[COLOR="Blue"]مزاميرك
**

حسّان
سمّعني مزاميرك
تاضلّ سمّعلك "مزاميرك"
متل الصدى
ل بيضلّ بالوديان

يقرا مناماتي وتفاسيرك

..

كل الشجر
ل بغابتك صلبان
نقّي على ذوقك مساميرك
تيصير
شعرك للقمر قربان
بيتناولو بشبحة تصاويرك

..

وكتابك مقدّس

نزل إنسان

قبّوعتو تْوُشْوُش سنانيرك
تيابو صلا
بتطلع متل دخان
بنيسان
من حمْوة تنانيرك
..
ياشاعر ل سرّك
مَلَش بستان
الدهشه
وعصرها مع أعاصيرك
تاصارت تشتّي الدّني
ألوان
تنزل وتطلع مع نواعيرك

..

كل ما انْفَقى

بتشرينك الرمان
وجلغم

وَرَق نام بجَوَاريرك
بنت القصيده

بتشلح الفستان
وبتبلّش تجرّب تنانيرك

..

نبيدك مناكير الندي
بفنجان
صبحك
وفيروزك عصافيرك
وت يضلّ ورد جنينتك
سكران
بيشرب بصابيعو مناكيرك

..

روحك دهب
بيعيّر التيجان
وبِيعِيرها تلجة معاييرك
ودقّات قلبك

للفلَك ميزان

ومابتطبشو إلا تعابيرك

..
ياشاعر ل بين الوحي

النعسان
وبين الوعي

عامل مشاويرك
بكرا إذا
فاض البحر نسيان
مين للي بدّو يردّ مجد الشمس
بليل البرد

إلا شخاتيرك[/COLOR]

**
د.إياد قحوش
مرمريتا

[/SIZE]

تسجيل الدخول
اسم العضو:
كلمة المرور:	نسيت كلمة المرور؟
	تذكرني