شكرا لكم

[هيفاء العنداري]

[SIZE="6"][COLOR="Green"]بمشتى الحلو لفّيت كم لفّه
ونقّلت من ضفّه على ضفّه
وغلّيت بمروج الملاني قمار
تا شفّ لنّو من العطر شفّه
كاسي انتلا وصرت بعطش خمّار
قفّي الكاس الكاس ما يكفّي
فرّغ خوابي معتّقه واحتار
خْوابي العطش مش قادره تطفّي
وايلول فيّقلي حلم آذار
وجمّعت من زهرو ملو كفّي
وع مخدّتي الغفّيت فوقا سرار
حرقتن باحلام الوعي بخّور
حتّى عيوني فوقهن غفّي[/COLOR][/SIZE]

[slayman]

[SIZE="6"][COLOR="Green"]بمشتى الحلو لفّيت كم لفّه
ونقّلت من ضفّه على ضفّه
وغلّيت بمروج الملاني قمار
تا شفّ لنّو من العطر شفّه
كاسي انتلا وصرت بعطش خمّار
قفّي الكاس الكاس ما يكفّي
فرّغ خوابي معتّقه واحتار
خْوابي العطش مش قادره تطفّي
وايلول فيّقلي حلم آذار
وجمّعت من زهرو ملو كفّي
وع مخدّتي الغفّيت فوقا سرار
حرقتن باحلام الوعي بخّور
حتّى عيوني فوقهن غفّي[/COLOR][/SIZE]

[SIZE="6"][COLOR="Navy"]
غلّي بحلا الوردات واستحلي

وضيعي بشذاها وكمّلي الرحلة

ولا تعلّقي ان ما قرّبوا دبابير

غير العطر ما بتشرب النحلة

**********
اقريتك يا هيفا سطور فيها نور

فاتت عا مشتى للمعاني جاع

وبيادرك ياما عليها طيور

عبّت حبوب الشعر والأبداع

***

جنّي بموقع شعرنا وجودي

ولا تتركي مروج الحلا تدبل

الأنظار ليكي اليوم مشدودة

وتقيّم سيئ مين ما بيكون

بحر الزجل غضبان ما بقبل


************

[COLOR="Red"]أدارة مشتاوي الأحباء علمت ان احد كتب تقيم سيئ للشاعرة هيفا عنداري ولم أعلم الا اليوم
أول شي انا متأكد انو هيفا عنداري ثروة للمنتدى ومن الشعراء المهميّن من ناحية الوزن والصورة الشعريي
وكتار بيعرفوها متل الشاعرة والاديبة ثناء حيدر والشاعر الاديب الشيخ جعفر يعرف مقدرة هيفا الشعريي
وهي صاحبة موقع عا الفيس بوك للزجل
واتمنى من الصديق انهل الدبس وعصام يوسف والاستاذ رامي خوري اخذ ملاحظتي على محمل الجد الجمهور هوّي المقيّم الوحيد
وانا دعيت هيفا والامير وحكمة وهاني ناصيف لأنو بعتبر ها الموقع بيتي وحبيّت اعزم عليه الشعراء
وشفيق الديب بيعرف قديّش دمّي سميك هههههه

اذا في مخالفة لقنون المنتدى بتمنّى يبعتو رسالة للعضو
والبحر رايق بعدو هههههههههه وبتعرفو بحر الزجل لمّا بيغضب

بحر الزجل بو شربل[/COLOR][/COLOR][/SIZE]

هيدا الرابط

http://www.facebook.com/group.php?gid=2229476199

[شفيق]

شاعرتنا هيفا نحنا مبسوطين فيكي كتير ..
بس قريت بموضوع تاني مدري شو أنو تقييم سيئ ومدري شو
يعني مع احترامنا للمقيم كان مفروض منو يكتب ليش ويعرف عن حالو
بس لازم نحط بعين الاعتبار انو في احتمال يكون هالتقييم عشوائي من أي عضو

عا كل حال ما بدك شهادة من حدا ماشالله عليكي مكفي وموفية
أهلا وسهلا فيكي ناطرين مشاركاتك