مَهْما ...

[أبو شادي]

[SIZE="6"][COLOR="Indigo"]مهما نُسور الْجَوّ طاروا وِاعتَلُوا --- في آخِر الْمِشوار بَدْهن يِنزلُوا
وْمهما غُيوم الْجَوّ بِالْمَيّة امْتَلُوا --- عالأرِض قَطْرة بعِد قَطرة بْيِهطُلُوا
وْمَهما الصّبايا تْبَوْدَروا وِتكحّلُوا --- سِنّ الْكِبَرْ بَدّو حُسُنهن يِبْدِلُو
وِالأغنِيا ؛مَهْما مَصاري تْمَوّلُوا ---- قالُوا:الْكَفَنْ جَيبِة صْغيرِة ما إلُو
وْمَهما رِجال الْبُخُل بَدْهن يِبخَلُوا --- بَدْهن بِحِرْمان الْمَلَذّة يِبْتلُوا
وْمَهما زُهور مْروجنا يِتمايَلُوا ---- في الصّيف عيدان وْوَرَق بِتْحَوّلُوا
وْمَهما الْغَبي تْحاوِلْ سِنين تْعَقّلُو --- جَهْلُو بِرَجّعْ آخِرو عَ أوّلُو
وْمهما الْمَجِدْ يِتْسابَقُوا بْدَرْبُو الْبَشَرْ -- ما بْيوصَلُو إلاّ شَخِصْ بِسْتاهَلُو[/COLOR][/SIZE]