تفضلت فيه وبلش أنت ..........

[بشار]

ختام

انا عا منبري قلعة منيعة.............انفرضت فرض عا جنون الطبيعة
شموخي بعرش شعر الارتجالي......شموخ الشمس عالارض الوسيعة
جمال الشعر طعّمتو بجمالي.........وسبقت بفكرتي النسمة السريعة
رجعت سيّجت منبرنا بهالي.........وزرعت العطر بالزهرة الوديعة
وغزلت الشعر عالنول المثالي......تحتى صرت شاعر بالطليعة
واذا محمد نسر بالجو عالي .......فرض عا جنون موهبتي قطيعة
بطلقة فلسفة شعري الخيالي........بتوقع فكرتو حدي صريعة
يا محمد عطيني شعر غالي ........وفكر بيشيّب الطفلة الرضيعة
وخلّي نجوم مقدرتك تلالي.........تا فيك تصد حكمتنا الرفيعة
الشعر فينا ودع حكمة وبسالة.......وعلينا واجب نصون الوديعة
سألتك وعجزت تفهم سؤالي.......رجعت جاوبت بالحجة النجيعة
بحيثك عدت عا ردت كمالي.......بحجة شفتها بعينك ذريعة
تا شوفك قادر تكفي الرسالة.......ما زال الضعف عندك بالطبيعة
قلي انت شو سر العدالي.........وخلي الناس تفهم ليش الله
بعت عالارض اكتر من شريعة

[محمد حسن شريم]

ختام
_________________________________________________________________

بعد أيـــــام ساعـــــات وليـــالي ............ رجــع بشّــــار يكتبلـي رسالي
قبل مــــــا ستارها هالعين تنزع ............. نزلـو دموعهـــا عــالأرتجالي
يــــــا جايي حد مني جبين ترفع ............. فيق من الوهم يــــــا فكر بالي
أنا كوكب شعــــــر للنـور وزع ............. قوافي الشعر منو عـــــم تلالي
وإنت بالزجــــــل معقوله مولع! ............. متل غيرك ! بااشعار الغوالي !
لكن بالفهــــــــم عقلك مصـــدع ............. ما بدو شرح ما بــــــدو دلالي
سايرتك أنـــــــــا وقبلـــت تطلع .............. مش عاجبال عندي عـا تلالي
انقطع حيلك عليك رجعت افزع ............... فزع إبن الشهامه والبســـالي
بـ ولا رده فكر بشــــّـــار ابدع ............... رغم ما هين عطيتو ســـؤالي
شــــــــك بربنا وبـــدين شـرع ............... تا معنا نقل من حالي لـ حالي
وباآخر شوط يـــا فهمان أسمع ............... شريعة رب متعـــــالي مثالي
ألله من وقت مــــا هـون أودع ............... آدام ... تايضل الدين عـــالي
بعت بعدو رُسُل تالأرض شـبع ............... رسايل.. بس بالجوهر رسالي
ومهما فيهم الأسمــــــــاء نوّع ............... شريعتهُم ما نوّع يــــــا دلالي ؟
ما قال لشخص روح وشخص أرجع ........ ولا عندو يميني ولا شمـــالي
شريعة دينا مــن فـــــــرد منبع .............. حلالك إنت يـــا مؤمن حلالي
وإنتي بليس فيك الظن زعزع .............. قســـّـم بين عبد وبيـــن والـي
يا بشّار محّي هيــــــك مطلع .............. حتى سفرك مـــــــــره بخيالي
إغتنم فـُرصه بجنبك هيك مرجع ............ إذا بغضب ما رح تلقى بدالي ؟!
أنا صدري معك خليــت أوسع .............. قرب لــــــــو بتقدر عامجالي
أنا من بعد مــــــا فكري تربع ............... على قمة زجل شاهد كمـالي
نزلت حدك بقلب كتيــر أودع ............... عند مـــا شفت دمعاتك قبالي
هيدا العدل فيي مـــــــا تمنـع ............... هيدا كـُبر عاطفتي وجمـالي
هيدا عــــــدل إبن شريم أقنع ............... عنـّو كل أهل الفكر قـــــالو

..................... تواضعنا إلك روح العدالي ...........................

[محمد حسن شريم]

بشار بعتلك رساله قراها .

[علي عامر]

اخواني الشعراء يعطيكو الف عافيه تحيّاتي العطره وتقديري