(( حارة الدِّلبة )) ...

[جميل متري]

[SIZE="7"]

[COLOR="Red"](( حارة الدِّلبة ))[/COLOR]

[/SIZE]

[SIZE="6"]

يا حارة الدلبة .. يا حارة كويّسِة ** فيكي الطريق ومَي .. فيكي المدرسة
فيكي الصَّبايا تجوب بِ نص الطريق ** وفيكي الشّباب كتير فِقرا مفلّسي
يا حارة الدلبة .. يا حارة كويّسِة
فيكي الدّلِب حيران من كِتر الرياح ** فيه الغزَل والحب .. للدنيا مُباح
فيكي النساء محصَّنة براسا وشاح ** فيكي الأساور بإيد حِرمة معَنـَّسة
يا حارة الدلبة .. يا حارة كويّسِة
مهما حَـكوا السّواح عالمشتى قليل ** فيّا الهوا بيشفي المسلول والعليل
ما منقبَـل الجنـّة ونرضاها بديل ** عيون العجائز , مبحلقة ومفـَرَّسة
يا حارة الدلبة .. يا حارة كويّسِة
الدلبة بِ وَسطا مشَرَّعة وكِلاّ خضار ** بتعطي جمال وفـَيْ لَ كل الجوار
الحَـديث عنها ... بكل ساحة وكل دار ** تلاقي حياة الطفل إلها مكَـرَّسة
يا حارة الدلبة .. يا حارة كويّسِة
مهما حكوا الشّعار وزادوا بالوصف ** وتطـَلـَّعوا عليها بِ عينين العطف
وكانت جُمَـل مو قاسية , وكِلاّ لطِف ** تلاقي القصايد مشَرَّعة ومكَدَّسة
يا حارة الدلبة .. يا حارة كويّسِة
**********************************************

[/SIZE]

[SIZE="5"]

جميل متري
أبو هيثم 30/10/2009

[/SIZE]